Nərimanov rayonunda seçkilər demokratik şəraitdə - qanunvericiliyin tələblərinə uyğun şəkildə keçirilib

Bakı:

26 °C

61 %

1 m/s

AZ RU EN

Ana səhifə / Sosial / Nərimanov rayonunda seçkilər demokratik şəraitdə - qanunvericiliyin tələblərinə uyğun şəkildə keçirilib

Nərimanov rayonunda seçkilər demokratik şəraitdə - qanunvericiliyin tələblərinə uyğun şəkildə keçirilib

02.11.2015 [11:32]

V çağırış Milli Məclisə seçkilər Bakı şəhəri Nərimanov rayonunda da yüksək seçici fəallığı ilə müşayiət olunub. 19 saylı Nərimanov birinci Seçki Dairəsinin 3 saylı Məntəqə Seçki Komissiyasının sədri Şakir Quliyev deyib ki, məntəqə üzrə 1318 seçici qeydiyyatdadır. Onun sözlərinə görə, səhər saatlarından seçki məntəqələrinə gələn seçicilər öz səsvermə hüquqlarından sərbəst surətdə - qanunlara müvafiq olaraq istifadə ediblər.
Seçicilərin fəallığının müşahidə edildiyi 19 saylı Nərimanov birinci Seçki Dairəsinin 1 saylı Məntəqə Seçki Komissiyasının sədri Rüstəm Rüstəmov deyib ki, məntəqə üzrə ümumilikdə 1409 seçici qeydiyyatdadır. O qeyd edib ki, ümumiyyətlə, seçicilərin seçkilərə marağı yüksək olub.
Eyni aktivlik digər məntəqələrdə də müşahidə edilib. Məsələn, 1411 seçicinin qeydiyyatda olduğu 19 saylı Nərimaov birinci Seçki Dairəsinin 1 saylı Məntəqə Seçki Komissiyasının sədri Səyyad Əkbərovun sözlərinə görə, seçicilər yüksək fəallıqla məntəqəyə gələrək öz seçimlərini ediblər.
Həmin darənin 28 saylı Məntəqə Seçki Komissiyasının sədri Ayaz Məmmədov isə deyib ki, ümumilikdə, 1309 seçicinin qeydiyyatda olduğu məntəqədə proses qanunvericiliyin tələblərinə uyğun şəkildə keçib.
Yeri gəlmişkən, seçkilərin demokratik şəraitdə, qanunvericiliyin tələbinə uyğun şəkildə keçirildiyini yerli müşahidəçilər də təsdiqləyiblər. Məsələn, 28 saylı Məntəqə Seçki Komissiyasında yerli müşahidəçilər Elşən Xudaverdiyev və Çinar Məsimov prosesə hər hansı kənar müdaxilənin olmadığını, seçki prosesinin seçicilərin yüksək fəallığı ilə müşayiət olunduğunu deyiblər.
19 saylı Nərimanov birinci Seçki Dairəsi üzrə 2 saylı Seçki Məntəqəsindən müşahidəçi Dilbər Rzayeva da prosesdən razılığını ifadə edib: “Heç bir qanun pozuntusu qeydə alınmayıb. Bütün seçicilər üçün sərbəst səsvermə şəraiti yaradılıb”, - deyə o bildirib.
19 saylı Nərimaov birinci Seçki Dairəsinin 10 saylı Məntəqə Seçki Komissiyasının sədri Fikrət Ağayev isə bildirib ki, məntəqə üzrə 1318 seçici qeydiyyatdadır. Seçici fəallığının müşahidə edildiyini vurğulayan məntəqə sədri əlavə edib ki, seçki prosesi demokratik və beynəlxalq standartlara müvafiq surətdə baş tutub.
Həmin dairənin 3 saylı Məntəqə Seçki Komissiyasında bitərəf müşahidəçi Elbrus Edilov, Rəsul Rəhmanov və namizəd Arif Quliyevin təmsilçisi Mais Babayev deyiblər ki, səsvermə demokratik prinsiplərə uyğun keçirilir və hər hansı qanun pozuntusuna rast gəlinməyib.
3 saylı Məntəqə Seçki Komissiyasında müşahidəçilər - Yeni Azərbaycan Partiyasından müşahidəçi Dürdanə Məmmədova və bitərəf Natiq Həsənli isə müşahidəçilərə yaradılan əlverişli şəraitdən bəhs edərək səsvermənin mövcud qanunvericiliyə uyğun keçdiyini bildiriblər. Onlar seçki prosesinin gedişindən razı qaldıqlarını, neqativ hala rast gəlmədiklərini deyiblər.
Öz səsvermə hüquqlarından istifadə edən seçicilər - Elnur Məmmədli, Kənan Qubadzadə, Çinar Məsimov, Fəxrəddin Əliyev və başqaları yaradılmış şəraiti yüksək qiymətləndirib və hər hansı qanun pozuntusu ilə rastlaşmadıqlarını qeyd ediblər.
Bununla yanaşı, seçkiləri izləyən beynəlxalq müşahidəçilər də səsvermənin gedişindən razı qaldıqlarını və seçkilərin mövcud qanunvericiliyə müvafiq surətdə keçirildiyini bildiriblər.
Nurlan QƏLƏNDƏRLİ

Paylaş:

Baxılıb: 857 dəfə