YAP Gəncə şəhər təşkilatında gənclərlə görüş keçirilib Qarşılıqlı fikir mübadilələri aparılıb

Bakı:

28 °C

55 %

7 m/s

AZ RU EN

Ana səhifə / YAP xəbərləri / YAP Gəncə şəhər təşkilatında gənclərlə görüş keçirilib Qarşılıqlı fikir mübadilələri aparılıb

YAP Gəncə şəhər təşkilatında gənclərlə görüş keçirilib Qarşılıqlı fikir mübadilələri aparılıb

30.04.2026 [16:39]

YAP Gəncə şəhər təşkilatında mütəmadi gənclərlə görüş artıq ənənə halını alıb.

Gənclərlə keçirilən görüşdə YAP İdarə Heyətinin üzvü, YAP Gəncə şəhər təşkilatının sədri Bayram Aslanov çıxış edərək ölkəmizin inkişafında gənclərin rolundan ətraflı söhbət açıb, Qalib Liderimiz, Prezident cənab İlham Əliyevin gəncliyə dövlət qayğısının gücləndirilməsi istiqamətində həyata keçirdiyi tədbirləri diqqətə çatdırıb.

Dahi rəhbər, Ulu Öndər Heydər Əliyevin Azərbaycan gəncliyinə olan inamının, ümidinin tarixin yeni mərhələlərində özünü tam doğrultduğunu qeyd edən Bayram Aslanov ölkə Prezidenti İlham Əliyevin böyük uzaqgörənliklə formalaşdırdığı gənclər siyasətinin yeni inkişaf mərhələsinə qədəm qoyduğunu xüsusi ilə vurğulayıb.

Bayram Aslanov çıxışında onu da diqqətə çatdırıb ki, şərəfli tarixə malik Yeni Azərbaycan Partiyası Ümummilli Lider Heydər Əliyevin etimadını doğruldaraq dünənin, bu günün və gələcəyin partiyası olduğunu atdığı addımları ilə təsdiqləyib. Partiyanın ən böyük uğurlarından biri xalqın sevgisini, etimadını və inamını qazanmasıdır. Bunun da əsas səbəbi partiyanın sözlə əməl birliyinə sadiq qalmasıdır. Ulu Öndər Heydər Əliyevin memarı olduğu Yeni Azərbaycan Partiyası ölkəmizin hər bir uğurunda öz payına malikdir.

Müasir dövrümüzdə dövlətçilik dəyərlərimizə bağlı, tarixi yaddaşı qoruyub saxlayan, vətənpərvər və əzmkar bir nəsil yetişdiyini bildirən Bayram Aslanov qeyd edib ki, 44 günlük Vətən müharibəsində tarixi qələbə bütün dünyaya sübut etdi ki, bu nəsil ölkə Prezidenti İlham Əliyevin rəhbərliyi ilə xalqın milli maraqlarının pozulmasına heç zaman yol verməz, Azərbaycanın adının, bayrağının ucalarda olmasını təmin edərlər. Ali Baş Komandan, Prezident İlham Əliyevin qeyd etdiyi kimi, bütün nəsillərdən olan vətəndaşlarımızın bu Qələbədə böyük zəhməti var, payı var. Ancaq onu da bildirməliyəm ki, əsas yükü, əsas vəzifəni gənc nəsil yerinə yetirdi.

Bu gün Gəncə şəhərində təşəbbüskar, bacarıqlı, çox işgüzar, yüksək təşkilatçılıq və idarəetmə qabiliyyətinə malik olan istedadlı gənclik yetişdiyini qeyd edən Bayram Aslanov onu da qeyd edib ki, gənclər ölkəmizin tərəqqisində, müstəqilliyimizin möhkəmləndirilməsində fəal olmalıdırlar. Gənclərin yüksək dünyagörüşünə yiyələnməsi üçün səmərəli təhsil alması çox vacibdir. Biliyə, təhsilə, elmə əsaslanan innovativ bacarıqlar əsas həyat şərtinə çevrilir. Artıq gənclərimizin əsas məsuliyyəti savadlı vətəndaş olaraq ölkəmizin dayanıqlı inkişafına töhfə verməkdir.

Sonra gənclərlə qarşılıqlı fikir mübadilələri aparılıb.

Görüş gəncləri maraqlandıran çoxsaylı sualların cavablandırılması ilə davam edib.

Paylaş:

Baxılıb: 303 dəfə