Regional sabitlik və inkişaf naminə

Bakı:

19 °C

72 %

3 m/s

Əlaqə

AZ RU EN

Ana səhifə / YAP xəbərləri / Regional sabitlik və inkişaf naminə

Regional sabitlik və inkişaf naminə

15.10.2024 [12:57]

Meydanəli Yolçiyev,

YAP Daşkəsən rayon təşkilatının sədri

Azərbaycan Müstəqil Dövlətlər Birliyinin (MDB) fəal üzvü olmaqla bu təşkilatın daha da möhkəmləndirilməsi istiqamətində səylərin artırılmasını vacib hesab edir. MDB çərçivəsində təhlükəsizliyin və sabitliyin qorunması, əməkdaşlığın daha da gücləndirilməsi mühüm faktordur. Bu formatın nəticələri gələcəkdə MDB-yə daxil olan ölkələr arasında əməkdaşlıq əlaqələrinin möhkəmlənməsinə xidmət edəcək. İqtisadi əlaqələrin möhkəmlənməsi müsbət nəticə verir.

Azərbaycan strateji tərəfdaş kimi MDB ölkələrinin hər biri üçün xüsusi əhəmiyyət kəsb edir. Azərbaycan MDB-nin bir çox ölkələri üçün tranzit-nəqliyyat sahəsində etibarlı tərəfdaşdır. MDB üzvləri Şərq-Qərb və Şimal-Cənub nəqliyyat dəhlizləri üzrə Azərbaycanın tranzit imkanlarından fəal istifadə edirlər. Əlbəttə, bununla da dəhlizdən istifadə edən ölkələrin Avropa və dünya bazarlarına çıxışı daha da asanlaşır. Buna görə də Azərbaycan kimi sadiq müttəfiq və tərəfdaş MDB dövlətləri üçün böyük önəm daşıyır. Şərq-Qərb və Şimal-Cənub nəqliyyat dəhlizlərinin ötürmə qabiliyyətinin genişləndirilməsi üzrə həyata keçirilən və perspektiv layihələr bundan sonra da davam edəcək.

Oktyabrın 8-də Moskvada təşkil edilən MDB Dövlət Başçıları Şurasının iclasında iştirak edən Prezident İlham Əliyev səfər çərçivəsində rusiyalı həmkarı ilə görüşdə iki ölkə arasında əlaqələrin gündəliyinin kifayət qədər geniş olduğunu diqqətə çatdırıb. Azərbaycan ilə Rusiya nəqliyyat, energetika, humanitar sahələrdə əməkdaşlıq edir və bu səfər qarşılıqlı münasibətlərin inkişafı üçün səmərəli olacaq.

Bu isə onu deməyə əsas verir ki, qarşılıqlı etimad əsasında formalaşmış Azərbaycan-Rusiya münasibətləri bu gün yüksələn xətt üzrə inkişaf edir. Hazırda bu əlaqələri daha da inkişaf etdirmək üçün ortada möhkəm siyasi iradə və əzm var. Bu da dövlətlərimiz və xalqlarımız arasındakı dostluq münasibətlərinin daha da möhkəmlənməsinə, regional sülhün təmin edilməsinə böyük töhfə verir.

Vaxtilə Azərbaycan və Rusiyanın keçmiş Sovet İttifaqında yer alması ölkələrimiz arasında münasibətlərin özünəməxsus xarakterini formalaşdırıb. Müstəqil Azərbaycan və Rusiya arasında diplomatik əlaqələr 1992-ci il aprelin 4-də qurulub. 1992-ci il sentyabrın 25-də Rusiyanın Azərbaycanda səfirliyi fəaliyyətə başlayıb.

Azərbaycanın geosiyasi cəhətdən çətin bir regionda yerləşməsinə baxmayaraq rəsmi Bakının yürütdüyü rasional və balanslaşdırılmış siyasət nəticəsində bütün vektorlarla sahib olduğumuz isti münasibətlər bu illər ərzində ölkəmizin maraqlarının nəzərə alınmasına gətirib çıxarıb. Azərbaycan-Rusiya münasibətləri heç vaxt indiki qədər inkişaf etməyib. 2024-cü il ərzində tərəflər arasında bütün istiqamətlərdə inkişaf göz qabağındadır. Hər iki dövlət rəsmilərinin Moskvaya və Bakıya qarşılıqlı səfərləri, onların arasında bir neçə dəfə ən yüksək səviyyədə görüşlərin keçirilməsi buna misaldır. Çünki ikitərəfli münasibətlərdə aparıcı rolu ölkələrin liderləri tuturlar. Prezident İlham Əliyevə Rusiya Prezidenti Vladimir Putin tərəfindən verilən yüksək qiymət dövlətimizin başçısının yürütdüyü düsünülmüş siyasətin nəticəsidir.

Rusiya Prezidenti Vladimir Putinin Azərbaycana dövlət səfərləri də xüsusi əhəmiyyət kəsb edir. V.Putin indiyədək Azərbaycana 7 dəfə səfər edib. Bundan başqa hər iki ölkənin lideri beynəlxalq platformalar çərçivəsində çoxsaylı görüşlər keçiriblər.

Prezident İlham Əliyevin son Moskva səfəri Azərbaycan-Rusiya əlaqələrinin inkişafında böyük təsirə malik olacaq. Beləliklə, səfər iki ölkə arasında əlaqələrin yeni inkişaf mərhələsinə qədəm qoyması baxımından da çox əhəmiyyətlidir.

Paylaş:

Baxılıb: 511 dəfə