Perspektivli əməkdaşlıq sahələri

Bakı:

26 °C

61 %

2 m/s

Əlaqə

AZ RU EN

Ana səhifə / YAP xəbərləri / Perspektivli əməkdaşlıq sahələri

Perspektivli əməkdaşlıq sahələri

12.12.2025 [12:09]

Keçən il Slovakiya və Azərbaycan arasında Strateji Tərəfdaşlıq haqqında Birgə Bəyannamə imzalanmışdır. Bununla da iki ölkə arasında əlaqələr öz yüksək həddinə çatmışdır. Strateji Tərəfdaşlıq haqqında Birgə Bəyannaməyə uyğun olaraq bütün istiqamətlər üzrə çox fəal əməkdaşlıq əlaqələri qurulmuşdur.

Slovakiya Respublikasına rəsmi səfəri zamanı mətbuata bəyanatında Prezident İlham Əliyev ölkələrimiz arasındakı əlaqələrdən danışarkən qeyd etdi ki, ənənəvi əməkdaşlıq sahəsi olan energetika üzrə konkret layihələr icra edilir. Keçən il ilk dəfə olaraq Azərbaycan qazı Slovakiyaya təchiz edilmişdir və Slovakiyanın ehtiyacları olan səviyyədə, istənilən həcmdə Azərbaycan enerji resurslarını təmin edə bilər.

Ölkəmizin zəngin qaz yataqları bu gün imkan verir ki, dünyanın bir çox ölkələrinə təbii qazı ixrac edilsin. Artıq Azərbaycan qazını almış ölkələrin sayı 14-ə çatıb. Azərbaycan boru kəmərləri ilə ixrac edilən qazın təchizatçı ölkəsi olaraq birinci yerdədir. Mətbuata bəyanatında Prezident İlham Əliyev diqqətə çatdırdı ki, yeni qaz yataqlarının işlənməsi nəticəsində əlavə resurslar əldə ediləcək və təbii ki, həm Slovakiyaya, həm də onun qonşularına Azərbaycan qazının təchizatı daha da böyük həcmdə mümkün olacaqdır. Hazırda ölkəmizin ümumi qaz ixracı 25 milyard kubmetr səviyyəsindədir, bunun da yarısı Avropa ölkələrinə nəql edilir. Bu gün Avropa İttifaqına üzv 8 ölkə Azərbaycan qazını alaraq öz enerji təhlükəsizliyini təmin etmiş olur.

Azərbaycan və Slovakiya arasında perspektivli əməkdaşlıq sahələrindən biri də müdafiə sənayesi sahəsidir. Bu sahədə bir sinergiyanın yaradılması üçün Slovakiya texnologiyaları ilə Azərbaycan maliyyə imkanlarını birləşdirərək yeni məhsulların istehsalı dünya bazarları üçün də maraqlı ola bilər. Hər iki ölkə bu istiqamətdə konkret layihələr üzərində çalışır.

Prezident İlham Əliyev mətbuata bəyanatında vurğuladı ki, Azərbaycan öz xarici siyasət prioritetlərini çoxdan müəyyən edib. Bu gün ölkəmiz Şərqlə Qərb arasında müəyyən bir körpü rolunu oynayır. İnfrastruktura, bağlantılara, nəqliyyat sektoruna qoyulan sərmayə bu gün imkan verir ki, Azərbaycan Şərq-Qərb nəqliyyat dəhlizinin önəmli parçasına çevrilsin. Azərbaycan Orta Dəhliz layihəsində fəal iştirak edir. Orta Asiyanı Avropa ilə birləşdirən ən etibarlı və ən təhlükəsiz marşrut Azərbaycan ərazisindən keçir. Gələcək illərdə bağlantılar və nəqliyyat sahəsinə əlavə vəsait qoyaraq ölkəmiz öz imkanlarını genişləndirəcək.

Əlişah Rəcəbov

YAP Ağdaş rayon təşkilatının sdəri

Paylaş:

Baxılıb: 680 dəfə