Salyan rayonunda 31 mart - Azərbaycanlıların Soyqırımı Günü ilə bağlı tədbir keçirilib

Bakı:

26 °C

50 %

4 m/s

Əlaqə

AZ RU EN

Ana səhifə / YAP xəbərləri / Salyan rayonunda 31 mart - Azərbaycanlıların Soyqırımı Günü ilə bağlı tədbir keçirilib

Salyan rayonunda 31 mart - Azərbaycanlıların Soyqırımı Günü ilə bağlı tədbir keçirilib

29.03.2014 [12:07]

Dünən Yeni Azərbaycan Partiyası (YAP) Salyan rayon təşkilatında 31 mart - Azərbaycanlıların Soyqırımı Gününə həsr olunmuş tədbir keçirilib. Tədbirdə YAP Salyan rayon təşkilatının idarə heyətinin, şuranın üzvləri, ilk ərazi partiya təşkilatlarının sədrləri, partiyanın fəalları iştirak ediblər.
Yığıncaqda çıxış edən YAP Salyan rayon təşkilatının sədri Rəşad Cəbrayılov bildirib ki, erməni millətçiləri və onların havadarları son iki əsrdə azərbaycanlılara qarşı məqsədyönlü şəkildə soyqırımı həyata keçiriblər. Qeyd edilib ki, bu etnik təmizləmə və deportasiya siyasəti nəticəsində xalqımız ağır məşəqqətlərlə üzləşib. R.Cəbrayılov bildirib ki, XIX əsrin əvvəllərindən başlayaraq tarixi Azərbaycan torpaqları olan Qarabağa, Zəngəzura, İrəvan quberniyasına, Naxçıvana və digər bölgələrə İrandan və Türkiyədən köçürülən ermənilər XX əsrin əvvəllərində Bakıda azərbaycanlılara qarşı soyqırımın fəal iştirakçıları olublar.
Çıxış edən YAP Salyan rayon təşkilatının sədr müavini Əbülfət Bədəlov, aparat rəhbəri Mirzə Mirzəyev vurğulayıblar ki, ermənilərin azərbaycanlılara qarşı həyata keçirdiyi soyqırımı və deportasiya siyasəti 1918-1920-ci illərdə xüsusən genişlənib. Baş verən soyqırım ilə bağlı sənədlərdəki faktlar sübut edir ki, ermənilər Şamaxıda, Qubada, Salyanda, Zəngəzur qəzasında, Qarabağda, İrəvan quberniyasında və digər ərazilərdə azərbaycanlıları amansızcasına qətlə yetiriblər.
Çıxışlarda o da qeyd olunub ki, Ümummilli liderimiz Heydər Əliyevin 1998-ci il 26 mart tarixli Fərmanı ilə 31 martın Azərbaycanlıların Soyqırımı Günü elan edilməsi və bu hadisələrə siyasi-hüquqi qiymət verilməsi tarixi həqiqətlərin dünya ictimaiyyətinə çatdırılmasında dəyərli mənbədir. Bildirilib ki, əsası Ulu öndərimiz tərəfindən qoyulan siyasi kursun Prezident İlham Əliyev tərəfindən uğurla davam etdirilməsi nəticəsində dünya ictimaiyyəti xalqımıza qarşı törədilən bu soyqırımı ilə bağlı həqiqətlərlə yaxından tanış olub.
Daha sonra çıxış edən YAP Salyan rayon təşkilatının şura üzvü Yavər Cəbrayılov, Gültəkin Sultanova, Vilayət Əsgərov əmin olduqlarını bildiriblər ki, Prezident İlham Əliyevin apardığı uğurlu daxili və xarici siyasət nəticəsində Azərbaycanın ərazi bütövlüyü tam bərpa ediləcək, qaçqınlar və məcburi köçkünlər öz doğma ocaqlarına qayıdacaqlar.
Pərviz SADAYOĞLU

Paylaş:

Baxılıb: 1064 dəfə