20 Oktyabr – Zəngilan Şəhəri Günü

Bakı:

21 °C

78 %

11 m/s

Əlaqə

AZ RU EN

Ana səhifə / YAP xəbərləri / 20 Oktyabr – Zəngilan Şəhəri Günü

20 Oktyabr – Zəngilan Şəhəri Günü

20.10.2026 [14:00]

Səyyad Mirzəyev

YAP Ağdam rayon təşkilatının əməkdaşı

20 Oktyabr – Zəngilan Şəhəri Günü Azərbaycanın tarixi Zəfərinin, doğma torpaqlara qayıdışın və azad edilmiş ərazilərdə aparılan quruculuq işlərinin rəmzidir. 2020-ci il oktyabrın 20-də Zəngilan şəhərinin işğaldan azad edilməsi rayonun yeni inkişaf mərhələsinin əsasını qoyub. Bu gün Zəngilanda həyata keçirilən bərpa və yenidənqurma layihələri doğma yurdlarından uzun illər ayrı düşmüş sakinlərin geri qayıdışına və bölgədə həyatın yenidən canlanmasına xidmət edir. Prezident İlham Əliyevin Zəngilan rayonuna səfəri, şəhərdə ilk yaşayış kompleksinin açılışında iştirakı və doğma yurda qayıdan ailələrlə görüşü işğaldan azad edilmiş ərazilərdə həyata keçirilən Böyük Qayıdış proqramının əhəmiyyətini bir daha nümayiş etdirir. Dövlət başçısının 2026-cı il mayın 10-da Zəngilan şəhərində sakinlərlə görüşü zamanı səsləndirdiyi fikirlər göstərir ki, əsas məqsəd keçmiş məcburi köçkünləri doğma torpaqlarına qaytarmaqla yanaşı, onların burada rahat, təhlükəsiz və firavan həyatını təmin etməkdir. Böyük Qayıdış proqramı çərçivəsində Zəngilan şəhərində və rayonun kəndlərində yaşayış evləri tikilir, yollar və kommunal infrastruktur yenilənir, sosial obyektlər yaradılır. Ağalı kəndində tətbiq edilən “ağıllı kənd” konsepsiyası müasir texnologiyalara əsaslanan yaşayış mühitinin formalaşdırılmasının uğurlu nümunəsidir. Görülən işlərin əsas məqsədi sakinlər üçün təhlükəsiz və rahat yaşayış şəraiti yaratmaq, məskunlaşmanın davamlılığını təmin etməkdir. Dövlət başçısı vurğulayıb ki, işğaldan azad edilmiş ərazilərdə aparılan işlər planlı şəkildə, müəyyən edilmiş strategiya əsasında həyata keçirilir. Burada əsas diqqət insanların yaşayış şəraitinin yaxşılaşdırılmasına, məşğulluğun təmin edilməsinə, təhsil imkanlarının yaradılmasına və ölkə iqtisadiyyatının inkişafına yönəldilir. Bu yanaşma Böyük Qayıdışın yalnız köçürülmə prosesi deyil, kompleks inkişaf proqramı olduğunu göstərir. Məskunlaşmanın davamlılığı üçün yaşayış evləri ilə yanaşı, təhsil, səhiyyə və məşğulluq imkanlarının yaradılması da mühüm əhəmiyyət daşıyır. Zəngilanın kənd təsərrüfatı, sahibkarlıq, turizm və xidmət sahələrində mövcud potensialının reallaşdırılması yeni iş yerlərinin açılmasına və sakinlərin rifahının yüksəldilməsinə şərait yaradır. Zəngilan Beynəlxalq Hava Limanı, avtomobil yolları və dəmir yolu infrastrukturu isə rayonun nəqliyyat-logistika imkanlarını genişləndirərək iqtisadi inkişafına əlavə təkan verir. Zəngilanın dirçəlişi yalnız infrastrukturun bərpası deyil, həm də insanların doğma yurda qovuşması, ailə və icma həyatının yenidən qurulması deməkdir. Doğma torpaqlarına qayıdan sakinlər rayonun sosial, iqtisadi və mədəni həyatının canlanmasına töhfə verirlər. 20 Oktyabr – Zəngilan Şəhəri Günü münasibətilə rayonun keçdiyi tarixi yol və əldə olunan nailiyyətlər bir daha böyük qürur hissi doğurur. Bu gün davam edən məskunlaşma və quruculuq işləri Zəngilanın gələcəyinə olan inamı möhkəmləndirir. Doğma yurda qayıdan hər bir ailə, yenidən canlanan hər bir kənd Azərbaycanın tarixi Zəfərinin quruculuq və tərəqqi ilə davam etdiyini nümayiş etdirir. Prezident İlham Əliyevin Zəngilan səfəri zamanı səsləndirdiyi fikirlər bir daha təsdiqləyir ki, azad edilmiş ərazilərdə quruculuq işlərinin əsas mərkəzində insan amili dayanır. Məqsəd keçmiş məcburi köçkünlərin doğma torpaqlarına qayıdışını sürətləndirmək, onların layiqli yaşayışını təmin etmək və bölgəni müasir inkişaf məkanına çevirməkdir.

Paylaş:

Baxılıb: 4 dəfə

Xəbər lenti

Hamısına bax