Azərbaycan xalqı Prezident İlham Əliyevə inanır, Ona etimad göstərir

Bakı:

17 °C

63 %

10 m/s

Əlaqə

AZ RU EN

Ana səhifə / YAP xəbərləri / Azərbaycan xalqı Prezident İlham Əliyevə inanır, Ona etimad göstərir

Azərbaycan xalqı Prezident İlham Əliyevə inanır, Ona etimad göstərir

22.09.2013 [10:58]

Gəncədə 9 oktyabr prezident seçkiləri ilə bağlı təbliğat-təşviqat kampaniyası böyük ruh yüksəkliyi və uğurla davam etdirilir
Paytaxt Bakı ilə bərabər, ölkəmizin bütün bölgələrində, o cümlədən, Azərbaycanın qədim şəhəri olan Gəncədə də 9 oktyabr prezident seçkiləri ilə bağlı təbliğat-təşviqat kampaniyası böyük ruh yüksəkliyi və uğurla davam etdirilir. Növbəti möhtəşəm görüşlər dünən Gəncə Dövlət Dram Teatrının binasında, daha sonra isə Hacıkənd qəsəbə Mədəniyyət klubunda keçirilib. YAP Gəncə şəhər təşkilatının sədri Naqif Həmzəyevin, şəhər təşkilatı İdarə Heyəti və Şura üzvlərinin, təbliğat-təşviqat qrupu üzvlərinin, partiya fəallarının, ictimaiyyət nümayəndələrinin iştirak etdiyi bu görüşlərdə Azərbaycanın uğurlarından, müstəqil dövlətçiliyindən, Azərbaycan xalqına cənab Prezidentimizin bəxş etdiyi imkanlardan, ölkə başçısının tövsiyə və tapşırıqlarını yüksək təşkilatçılıqla yerinə yetirən şəhər rəhbərliyinin həyata keçirdiyi tədbirlərdən, gördüyü işlərdən, Gəncənin “Gənclər Paytaxtı” adını şərəflə doğrultmasından, Azərbaycanın dilbər guşəsi Hacıkənd qəsəbəsinin köklü şəkildə yenidən qurulmasından, insanların kommunal problemlərinin həll olunmasından danışılıb.
Yeni Azərbaycan Partiyası Gəncə şəhər təşkilatının sədri Naqif Həmzəyev vurğulayıb ki, həqiqətən də, Azərbaycanın bugünkü reallıqları hər bir vətəndaşı ruhlandırır, sevindirir. Layiqli həyat şəraiti təmin olunmuş Azərbaycan vətəndaşları, xaricdə yaşayan soydaşlarımız arxalarında güclü, onları dünyanın istənilən nöqtəsində müdafiə etməyə qadir olan bir dövlət görürlər və belə bir dövlətin vətəndaşları olduqlarına görə fəxr edirlər: “Avropa Birliyinin “Avropa Qonşuluq Barometri” çərçivəsində keçirilmiş sorğu göstərdi ki, Azərbaycanda əhalinin 92 faizi öz hökumətinə inanır. Yəni ölkə əhalisinin 92 faizi hakimiyyətin fəaliyyətini bəyənir və ona etimad göstərir. Bütün obyektiv rəy sorğuları xalqla hakimiyyətin sıx birliyinin təcəssümüdür. Budur son 10 ilin real nəticəsi. Budur 2013-cü ilin, bu günün seçki reallığı!”
Hacıkənd qəsəbəsində keçirilən görüşdə isə YAP Gəncə şəhər təşkilatının sədri Naqif Həmzəyev deyib ki, ölkə başçısının rəhbərliyi ilə qazanılan nailiyyətlərin nümunəsi olaraq yaşamaq üçün hər cür şəraiti olan bu yaraşıqlı, səfalı qəsəbə Azərbaycan Respublikasının Prezidenti cənab İlham Əliyevin seçicilərə çox qiymətli töhfəsidir.
Təbliğat-təşviqat qrupunun üzvləri Yusif Yusibov, Həsənbala Sadıqov, Cavid Bağırzadə və Ceyhun Hüseynov çıxışlarında seçiciləri dağılan bir ölkəni xilas edərək güclü və qüdrətli, dünya miqyasında tanınan Azərbaycan zirvəsinə qaldıran Ulu öndər Heydər Əliyev siyasi kursunun Azərbaycan Prezidenti cənab İlham Əliyev tərəfindən növbəti 5 ildə də davam etdirilməsinə səs verməyə çağırıblar.

Paylaş:

Baxılıb: 1260 dəfə