İkitərəfli ticari-iqtisadi əlaqələrin inkişafı

Bakı:

26 °C

58 %

5 m/s

Əlaqə

AZ RU EN

Ana səhifə / YAP xəbərləri / İkitərəfli ticari-iqtisadi əlaqələrin inkişafı

İkitərəfli ticari-iqtisadi əlaqələrin inkişafı

06.05.2026 [10:44]

İntiqam Quliyev

YAP Ağdam rayon təşkilatının sədr müavini

Azərbaycan beynəlxalq aləmdə etibarlı və strateji tərəfdaş kimi tanınmışdır. Ölkəmizin nüfuzlu beynəlxalq tədbirlərə evsahibliyi etməsi bu inamın göstəricisidir. Beynəlxalq əlaqələrimizin möhkəmləndirilməsində ikitərəfli ticari-iqtisadi əlaqələrin inkişafı məqsədilə keçirilən iclaslar da böyük əhəmiyyət kəsb edir.

Mayın 4-də İtaliya Respublikası Nazirlər Şurasının sədri Ciorcia Meloninin Azərbaycana rəsmi səfəri iki ölkə arasında münasibətlərin dinamik inkişafının növbəti mühüm mərhələsi kimi qiymətləndirilə bilər.

Beləliklə, İtaliya Nazirlər Şurasının sədrinin Azərbaycana səfəri, hər iki xalqın dostluğunun, qarşılıqlı inam və strateji əməkdaşlığın daha da dərinləşdiyini bir daha nümayiş etdirdi. İtaliya Respublikası Nazirlər Şurasının sədri Ciorcia Meloninin Azərbaycana səfərinin məzmunu bir daha təsdiq etdi ki, Azərbaycan–İtaliya münasibətləri yüksələn xətt üzrə inkişaf edir və yeni məzmunla zənginləşir. Mətbuata birgə bəyanat zamanı Prezident cənab İlham Əliyevin səsləndirdiyi fikirlər Azərbaycan–İtaliya münasibətlərinin yalnız enerji tərəfdaşlığı ilə məhdudlaşmadığını, xüsusilə işğaldan azad edilmiş ərazilərimizin bərpasında İtaliya şirkətlərinin fəal iştirakı ilə yeni inkişaf mərhələsinə qədəm qoyduğunu aydın şəkildə nümayiş etdirir. Prezident cənab İlham Əliyev bildirdi ki, "Bizim yeni əməkdaşlıq sahəmiz olan hərbi-texniki əməkdaşlıq ümidvericidir. Bu gün bu barədə də danışıldı. Birgə layihələrin həyata keçirilməsi, birgə istehsalın təşkil edilməsi, İtaliya texnologiyalarının Azərbaycan maliyyə vəsaitinin birləşməsi ilə əlaqədar konkret fikirlərimiz var. Bu barədə də geniş danışılıb. İtaliya bazarı bizim üçün çox maraqlıdır. İtaliya iqtisadiyyatı xanım Baş nazirin rəhbərliyi ilə uğurla inkişaf edir. Azərbaycan Dövlət Neft Fondu son bir neçə il ərzində İtaliya iqtisadiyyatına təxminən 3 milyard dollar sərmayə qoyub. Bu sərmayələrin yeni layihələrə cəlb edilməsi məsələləri də müzakirə olunmuşdur." Azərbaycanın dünyanın bir sıra inkişaf etmiş ölkələri ilə enerji sahəsində əməkdaşlıq əlaqələrinin mövcudluğu böyük əhəmiyyətə malikdir.Xüsusilə qeyd etmək lazımdır ki, Azərbaycan dünyanın enerji təhlükəsizliyi sahəsində əhəmiyyətli rola malikdir. Həmçinin ölkəmizin enerji təhlükəsizliyindəki rolu və əhəmiyyəti istər regional, istərsə də beynəlxalq miqyasda günbəgün artmaqdadır.

Paylaş:

Baxılıb: 366 dəfə