Şabranlılar Prezident İlham Əliyevi dəstəkləyirlər

Bakı:

12 °C

71 %

6 m/s

Əlaqə

AZ RU EN

Ana səhifə / YAP xəbərləri / Şabranlılar Prezident İlham Əliyevi dəstəkləyirlər

Şabranlılar Prezident İlham Əliyevi dəstəkləyirlər

18.09.2013 [10:48]

Bu fikirlər rayonun Pirəmsən və Sincanboyat kəndlərində keçirilən görüşdə səsləndirilib
Yeni Azərbaycan Partiyası tərəfindən Azərbaycan Respublikasının prezidentliyinə namizədliyi irəli sürülmüş cənab İlham Əliyevin Şabran rayonu üzrə Seçki Qərargahı Azərbaycan Respublikasının Seçki Məcəlləsinin tələblərinə uyğun olaraq sentyabrın 16-dan etibarən təbliğat-təşviqat kampaniyasını uğurla davam etdirir. Növbəti analoji tədbirlər rayonun Düzbilici və Xəlfələr kəndlərində keçirilib.
Görüşləri giriş sözü ilə açan YAP Şabran rayon təşkilatının sədri Mehdi Balabəyov bildirib ki, Azərbaycan həm Qərb, həm də Şərq dəyərlərini özündə birləşdirməklə özünün dünya birliyində xüsusi əhəmiyyətə malik olduğunu balanslaşdırılmış siyasəti ilə təsdiqləyib. Son illərdə inkişafa yönələn proseslərdən də aydın olur ki, Qərb ilə Şərqin qovuşduğu məkanda yerləşən Azərbaycan regionlararası siyasi, iqtisadi və ticarət əlaqələrinin inkişafında mühüm amilə çevrilir: “Məhz cənab Prezidentimizin həyata keçirdiyi düşünülmüş xarici siyasətin uğurları nəticəsində ölkəmizin enerji, nəqliyyat, tranzit və logistika infrastrukturu sözün əsl mənasında inkişaf edib. Daxili və xarici siyasətin paralel inkişaf etdiyi Azərbaycanda tərəqqinin müsbət və uğurlu nəticələri göz qabağındadır”.
Görüşlərdə çıxış edən millət vəkili Tahir Süleymanov bildirib ki, Azərbaycan dünyada sürətlə inkişaf edən ölkələr sırasındadır: “Ölkə öz müstəqilliyini bərpa etdiyi 22 il ərzində iqtisadiyyatının 3 dəfə, dövlət büdcəsinin 20 dəfə artımına nail olub. Azərbaycanın hərtərəfli inkişafı, ölkədə gedən quruculuq və abadlıq işləri dünya səviyyəsində qəbul edilir. Bu intibahı görən xarici qonaqlar öz heyranlıqlarını gizlədə bilmirlər. Azərbaycanda qeyri-neft sektorunun, regionların sosial-iqtisadi inkişafı, əlverişli sahibkarlıq və biznes mühitinin formalaşdırılması, işsizlik probleminin həlli, əhalinin həyat şəraitinin yaxşılaşdırılması məsələləri Azərbaycan Prezidenti İlham Əliyevin yeritdiyi iqtisadi siyasətin prioritet istiqamətləri kimi diqqəti cəlb edir. İdarəetmə sisteminə dinamizm və müasirlik çalarları gətirən dövlət başçısı hökumətin həyata keçirməli olduğu tədbirlərin icra prosesini daim şəxsi nəzarətdə saxlayır, habelə ölkənin strateji resurslarını milli inkişafa təkan verən qlobal layihələrin reallaşdırılması yönündə səfərbər edir. Məhz bu amilləri nəzərə alan şabranlılar seçki günündə hamı bir nəfər kimi Ulu öndərin siyasi kursunu uğurla və dinamik bir şəkildə davam etdirən cənab İlham Əliyevə səs verəcəklər”.
Tədbirdə çıxış edən kənd sakinləri oktyabrın 9-da cənab İlham Əliyevə səs verəcəklərini bildiriblər.
Oktay

Paylaş:

Baxılıb: 1271 dəfə