AQEM-in növbəti Zirvə Görüşünün təşkili

Bakı:

21 °C

78 %

11 m/s

Əlaqə

AZ RU EN

Ana səhifə / YAP xəbərləri / AQEM-in növbəti Zirvə Görüşünün təşkili

AQEM-in növbəti Zirvə Görüşünün təşkili

20.10.2026 [13:33]

İntiqam Quliyev

YAP Ağdam rayon təşkilatının sədr müavini

Ölkəmiz dövlətlər arasında münasibətlərin inkişafında qarşılıqlı etimad mühitinin qorunmasına böyük önəm verir və çoxtərəfli diplomatiyanın fəal tərəfdarı kimi tanınır. Mütəmadi olaraq humanitar, mədəniyyətlərarası dialoq və qlobal təhlükəsizlik mövzularında nüfuzlu forumlara ev sahibliyi edir ki, bu tədbirlər fərqli qütblər arasında etimad mühitinin yaradılmasına xidmət edir. Oktyabrın 15-də Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) 7-ci Zirvə Görüşü keçirildi. Azərbaycan Respublikasının Prezidenti İlham Əliyev tədbirdə iştirak edən dövlət və hökumət başçılarını qarşıladı. Prezident İlham Əliyev 2024-cü ildə Azərbaycanın sədrliyinə göstərilən yekdil dəstəyə görə AQEM-in bütün üzv dövlətlərinə minnətdarlığını bildirdi. Cənab prezident bunu hörmət və etimad əlaməti, həmçinin bir sıra beynəlxalq platformalarda sədrlik fəaliyyətimizə dəstəyin nümayişi hesab etdiyini tədbir iştirakçılarının diqqətinə çatdırdı.

Prezident İlham Əliyev vurğuladı ki, Azərbaycan AQEM-ə sədrlik etdiyi müddətdə qurumun gücləndirilməsinə xüsusi diqqət yetirib. Eyni zamanda, bu müddət ərzində nəqliyyat, bağlantılar (qlobal və regional körpülər), rəqəmsallaşma, ətraf mühitin mühafizəsi, turizm, təhsil və elm sahələrində fəal əməkdaşlıq təşviq olunub. AQEM-in növbəti Zirvə Görüşünün təşkili və keçirilməsində göstərilən nümunəvi peşəkarlıqla Azərbaycan özünün coğrafi mövqeyindən maksimum uğurla istifadə edərək regionumuzda sülhün, təhlükəsizliyin və iqtisadi tərəqqinin əsas təminatçısı olduğunu yüksək səviyyədə nümayiş etdirdi. Üzv dövlətlərin yekdil qərarı ilə ölkəmizin AQEM-ə sədrliyinin daha iki il müddətinə uzadılması Azərbaycana olan yekdil etimadın birbaşa göstəricisidir. Dövlətimizin başçısı bu barədə danışarkən qeyd etdi: “Coğrafi olaraq Asiya ilə Avropanın kəsişməsində yerləşən Azərbaycan Avrasiya məkanında birləşdirici mərkəz kimi getdikcə daha böyük rol oynayır... Biz bunu hörmət və etimad əlaməti, həmçinin bir sıra beynəlxalq platformalarda sədrlik fəaliyyətimizə dəstəyin nümayişi hesab edirik”. Dövlət başçımız Ermənistanın Azərbaycan torpaqlarını 30 il işğal altında saxlamasına, bu müddətdə BMT başda olmaqla beynəlxalq təşkilatların, bədnam Minsk qrupunun həmsədri olan və digər iri dövlətlərin ədalətsiz mövqeyinə yenidən öz çıxışında geniş yer verməklə, əslində bu gün dünyada sayı getdikcə artan silahlı münaqişələrin, qanlı hadisələrin səbəb-nəticə əlaqələrini aydın şəkildə və birbaşa göstərdi: “Mən bu məsələ üzərində ətraflı dayandım, çünki bu, qlobal əhəmiyyət daşıyır. BMT-nin Təhlükəsizlik Şurasının və digər beynəlxalq təşkilatlarının qəbul etdiyi qərar və qətnamələrin icrasını təmin edən mexanizmlər hazırlanmayana qədər müharibələr və münaqişələr davam edəcək və yeniləri meydana çıxacaq”.

Prezident İlham Əliyevin AQEM-in Bakı Zirvə Görüşündəki açıq, ünvanlı və qətiyyətli çıxışı bir daha göstərdi ki, beynəlxalq hüququn icra mexanizmləri iflic olduqda, güclü dövlət və qətiyyətli lider faktoru həlledici rol oynayır. Azərbaycan bu gün təkcə öz torpaqlarını dirçəltmir, həm də sədrlik etdiyi platformaları institusional olaraq gücləndirərək bütöv Avrasiya məkanında etimad və dialoq mühiti formalaşdırır.

Paylaş:

Baxılıb: 6 dəfə

Xəbər lenti

Hamısına bax