Heydər Əliyev
yeni azerbaycan logo

Ana səhifə / YAP xəbərləri / Ağcabədidə konfrans keçirilib

Ağcabədidə konfrans keçirilib

29.04.2024 [11:08]

Aprel ayının 26-da YAP Ağcabədi rayon təşkilatı və Mərkəzi Xəstəxana Publik Hüquqi şəxsin  birgə təşkilatçılığı ilə görkəmli oftolmoloq-alim Zərifə xanım Əliyevanın anadan olmasının 101-ci ildöğnümü  münasibətilə “Xalqımıza töhfə verən ailə” mövzusunda konfrans  keçirilmişdir.

Tədbiri YAP Ağcabədi rayon təşkilatının sədri Rövşən Əhmədov açmışdır.

 Ümummilli Lider Heydər Əliyevin, görkəmli oftolmaloq-alim Zərifə xanım Əliyevanın, Azərbaycanın  Dövlət müstəqilliyi və ərazi bütövlüyü uğrunda canından keçən şəhidlərin xatirəsi 1 dəqiqəlik sükutla  yad edilmişdir.

Konfransda çıxış edən Rövşən Əhmədov qeyd etmişdir ki, iki gündən sonra görkəmli oftolmoloq-alim Zərifə xanım Əliyevanın anadan olmasının 101-ci ili tamam olur.

 Zərifə xanım Əliyeva elmi fəaliyyəti ilə yanaşı həm də ictimai xadim, görkəmli pedaqoq, ömrünü Azərbaycanın inkişafına  həsr etmiş Ulu Öndər Heydər Əliyevin sədaqətli ömür-gün yoldaşı,  ölkəmizi yenidən ərazi bütövlüyünə qovuşduran Müzəffər Ali Baş Komandan cənab İlham Əliyev kimi sərkərdə böyüdən həssas, qayğıkeş anadır.

Biz onun simasında dünya şöhrətli alim, nəcib milli Azərbaycan qadını, vəfalı həyat yoldaşı, fədakar ana obrazı görürük. Dərin intellekt, yüksək mədəniyyət, fenomenal bilik, insanpərvərlik, Vətənə məhəbbət və xeyirxahlıq kimi keyfiyyətlər Zərifə xanımın portretini tamamlayan əsas cizgilərdir. Zərifə xanım bütün Azərbaycan xalqının sevgi ilə, minnətdarlıq hissi ilə yad etdiyi, qəlblərdə özünə əbədi iz qoymuş nəcib bir insan olmuşdur.

Konfransda Ağcabədi rayon Mərkəzi Xəstəxana Publik Hüquqi şəxsin Poliklinika şöbəsinin oftolmoloq həkimi Ülviyyə Məmmədova  çıxış edərək qeyd etdi ki, elə şəxslər var ki, onların xalqı qarşısındakı xidmətləri əvəzolunmazdır. Belə insanlar həmin zirvəni qeyri-adi əməksevərliyi, təmənnnasız xeyirxahlığı, fitri istedadı, nadir bilik və qabiliyyətləri hesabına fəth edirlər. Məhz belə insanlardan biri də humanist insan, görkəmli ictimai xadim, oftolmoloq-alim Zərifə xanım Əliyevadır. Mən bir oftolmoloq həkim kimi  bu gün də Zərifə xanımın göz xəstəlikləri sahəsaində əldə etdikləri nailiyyətlərdən, yazdığı  elmi-tibbi  əsərlərdən  yararlanır,  insanların gözlərinə nur verərək, onun ənənələrini davam etdirirəm.

Konfransda GTM Qarabağ Regional ofisinin rəhbəri Radə Qafarova çıxış edərək dedi ki,  Zərifə xanım Əliyeva barədə söz demək, onun ömür yolu haqqında söhbət açmaqla həmin tarixi dövrün ənənələrinin formalaşması prosesinin də iştirakçısına çevrilmiş olursan. Hər bir millət üçün fəxr olunası haldır ki, onun dünya şöhrətli alimi, yaradıcı, istedatlı yetişdirməsi var. Zərifə xanım məhz belə unudulmaz insanlardandır. Ondan  örnək götürərək Azərbaycan qadını bu gün ölkənin ictimai-siyasi həyatında fəal iştirak edir.

Ağcabədi Pedaqoji kollecinnin psixoloqu Sevinc Hüseynova, Ağcabədi rayon  Mərkəzləşdirilmiş Kitabxana Sisteminin direktor müavini Təranə  Məmmədova konfransda çıxış edərək dünya oftolmologiya elminə töhfələr verən böyük alim, görkəmli ictimai xadim, xeyirxah insan Zərifə xanım Əliyevanın həyatı, elmi fəaliyyəti və insani xüsusiyyətləri barədə öz ürək sözlərini söyləmiş, bu nəcib insanın əziz xatirəsinin  xalqımızın qəlbində daimi yaşayacağını vurğulamışlar.

Tədbirin sonunda Ulu Öndər Heydər Əliyev və  Zərifə xanım Əliyevaya həsr edilmiş film nümayiş etdirilmişdir.

Paylaş:
Baxılıb: 84 dəfə

Xəbər lenti

Hamısına bax

Ədəbiyyat

Mədəniyyət

Siyasət

Siyasət

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31