“Beşinci kolon” üçün yeni tapşırıq...

Bakı:

23 °C

56 %

2 m/s

Əlaqə

AZ RU EN

Ana səhifə / Siyasət / “Beşinci kolon” üçün yeni tapşırıq...

“Beşinci kolon” üçün yeni tapşırıq...

02.07.2021 [10:23]

44 günlük Vətən müharibəsində əldə olunan qələbə, torpaqlarımızın işğaldan azad edilməsi xaricdəki ermənipərəst qüvvələrin, eləcə də onların əlaltılarının ciddi narahatlığına səbəb olub. Bunun nəticəsidir ki, “sapı özümüzdən olan balta”lar, xüsusilə xarici ölkələrdə fəaliyyət göstərən marginal ünsürlər çirkin təbliğatla düşmən dəyirmanına su tökməyə çalışırlar. Bu işdə canfəşanlıq göstərənlərdən biri də Sevinc Osmanqızıdır. Belə ki, o, internet kanalında mütəmadi olaraq ermənipərəst dairələrin tezislərini təkrarlamaqla məşğuldur. Hətta indiki mərhələdə düşmən Ermənistanın absurd iddiaları Sevinc Osmanqızının və onun “ekspert” qismində verilişlərinə dəvət etdiyi şəxslərin dilindən düşmür.
Belə ki, Ermənistanın və düşmən ölkənin xaricdəki havadarlarının sosial şəbəkələrdə tirajladıqları yalanlar məhz S.Osmanqızının interent televiziyasından səslənən “tezis”lərlə eyni mahiyyəti daşıyır. Yəni Osmanqızı və yandaşları hələ də ölkəmizin ərazi bütövlüyünü şübhə altına almağa cəhd göstərir, ermənilərin maraqlarını qoruyurlar. Görəsən, “Dağlıq Qarabağ münaqişəsi” adlı bir məsələnin olmadığını, Azərbaycanın öz ərazi bütövlüyünü təmin etdiyini S.Osmanqızı və onun ermənipərəst “şərikləri” niyə həzm edə bilmirlər?
Əslində, onları başa düşmək elə də çətin deyil. O mənada ki, Azərbaycanın Vətən müharibəsindəki qətiyyətli qələbəsi Ermənistanda ağır siyasi böhrana və iqtisadi tənəzzülə yol açıb. Düşdüyü acı situasiyadan qurtula bilməyən Ermənistanda gündən-günə daha da pisləşən vəziyyət, siyasi qarşıdurmalar ermənilərin xaricdəki havadarlarını yalan kampaniyaları vasitəsilə diqqəti fərqli istiqamətlərə yönəltmək məcburiyyətində qoyub. Məhz həmin ermənipərəst dairələrin direktivləri ilə işləyən “sapı özümüzdən olan baltalar” da çox güman ki, bu “təbliğatı davam etdirmək” sifarişi alıblar. Bu səbəbdəndir ki, bütün gücünü ölkəmizin milli maraqlarına qarşı yönəltmiş “beşinci kolon” nümayəndələri bu kimi yalanları tirajlamağa çalışırlar. Bir sözlə, Sevinc Osmanqızı kimi şəxslərin nəzarətindəki internet kanallarına, təşkil etdikləri müsahibələrə və ora çıxarılan “ekspert”lərə baxdıqda hər şey daha aydın olur.
Təbii ki, S.Osmanqızının bu yalanları da əvvəlkilər kimi yalnız fiaskoya məhkumdur. Çünki Azərbaycan cəmiyyəti bütün həqiqətləri görür və dəyərləndirir. Düşmən dəyirmanına su tökənlərin arzuları isə hər zaman gözündə qalıb.
Pərviz SADAYOĞLU

Paylaş:

Baxılıb: 681 dəfə