YAP Göygöl rayon təşkilatı seçicilərlə növbəti görüşlərini rayonun Üçtəpə və Firuzabad kəndlərində keçirib

Bakı:

14 °C

77 %

9 m/s

AZ RU EN

Ana səhifə / YAP xəbərləri / YAP Göygöl rayon təşkilatı seçicilərlə növbəti görüşlərini rayonun Üçtəpə və Firuzabad kəndlərində keçirib

YAP Göygöl rayon təşkilatı seçicilərlə növbəti görüşlərini rayonun Üçtəpə və Firuzabad kəndlərində keçirib

28.09.2013 [10:56]

Yeni Azərbaycan Partiyasının (YAP) Göygöl rayon təşkilatı partiyamızın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşlərini rayonun Üçtəpə və Firuzabad kəndlərində keçirib.
Çıxış edən YAP Göygöl rayon təşkilatının sədri Turani Əliyev bildirib ki, son 10 ildə Azərbaycan böyük inkişaf yolu keçib: “Bu, ölkəmizin malik olduğu təbii resurslardan səmərəli istifadə imkanlarımızın genişləndirilməsinə zəmin yaradıb. Neft gəlirlərinin idarə olunmasında şəffaflıq, ədalət prinsipinin rəhbər tutulması ölkənin maliyyə imkanlarının genişlənməsində və mühüm sosial-iqtisadi layihələrin həyata keçirilməsində özünü təsdiqləyib. Bu gün Azərbaycanın hər bir bölgəsi sürətlə inkişaf etməkdədir. İnsanlar bu inkişafdan məmnun olduqlarını bəyan edirlər. Əminəm ki, qarşıdan gələn prezident seçkilərində seçicilərin böyük əksəriyyəti cənab İlham Əliyevə səs verəcəklər və Yeni Azərbaycan Partiyasının namizədi qalib gələcək”.
Daha sonra çıxış edən Milli Məclisin deputatı Rövşən Rzayev isə deyib ki, Azərbaycan öz iqtisadi tərəqqisi ilə inkişafın Azərbaycan modelini formalaşdırıb: “Ötən 10 il ərzində bütün sahələrdə ciddi uğurlar əldə edilib, Azərbaycan investisiya yatırılan ölkədən investisiya qoyan ölkəyə çevrilib. Onu da qeyd etmək istəyirəm ki, bazar iqtisadiyyatı yolu ilə irəliləyən, sosial-iqtisadi proqramların həlli üçün maliyyə imkanlarını artıran Azərbaycan investisiya cəlbediciliyinə görə maraq doğurur. Son 10 ildə ölkə iqtisadiyyatına 140 milyard dollar vəsait qoyulub ki, bunun da 50 milyard dollardan çoxu neft-qaz sektorunun payına düşür”.
Azərbaycanda dövlət quruculuğu prosesinin bir çox ölkələrə nümunə olduğunu deyən millət vəkili əlavə edib ki, Azərbaycan demokratiya yolunda qətiyyətlə irəliləyir: “Prezident İlham Əliyevin rəhbərliyi ilə ardıcıl siyasi-hüquqi islahatlar həyata keçirilir. Bu gün ölkəmizin dayaqları güclənir. Ona görə də xalq cənab İlham Əliyevə dərin inam və etimad bəsləyir. Zənnimcə, bu, seçkilərdə də öz əksini tapacaq”.
Daha sonra çıxış edənlər - qərargah üzvləri Məhəbbət Abbasova, Nəsir Əliyev, seçicilər Elminaz Cəfərova, Rakif Nəsibov və digərləri Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs ediblər və Yeni Azərbaycan Partiyasının namizədinin növbəti dəfə əzəmətli qələbə qazanacağına inandıqlarını bildiriblər.
NURLAN

Paylaş:

Baxılıb: 1072 dəfə