Prezident İlham Əliyevin rəhbərliyi dövründə Azərbaycan hər bir sahədə böyük inkişaf yolu qət edib

Bakı:

16 °C

77 %

9 m/s

AZ RU EN

Ana səhifə / YAP xəbərləri / Prezident İlham Əliyevin rəhbərliyi dövründə Azərbaycan hər bir sahədə böyük inkişaf yolu qət edib

Prezident İlham Əliyevin rəhbərliyi dövründə Azərbaycan hər bir sahədə böyük inkişaf yolu qət edib

26.09.2013 [10:57]

Yeni Azərbaycan Partiyası Tərtər rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir
Yeni Azərbaycan Partiyası Tərtər rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində dünən rayonun Soyulan, İrəvanlı, Hacallı və Qapanlı kəndlərində seçicilərlə növbəti görüşlər keçirilib.
Görüşləri giriş sözü ilə açan YAP Tərtər rayon təşkilatının sədri Ramiz Şabanov ölkəmizin vacib bir siyasi proses ərəfəsində olduğunu deyib. Bu prosesdə hər bir seçicinin fəallıq göstərməsinin zəruri olduğunu bildirən R.Şabanov əlavə edib ki, seçkilərdə cənab İlham Əliyevin qalib gələcəyinə kimsə şübhə etmir: “Azərbaycanda müşahidə edilən inkişaf prosesinə, görülən işlərə nəzər saldıqda ölkə ictimaiyyətində dövlət başçımıza olan yüksək rəğbətin heç də təsadüfi olmadığı bir daha aydın görünür. Prezident İlham Əliyevin ölkəyə rəhbərlik etdiyi 10 il ərzində Azərbaycan hər bir sahədə böyük inkişaf yolu keçib. Bütün sahələrdə görülən işlər, qazanılan uğurlar onu göstərir ki, Azərbaycan doğru yolda irəliləyir və xalqımız düzgün seçim edib. Bu yol Ulu öndər Heydər Əliyev yoludur. Ümummilli liderin əsasını qoyduğu inkişaf xətti Azərbaycan Respublikasının güclü dövlətə çevrilməsinə və əbədi mövcudluğuna, Azərbaycan xalqının rifahına, firavan yaşayışına və inkişafına görə dünya xalqları içərisində ön sıralarda dayanmasına hesablanıb”.
Millət vəkili Sahib Alıyev Azərbaycanın əldə etdiyi iqtisadi uğurların hər bir sahədə köklü dəyişikliklərlə müşahidə olunduğunu və bunun vətəndaşlarımızın həyatında öz əksini tapdığını bildirib: “Təsadüfi deyil ki, Azərbaycan xalqı cənab İlham Əliyevi 2013-cü ildən sonra da özünün Prezidenti kimi görür. Ölkənin 2020-ci il üçün müəyyənləşdirilən inkişaf konsepsiyasında qarşıya qoyulan məqsədlər və onların həyata keçirilməsi üçün hazırda mövcud olan möhkəm təməllər doğru seçimin nədən ibarət olmasına şübhə yeri qoymur”.
Seçicilər qarşısında çıxış edən YAP Tərtər rayon təşkilatı Aparatının rəhbəri Kamil Məmmədov deyib ki, Prezident İlham Əliyevin liderliyi ilə Azərbaycan qarşıya qoyduğu bir çox məqsədlərinə nail olub: “Cənab İlham Əliyevin ölkəni idarə etdiyi dövrdə, bir zamanlar yalnız xəyal kimi görünən nəhəng enerji layihələri, ölkənin hər yerində abadlaşma, müasirləşmə, Azərbaycanın dünyada tanınması və milli maraqlara xidmət edən çoxsaylı digər məqsədlər artıq gerçəkliyə çevrilib”.
Çıxış edən təbliğat-təşviqat qrupunun üzvü Xaliq Məmmədov, həmçinin, Soyulan kənd sakinləri - Mayıl Məmmədov, Yaqub Ağayev, Əşrəf Sadıqov, İrəvanlı kənd sakinləri- Afaq Məmmədova, Xaliq Məmmədov, Cəfər Məmmədov, Hacallı kənd sakinləri- Əprüz Nəcəfova, Mübariz Albetov, Oktay Məmmədov, həmçinin, Qapanlı kənd sakinləri- Zenfira Allahverdiyeva, Zülfü Şəmiyev 9 oktyabrda keçiriləcək prezident seçkilərində YAP-ın namizədinə səs verəcəklərini bəyan ediblər.
Nadir AZƏRİ

Paylaş:

Baxılıb: 1053 dəfə