Tərtərlilər seçkilərə “İlham Əliyevlə yeni zəfərlərə doğru” şüarı ilə gedirlər

Bakı:

25 °C

50 %

1 m/s

Əlaqə

AZ RU EN

Ana səhifə / YAP xəbərləri / Tərtərlilər seçkilərə “İlham Əliyevlə yeni zəfərlərə doğru” şüarı ilə gedirlər

Tərtərlilər seçkilərə “İlham Əliyevlə yeni zəfərlərə doğru” şüarı ilə gedirlər

27.09.2013 [10:11]

Bu fikirlər rayonun İlxıçılar, Azad Qaraqoyunlu və Qapanlı kəndlərində keçirilən görüşlərdə bir daha bəyan edilib
Yeni Azərbaycan Partiyası tərəfindən prezidentliyə namizədliyi irəli sürülmüş cənab İlham Əliyevin Tərtər rayonu üzrə seçki qərargahı tərəfindən müəyyənləşdirilmiş tədbirlər planına uyğun olaraq seçicilərlə görüşlər davam edir. Bu istiqamətdə növbəti görüş rayonun İlxıçılar, Azad Qaraqoyunlu və Qapanlı kəndlərində keçirilib.
Görüşləri giriş sözü ilə açan Yeni Azərbaycan Partiyası Tərtər rayon təşkilatının sədri Ramiz Şabanov ölkəmizin tarixi mərhələ ərəfəsində olduğunu deyib. Oktyabrın 9-da Azərbaycanda növbəti prezident seçkilərinin keçiriləcəyini bildirən Ramiz Şabanov bu seçkilərdə cənab İlham Əliyevin qələbə qazanacağına kimsənin şübhə etmədiyini söyləyib: “Dövlət başçısı İlham Əliyev Azərbaycanın sosial-iqtisadi inkişafını Öz siyasətinin başlıca istiqaməti kimi müəyyənləşdirib, qarşıya qoyulan məqsədlərə çatmaq üçün çoxsaylı Dövlət proqramları, layihələr reallaşdırılıb. Azərbaycan iqtisadiyyatı şaxələndirilib, qeyri-neft sektorunun sürətli inkişafı təmin edilib. Son illər ölkənin sənaye, turizm, idman, ticarət və digər sahələrində ciddi irəliləyiş müşahidə olunmaqdadır. Hazırda Azərbaycan Dövlət Neft Fondunda 30 milyard dollardan artıq vəsait toplanıb. Ölkənin strateji valyuta ehtiyatları isə 46 milyard dollara çatıb. 9 milyondan çox əhalisi olan Azərbaycan dünyanın 50 inkişaf etmiş iqtisadiyyatı sırasına daxil olub”.
Ramiz Şabanov çıxışını “Bir sözlə, son 10 ildə ölkəmizin əldə etdiyi uğurlar Prezident İlham Əliyevin adı ilə bağlıdır. Məhz buna görə də tərtərlilər seçkilərə “İlham Əliyevlə yeni zəfərlərə doğru” şüarı ilə gedirlər” sözləri ilə tamamlayıb.
Görüşlərdə çıxış edən millət vəkili Sahib Alıyev Azərbaycanın əldə etdiyi iqtisadi uğurların hər bir sahədə köklü dəyişikliklərlə müşahidə olunduğunu və bunun vətəndaşlarımızın həyatında öz əksini tapdığını bildirib: “Sosial sahədə ardıcıl şəkildə həyata keçirilən layihələr onu göstərir ki, Azərbaycan hökuməti əhalinin maddi rifah halının yaxşılaşdırılması və onların bütün sosial qayğılarla əhatə olunmaları üçün güclü maliyyə imkanlarına və islahatları dərinləşdirmək iradəsinə malikdir. Təsadüfi deyil ki, Prezident İlham Əliyev dəfələrlə bəyan edib ki, sosial siyasət Azərbaycanın dövlət siyasətinin ayrılmaz hissəsidir”.
Sakinlər qarşısında çıxış edən YAP Tərtər rayon təşkilatı Aparatının rəhbəri Kamil Məmmədov deyib ki, dövlət başçısı İlham Əliyevin rəhbərliyi ilə həyata keçirilən siyasət nəticəsində ölkənin sənaye, turizm, idman, bank fəaliyyəti, ticarət və digər sahələrində ciddi irəliləyiş müşahidə olunmaqdadır: “Məhz buna görə də, xalqımız növbəti dəfə cənab İlham Əliyevə səs verəcək”.
Görüşlərdə çıxış edən İlxıçılar kənd sakinləri - Alyoş Zeynalov, Naməddin Kərimov, Asif Hüseynov, Azad Qaraqoyunlu kənd sakinləri - Zabin Quliyev, Elmira Hüseynova, Məhəmməd Səfərov, Qapanlı kənd sakinləri - Kamran Əhmədov, Sabir Quliyev, Əlövsət Əliyev ölkədə aparılan quruculuq, abadlıq işlərinin Tərtərdən də yan keçmədiyini deyiblər. Çıxışlarda qeyd olunub ki, hazırda Azərbaycanın bütün rayonlarında, o cümlədən Tərtərdə də böyük infrastruktur layihələri həyata keçirilir. İqtisadiyyatın yeni sektorlarına fəal qaydada sərmayə yatırılır. Bütün bu uğurların və inkişafın davam etməsi üçün isə tərtərlilər oktyabrın 9-da cənab İlham Əliyevə səs verəcəklər.
NADİR

Paylaş:

Baxılıb: 1218 dəfə