Heydər Əliyev
yeni azerbaycan logo

Ana səhifə / Siyasət / Özbəkistan prezident seçkiləri ərəfəsində

Özbəkistan prezident seçkiləri ərəfəsində

23.10.2021 [17:44]

Bazar günü Özbəkistanda növbəti prezident seçkilərində səsvermə keçiriləcək.

2016-cı ilin sentyabrında 27 il ərzində ölkəyə başçılıq edən ilk prezident İslam Kərimovun vəfatından sonra həmin ilin dekabrında Özbəkistanda növbədənkənar prezident seçkiləri keçirilib.

Özbəkistan əhalisinin sayı 35 mln.nəfərdən çoxdur, onlardan 21 mln. 266 min nəfər səs hüququna malikdir.

Qanunvericiliyə əsasən, prezidentliyə namizədlər yalnız siyasi partiyalardan irəli sürülə bilər.

Prezident seçkilərində Özbəkistanda fəaliyyət göstərən siyasi partiyalardan 5 namizəd mübarizə aparır:

1) Özbəkistan Ekoloji Partiyasından - Narzullo Naimoviç Oblomuradov;

2) Özbəkistan Xalq-Demokratik Partiyasından - Maqsudə Əzizovna Varisova;

3) Sahibkarlar və İş Adamları Hərəkatından - Özbəkistan Liberal-Demokrat Partiyasından - Şövkət Miromonoviç Mirziyoyev;

4) Özbəkistan "Milli Tiklanış" Demokratik Partiyasından - Əlişir Gəldieviç Kodirov;

5) Özbəkistan Sosial Demokrat Partiyasından "Adolat - Bəhrom Əbdürrəhimoviç Əbduxalimov.

Hazırkı Prezident Şavkat Mirziyeyev əsas favorit olaraq qalır.

Özbək ekspertləri bunu Mirziyeyevin təşəbbüsü ilə bütün ölkə üzrə başlamış genişmiqyaslı dəyişikliklər və islahatlarla əlaqələndirirlər. Xarici siyasətdə, xüsusilə qonşu ölkələrlə mehriban qonşuluq münasibətlərinin qurulmasına yönələn islahatlar da Mirziyeyevin imicinə müsbət təsir göstərib.

Seçicilər inanırlar ki, bu islahatlar və dəyişikliklər bundan sonrakı dövrdə də uğurla davam etdiriləcəkdir.

Ekspertlər digər namizədlərin şanslarını isə çox aşağı qiymətləndirirlər.

Seşkiləri ATƏT, İƏT, Türk Şurası və MDB də daxil olmaqla, 50-dən çox ölkə və təşkilatdan beynəlxalq müşahidəçilər izləyəcək, 1 700-dən çox yerli və xarici jurnalistlə işıqlandıracaq.

Xatırladaq ki, Özbəkistan qanunvericiliyinə əsasən, prezident 5 il müddətinə seçilir. 35 yaşına çatmış və son 10 il ərzində ölkədə daimi yaşayan özbək dilini bilən Özbəkistan vətəndaşları namizəd ola bilərlər.

Nəzirə Nurullayeva, Daşkənd

Paylaş
Baxılıb: 129 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30