YAP Yevlax rayon təşkilatında partiyanın yaranmasının 21-ci ildönümü münasibətilə tədbir keçirilib

Bakı:

25 °C

59 %

4 m/s

AZ RU EN

Ana səhifə / YAP xəbərləri / YAP Yevlax rayon təşkilatında partiyanın yaranmasının 21-ci ildönümü münasibətilə tədbir keçirilib

YAP Yevlax rayon təşkilatında partiyanın yaranmasının 21-ci ildönümü münasibətilə tədbir keçirilib

22.11.2013 [09:23]

Yeni Azərbaycan Partiyası (YAP) Yevlax rayon təşkilatında partiyanın yaranmasının 21-ci ildönümü münsibətilə tədbir keçirilib. Tədbir iştirakçıları öncə Ulu öndər Heydər Əliyevin rayon mərkəzindəki abidəsi önünə gül dəstələri düzüb, Onun əziz xatirəsini yad ediblər.
YAP Yevlax rayon təşkilatının qərargahında davam edən tədbiri giriş sözü ilə rayon təşkilatının Aparat rəhbəri Əli Quliyev açaraq partiyanın keçdiyi yoldan, respublikamızın ictimai-siyasi həyatında oynadığı roldan, Ümummilli lider Heydər Əliyevin partiyanın formalaşmasında, dövlətçiliyimizin qorunması və möhkəmlənməsində, ölkənin sosial-iqtisadi tərəqqisində xidmətlərindən danışıb.
Əli Quliyev onu da deyib ki, 1993-cü ildə təsis edilən YAP Yevlax rayon təşkilatının tərkibində bu gün 7810 nəfər partiya üzvü birləşib ki, onların 4120 nəfərini qadınlar 2300 nəfərini gənclər təşkil edir.
Sonra çıxış edən YAP Yevlax rayon təşkilatinin sədr müavinləri Vahid Quliyev, Zərifə Məmmədova, İdarə Heyətinin üzvü Müstəqim Məmmədov ötən əsrin 90-cı illərinin əvvəllərində ölkənin ağır vəziyyətindən, belə bir dövrdə Ümummilli lider Heydər Əliyevin hakimiyyətə qayıdışından danışıb, YAP-ın ötən 21 il ərzində keçdiyi uğurlu yola nəzər salıblar.
Sonda çıxış edən YAP Yevlax rayon təşkilatı Qadınlar Şurasının sədri Əminə Əhmədova deyib ki, Azərbaycanın müstəqil, demokratik, sivil dövlət kimi qurulması və möhkəmləndirilməsində, vətəndaş cəmiyyəti quruculuğunda fəal rol oynayan YAP-ın yaranması ölkəmizdə cərəyan edən hadisələrin yekunu və mövcud ictimai-siyasi şəraitin məntiqi nəticəsi idi. Ulu öndər Heydər Əliyevin sonralar qeyd etdiyi kimi, “Yeni Azərbaycan Partiyası o vaxtkı mövcud vəziyyətdə bütün Azərbaycan xalqının mənafelərinə xidmət etmək üçün və xalqın o ağır dövründə ölkəmizin qarşısında duran məsələlərin həll edilməsi üçün zamanın tələbinə uyğun olaraq zərurətdən yaranmış bir partiyadır”.
Əminə Əhmədova onu da əlavə edib ki, 9 oktyabrda keçirilən prezident seçkiləri bir daha sübut etdi ki, ölkəmizdə Yeni Azərbaycan Partiyası ilə rəqabət apara biləcək siyasi qüvvə, siyasi partiya yoxdur.
Sonda partiya sıralarına yeni qəbul olunmuş şəxslərə üzvlük vəsiqələri təqdim edilib. Rayonun ictimai-siyasi həyatında fərqlənən bir qrup YAP üzvlərinə isə Fəxri fərman və qiymətli hədiyyələr verilib.

Paylaş:

Baxılıb: 1435 dəfə