Heydər Əliyev
yeni azerbaycan logo

Ana səhifə / Sosial / Qazi Antep, Şanlı Urfa, Kahraman Maraş və əziz Şuşa

Qazi Antep, Şanlı Urfa, Kahraman Maraş və əziz Şuşa

16.11.2021 [10:37]

Şəhərlərin də insanlar kimi taleyi var. Bəzilərinin qismətinə düşən yük, keçdiyi yol, verdiyi imtahan daha ağır olur.

 Tarix boyu müharibələrdə düşmənə qarşı apardığı mübarizəyə görə fərqlənən, adı salnamələrə yazılan şəhərlər olub. Ötən yüzillikdən etibarən belə şəhərlərə göstərdiyi fədakarlığa görə, müxtəlif şərəf adlarının, ünvanların verilməsi ənənəsi yaranıb və bu gün də davam edir. Məsələn, qardaş Türkiyənin üç böyük şəhəri Kurtuluş Savaşında verdiyi mücadiləyə görə belə adlara layiq görülüb. 1921-ci ildə  Antepə-Qazi Antep, 1973-cü ildə Maraş şəhərinə-Kahraman Maraş, 1984-cü ildə Urfa şəhərinə-Şanlı Urfa  ünvanı verilib. 2016-cı ilin iyul ayında dövlət çevrilişinə cəhd edən silahlı qruplara qarşı apardığı  mübarizəyə görə Ankaranın Kazan qəsəbəsinə də Kahraman Kazan adı verilib.

II Dünya müharibəsindən sonra Sovet İttifaqının on iki şəhərinə və bir qalasına da qəhrəman şəhər adı  verilmişdi. Öz nefti ilə müharibədəki qələbədə  böyük rolu olmuş Bakı isə bu mənada haqsızlığa uğradı, layiq olduğu adı qazanmadı.

44 günlük Şanlı Vətən Müharibəmizdə ürəyimiz Şuşa ilə döyündü. Onun azad edilməsi  üçün elliklə dualar etdik, saatları, dəqiqələri saydıq. Dövlət başçısının Şuşanın azad edilməsi ilə bağlı çıxışını xalq olaraq bir nəfər kimi dinlədik  və bu sözlər dilimizin əzbəri oldu: “Əziz Şuşa, sən azadsan! Əziz Şuşa, biz səni dirçəldəcəyik!”. 44 günlük müharibədən sonra Şuşanın adı dövlət başçısının dediyi qaydada oturdu dilimizə - Əziz Şuşa. Uğrunda canlar fəda edilmiş, qanlar tökülmüş bu şəhərə “Əziz” ünvanı yaraşır. 2020-ci ilin sentyabr ayından biz-bütün azərbaycanlılar qarabağlıyıq,  şəhid qanı tökülmüş Şuşa isə hamımız  üçün Əzizdir, müqəddəsdir.

Şuşanın azad edilməsi ilə Azərbaycan  tarixində yeni səhifə açıldı. Tarixin yazıldığı bu  müqəddəs şəhərə “Əziz” ünvanının verilməsi həm Prezident İlham Əliyevin, həm də bu şəhər uğrunda döyüşmüş bütün əsgərlərin əməyinə sayğı, xatirə olar. Gələcək nəsillər  Əziz Şuşa deyincə, bu günləri  və tarixi öz əlləriylə yazan Şuşa fatehlərini sevgiylə  xatırlayarlar.

İlhamə

 

 

Paylaş
Baxılıb: 195 dəfə

Xəbər lenti

Hamısına bax

Prezident bu gün

04 Dekabr 00:11

Prezident bu gün

03 Dekabr 09:59

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31