“Qalib Lider İlham Əliyevin yeni idarəetmə modelində gəncliyə və gələcəyə əsaslanmış dəyərlər prinsipi” mövzusunda tədbir keçirilib

Bakı:

19 °C

82 %

4 m/s

AZ RU EN

Ana səhifə / YAP xəbərləri / “Qalib Lider İlham Əliyevin yeni idarəetmə modelində gəncliyə və gələcəyə əsaslanmış dəyərlər prinsipi” mövzusunda tədbir keçirilib

“Qalib Lider İlham Əliyevin yeni idarəetmə modelində gəncliyə və gələcəyə əsaslanmış dəyərlər prinsipi” mövzusunda tədbir keçirilib

24.12.2024 [21:29]

Yeni Azərbaycan Partiyası Nərimanov rayon təşkilatı tərəfindən “Qalib Lider İlham Əliyevin yeni idarəetmə modelində gəncliyə və gələcəyə əsaslanmış dəyərlər prinsipi” mövzusuna həsr olunmuş tədbir keçirilib.

Tədbirdən öncə YAP Nərimanov rayon təşkilatının foyesində Ulu Öndər Heydər Əliyevin büstü önünə tər-gül dəstələri qoyulub, əziz xatirəsi ehtiramla anılıb.

Tədbirdə ilk öncə Azərbaycan Respublikasının Dövlət Himni səsləndirilib, sonra Ümummilli lider Heydər Əliyevin və Vətənimizin bütövlüyü uğrunda canından keçmiş şəhidlərimizin əziz ruhu bir dəqiqəlik sükutla yad edilib.

Tədbiri giriş sözü ilə Yeni Azərbaycan Partiyası Nərimanov rayon təşkilatının sədri Elçin Quliyev açaraq bildirib ki, Ulu Öndər Heydər Əliyevin güclü təməllərini atdığı müstəqil dövlətimizin uğurlarının əsasında Prezident İlham Əliyevin liderlik keyfiyyətləri, zəkası, siyasi iradəsi və uzaqgörənliyi dayanır. E. Quliyev Ulu Öndərin ideyaları əsasında və Prezident İlham Əliyevin rəhbərliyi ilə həyata keçirilən məqsədyönlü siyasət nəticəsində istər ölkə daxilində, istərsə də beynəlxalq aləmdə mühüm nailiyyətlər qazanılmasını, Azərbaycanın iqtisadi və siyasi imkanlarının genişlənməsini, qlobal arenada mövqeyinin daha da möhkəmlənməsini qeyd edib. O bildirib ki, 2020-ci ildə əldə edilmiş möhtəşəm Qələbə ilə azad edilmiş bütün torpaqlarımızda suverenliyimiz tam bərpa olunub, Azərbaycan bayrağı bütün ərazilərimizdə ucaldılıb. Təşkilat sədri onu da söyləyib ki, Ulu Öndərimizin müəyyənləşdirdiyi gənclər siyasəti dövlətimizin gənclərə qayğısını şərtləndirir, hazırda isə bu siyasət Prezidentimiz İlham Əliyev tərəfindən uğurla davam etdirilir.

Tədbirdə YAP Gənclər Birliyinin sədri Bəxtiyar İslamov, YAP Gənclər Birliyinin üzvü Emil Aslanlı və YAP Nərimanov rayon təşkilatının əməkdaşı Nərminə Qədirova çıxış edərək müstəqil Azərbaycan Respublikasını tarixin ən böyük nailiyyətlərinə yetirmiş Azərbaycan Prezidenti İlham Əliyevin həyata keçirdiyi dövlət siyasətində gəncliyə qayğı məsələlərinin mühüm yer tutduğunu qeyd ediblər. Bildirilib ki, bu, Ulu Öndər Heydər Əliyevin müəyyən etdiyi dövlət gənclər siyasətinin müasir dünyamızın reallıqları şəraitində daha böyük əzmkarlıqla davamıdır. Natiqlər vurğulayıb ki, məhz ölkə rəhbəri İlham Əliyevin siyasəti nəticəsində gənclərə öz imkanlarını reallaşdırmaq üçün hər cür şərait yaradılır, onların təşəbbüsləri dəstəklənir, Azərbaycan gənclərinin cəmiyyətdə fəal iştirakı təmin edilir.

Sonra tədbirdə qonaqlar tərəfindən gəncləri maraqlandıran suallar cavablandırılıb.

Tədbirdə YAP Nərimanov rayon təşkilatının ictimai-siyasi həyatında fəallığı ilə seçilən gənclər təltif olunub və partiyaya yeni üzv olan gənclərə üzvlük vəsiqələri təqdim olunub.

Sonda xatirə şəkli çəkilib.

Paylaş:

Baxılıb: 536 dəfə