Əli Əhmədov ÇKP Mərkəzi Komitəsinin xarici əlaqələr şöbəsi nazirinin müavini Çen Fensyanın başçılıq etdiyi nümayəndə heyəti ilə görüşüb

Bakı:

27 °C

47 %

2 m/s

AZ RU EN

Ana səhifə / Siyasət / Əli Əhmədov ÇKP Mərkəzi Komitəsinin xarici əlaqələr şöbəsi nazirinin müavini Çen Fensyanın başçılıq etdiyi nümayəndə heyəti ilə görüşüb

Əli Əhmədov ÇKP Mərkəzi Komitəsinin xarici əlaqələr şöbəsi nazirinin müavini Çen Fensyanın başçılıq etdiyi nümayəndə heyəti ilə görüşüb

23.12.2011 [11:18]

Dünən Yeni Azərbaycan Partiyası (YAP) Sədrinin müavini-İcra katibi, Milli Məclisin deputatı Əli Əhmədov Bakıda səfərdə olan çin Kommunist Partiyası (çKP) Mərkəzi Komitəsinin xarici əlaqələr şöbəsi nazirinin müavini çen Fensyanın başçılıq etdiyi nümayəndə heyətini qəbul edib. Əli Əhmədov bu yaxınlarda çinə etdiyi səfəri məmnunluqla xatırlayıb, keçirdiyi görüşlərin, aparılan danışıqların əhəmiyyətini yüksək dəyərləndirib.
YAP Sədrinin müavini deyib ki, çin çox sürətlə inkişaf edir və bu dinamika xarici dövlətlər tərəfindən diqqətlə izlənilir: “Xüsusilə də yeni texnologiyaların tətbiqi, iqtisadiyyatın modernləşməsi güclü marağa səbəb olub. Azərbaycan da sürətlə inkişaf edən ölkədir və dövlət müstəqilliyini bərpa etdikdən sonra bir sıra uğurlara imza atıb. İqtisadiyyatın modernləşməsi istiqamətində tədbirlər davam etdirilir. Bu baxımdan, hesab edirik ki, Azərbaycan ilə çin arasında əlaqələrin inkişafına, təcrübə mübadiləsinə böyük ehtiyac var. Düşünürük ki, bizim hakim partiyalarımız - YAP və çKP arasında əlaqələrin inkişafı dövlətlərimiz və xalqlarımız arasında münasibətlərin daha da dərinləşməsinə və inkişafına xidmət edəcək”, - deyə Əli Əhmədov vurğulayıb.
çen Fensyan isə bildirib ki, Prezident İlham Əliyevin rəhbərliyi altında Azərbaycan çox böyük inkişaf yolu keçib. Qlobal maliyyə böhranından az təsirlə çıxmağın böyük hünər tələb etdiyini deyən qonaq bildirib ki, çin hökuməti Azərbaycanın əldə etdiyi bütün uğurları təqdir edir və alqışlayır: “Modernləşmə siyasəti: yeni iqtisadi və sosial çağırışlar” mövzusunda beynəlxalq konfransın yüksək səviyyədə təşkili Azərbaycanın sürətli inkişafının və modernləşməyə verdiyi əhəmiyyətin göstəricisidir. Xüsusilə də qeyd etməliyəm ki, bu, YAP-ın təşkil etdiyi ilk belə tədbir deyil. Hər dəfə də aktuallığı ilə seçilən yeni mövzulların müzakirəyə çıxarılması olduqca müsbət haldır və çKP bunu yüksək qiymətləndirir”.
Bakıya bundan əvvəl də gəldiyini vurğulayan çKP nümayəndəsi deyib ki, hər səfərində böyük dəyişikliklərin şahid olur. O, paytaxt Bakının çox gözəlləşdiyini bildirib. çinli qonaq YAP ilə çKP arasında əlaqələrin inkişafının dövlətlərimiz və xalqlarımız arasında münasibətlərin, əməkdaşlığın daha da genişlənməsinə və möhkəmlənməsinə xidmət etdiyini xüsusi qeyd edib.
Sonra görüşdə qarşılıqlı səfərlər, parlamentlər və partiyalararası əlaqələrin inkişaf perspektivləri, həmçinin, siyasi və iqtisadi sahədə, xüsusən modernləşmə ilə bağlı təcrübə mübadiləsi barədə geniş müzakirə aparılıb.

Paylaş:

Baxılıb: 1058 dəfə