Samuxda Milli Qurtuluş Günü münasibətilə tədbir keçirilib

Bakı:

19 °C

88 %

3 m/s

Əlaqə

AZ RU EN

Ana səhifə / YAP xəbərləri / Samuxda Milli Qurtuluş Günü münasibətilə tədbir keçirilib

Samuxda Milli Qurtuluş Günü münasibətilə tədbir keçirilib

13.06.2024 [16:53]

13 iyun 2024-cü il tarixdə Yeni Azərbaycan Partiyası Samux rayon təşkilatının akt zalında Samux rayon İcra Hakimiyyətinin və YAP Samux rayon təşkilatının birgə təşkilatçılığı ilə Milli Qurtuluş Günü münasibətilə tədbir keçirilib.
Tədbirdə Samux rayon İcra Hakimiyyətinin başçısı Firdovsi Əliyev, YAP Samux rayon təşkilatının sədri Gündüz Bayramov, rayonun hüquq-mühafizə orqanlarının, idarə, müəssisə və təşkilatlarının rəhbərləri, YAP fəalları və ictimaiyyətin nümayəndələri iştirak ediblər.
Tədbir iştirakçıları əvvəlcə Ümummilli Lider Heydər Əliyevin abidəsini ziyarət edib, önünə gül dəstələri düzüb, xatirəsini ehtiramla anıblar.

Azərbaycan Respublikasının Dövlət Himninin səsləndirilməsi ilə başlayan tədbirdə Ulu Öndər Heydər Əliyevin, eləcə də ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib.
Sonra Samux rayon İcra Hakimiyyətinin Başçısı Firdovsi Əliyev çıxış edərək öncə Milli Qurtuluş Günü münasibətilə tədbir iştirakçılarını təbrik edib. Müstəqil dövlətimizin qurtuluş tarixindən, Ulu Öndər Heydər Əliyevin xilaskarlıq missiyasından geniş söhbət açaraq Ümummilli Liderin respublika rəhbərliyinə qayıdışından sonra ölkəmizin sürətli inkişaf yoluna qədəm qoyduğunu, müstəqil respublikamızın son illər əldə etdiyi uğurların birbaşa Heydər Əliyevin adı ilə bağlı olduğunu vurğulayıb.
Daha sonra çıxış edən YAP Samux rayon təşkilatının sədri Gündüz Bayramov bildirib ki, tariximizə Milli Qurtuluş Günü kimi daxil olmuş 1993-cü ilin 15 iyun günü onu qiymətləndirənlər, dərindən dərk edənlər üçün çox əzizdir. Vətənini, xalqını sevən həmin çətin, ağrılı günlərin dəhşətlərini yaşayan, hadisələri gözləri ilə görən insanlar üçün 15 iyun əsl qurtuluş tarixi, Azərbaycanda ölüm-dirim mübarizəsinin tarixidir. Bu tarixi yaradan isə Azərbaycanın inkişafında, müstəqilliyində, gələcəyində müstəsna rol oynayan, daim xalqına arxalanan və xalqa arxa olan Ulu öndər - Heydər Əliyevdir.

Tədbirdə iştirak edən Rayon Ziyalılar Cəmiyyətinin sədri Gəray Bayramov, YAP Samux rayon təşkilatının fəal üzvləri Rasim İmamquliyev və Günel Əhmədova çıxış edərək ötən əsrin 90-cı illərində respublikamızda baş verən ictimai-siyasi prosesləri geniş təhlil edərək ulu öndər Heydər Əliyevin müdrikliyi və qətiyyəti sayəsində ölkəmizdə vətəndaş qarşıdurmasına son qoyulduğunu, Azərbaycanın müstəqilliyinin məhv olmaq təhlükəsindən azad olunduğunu xüsusi vurğulayıblar.

Daha sonra rayonda ictimai- siyasi tədbirlərdə fəal iştirakına görə bir qrup partiya fəalı fəxri fərman və qiymətli hədiyyələrlə təltif olunub.

Tədbir Milli Qurtuluş gününə həsr olunmuş bayram konserti ilə davam etdirilib.

Paylaş:

Baxılıb: 611 dəfə