Heydər Əliyev bağı və Rusiya və Azərbaycan dostluq körpüsü Həştərxanın turizm marşrutuna daxil edilib

Bakı:

12 °C

87 %

7 m/s

AZ RU EN

Ana səhifə / Sosial / Heydər Əliyev bağı və Rusiya və Azərbaycan dostluq körpüsü Həştərxanın turizm marşrutuna daxil edilib

Heydər Əliyev bağı və Rusiya və Azərbaycan dostluq körpüsü Həştərxanın turizm marşrutuna daxil edilib

04.03.2015 [09:56]

Heydər Əliyev bağı, habelə Rusiya və Azərbaycan dostluq körpüsü Həştərxanın turizm marşrutuna daxil edilib. Bu barədə Rusiyanın “Arqumentı nedeli” qəzeti yazıb.
Bir neçə il əvvəl açılmış bu obyektlər Rusiyanın xəritəsində Azərbaycan Prezidentinin xatirəsinin əbədiləşdirilməsi ənənəsinin davamı olub.
Azərbaycan xalqının Ümummilli lideri Heydər Əliyevin Rusiyada ilk abidəsi 2009-cu ildə Ulyanovskda, Heydər Əliyevin adını daşıyan meydanda qoyulub. Abidənin ucaldılması qonşu dövlətə münasibətdə formal nəzakət aktı olmayıb. Bu, keçmiş Sovet İttifaqının rəhbərliyində əsas vəzifələrdən birini tutan Azərbaycan liderinin həm Öz ölkəsinin, həm də həmin dövlətin bütün vətəndaşları qarşısında böyük xidmətlərinə ehtiramın əlamətidir.
Heydər Əliyev Azərbaycanda hakimiyyətə ölkənin vətəndaş müharibəsi həddinə çatdığı çox mürəkkəb bir dövrdə - 1993-cü ildə gəlib. Təsadüfi deyil ki, həmin tarix - 15 iyun ölkədə Azərbaycan xalqının Milli Qurtuluş Günü kimi qeyd olunur. Heydər Əliyev təkcə ölkə daxilində münaqişə ocaqlarını qısa müddətdə yatırmağa nail olmayıb, həm də Azərbaycanın indiyə qədər rəhbər tutduğu dövlətçiliyin inkişafının əsas istiqamətlərini müəyyən edib.
1994-cü ildə “Əsrin müqaviləsi” imzalanıb. Dünyanın ən iri neft-qaz korporasiyaları ilə imzalanan Xəzər dənizinin Azərbaycan sektorunda iri yataqların işlənməsi haqqında saziş ölkə sənayesinin inkişafında müstəsna rol oynayıb. Heydər Əliyevin hakimiyyəti dövründə Azərbaycan iqtisadiyyatına təqribən 20 milyard dollar investisiya cəlb olunub.
Heydər Əliyevin ölkənin rəhbərliyinə qayıdışından sonra əvvəlki hakimiyyətin dövründə müşahidə olunan milli azlıqların hüquqlarının pozulması hallarının qarşısı qətiyyətlə alınmağa başlandı. Heydər Əliyev, həmçinin, rusdilli əhalinin ölkədən axınını dayandırdı və dünyəvi ölkənin təməlini qoydu. Bu gün Azərbaycan sırf dünyəvi xarici və daxili siyasət yürüdən, Yaxın və Orta Şərqdə güclənməkdə olan ekstremist meyillərə müqavimət göstərən islam ölkələrindən biridir.
Azərbaycan ilə Rusiya heç vaxt bir-birindən uzaqlaşmağa çalışmayıblar. Prezident seçilən Vladimir Putinin Heydər Əliyev ilə görüşmək üçün ilk dəfə məhz Azərbaycana xarici səfər etməsindən, Cənubi Qafqazın ən iri dövləti ilə əməkdaşlığın əhəmiyyətini nümayiş etdirməsindən sonra münasibətlərin yaxşılaşması xüsusilə nəzərəçarpan oldu.
Rusiya-Azərbaycan parlamentlərarası dostluq qrupunun rəhbəri Dmitri Savelyev deyib: “Zənnimcə, Heydər Əliyev olmasaydı, müasir Azərbaycan da olmazdı. Azərbaycan iqtisadiyyatının, siyasi quruluşunun və ictimai həyatının əsaslı modernləşdirilməsi məhz Onun ölkə rəhbərliyinə qayıdışından sonra başlayıb. Lakin belə bir fakt xüsusilə əhəmiyyətlidir ki, Heydər Əliyev nəinki Azərbaycan-Rusiya münasibətlərini qoruyub saxlamağa müvəffəq olub, həm də hazırda ölkələrimiz arasında sürətlə inkişaf edən əməkdaşlığın əsaslarını qoyub”.

Paylaş:

Baxılıb: 868 dəfə