YAP Yasamal rayon təşkilatında yüksək bal toplayan gənclərlə görüş keçirilib

Bakı:

24 °C

45 %

2 m/s

Əlaqə

AZ RU EN

Ana səhifə / YAP xəbərləri / YAP Yasamal rayon təşkilatında yüksək bal toplayan gənclərlə görüş keçirilib

YAP Yasamal rayon təşkilatında yüksək bal toplayan gənclərlə görüş keçirilib

01.10.2014 [09:34]

Dünən Yeni Azərbaycan Partiyası (YAP) Yasamal rayon təşkilatında qəbul imtahanlarında yüksək bal toplayaraq, Bakı Dövlət Universitetinə (BDU) daxil olan gənclərlə görüş keçirilib. Tədbirdə YAP Yasamal rayon təşkilatı Gənclər Birliyinin sədri Bəxtiyar Nəbiyev, YAP Gənclər Birliyi ofisinin rəhbəri Əli Pənahov, BDU Tələbə Həmkarlar İttifaqı Komitəsinin sədri Daşqın Qəmbərov və digərləri iştirak ediblər.
Tədbirdə çıxış edən YAP Yasamal rayon təşkilatı Gənclər Birliyinin sədri Bəxtiyar Nəbiyev ölkədə uğurlu gənclər siyasətinin həyata keçirildiyini bildirib: “Gənc dövlət olmağımıza baxmayaraq, ölkəmizdə gənclərə çox böyük önəm verilir və bu, bizi çox sevindirir”.
Son bir neçə ildə ölkə başçısı tərəfindən gənclər siyasəti ilə bağlı imzalanan sərəncamları xatırladan B.Nəbiyev deyib ki, bu sənədlər Azərbaycanda aparılan uğurlu gənclər siyasətinin bariz nümunəsidir.
“Bu gün YAP-ın 630 mindən çox üzvü var və onların da 40 faizi, rəqəmlə desək, təqribən 250 mini gənclərdir. Biz gənclər ölkə başçısının ətrafında sıx birləşib, Onun daxili və xarici siyasətini dəstəkləyirik. Dövlət gənclər siyasətindən bəhrələnənlərdən biri də bizlərik”, - deyə, o, qeyd edib.
YAP Gənclər Birliyinin ofisinin rəhbəri Əli Pənahov isə deyib ki, Azərbaycanda həyata keçirilən dövlət gənclər siyasəti gənclərin hərtərəfli inkişafını, onların cəmiyyət həyatında fəal iştirakını təmin etməkdədir: “Azərbaycan gəncliyi cəmiyyətin inkişafında fəal sosial təbəqəyə çevrilməklə bərabər, həm də demokratikləşmə prosesində yüksək səviyyədə iştirak edərək, mədəniyyət, incəsənət, elm və digər sahələrdə də parlaq nailiyyətlər qazanıb, dövlətçilik ənənələrini daim uca tutur. Azərbaycanda gəncliyə dövlət qayğısı uğurlara hesablanan bir siyasətdir ki, bu siyasət nəticəsində də sağlam və intellektual nəslin formalaşmasının şahidi oluruq. Azərbaycan Prezidenti İlham Əliyev daima gənclərin ictimai-siyasi fəallığı, tələbələrin sosial problemləri, təhsilin keyfiyyəti, gənc alimlərin perspektivləri, yaradıcı və istedadlı gənclərin problem və yeni layihələri, gənclərin idarəetmə sahəsinə cəlb edilib dəstəklənmələri, xaricdə təhsil alan gənclərin inkişafı üçün yeni layihələrin həyata keçirilməsi, gənclərin beynəlxalq əməkdaşlığı ilə bağlı düşündüyü üçün bu sahəyə xüsusi diqqət və qayğı ilə yanaşır”.
Daha sonra digər çıxış edənlər də dövlətimiz tərəfindən gənclərə göstərilən diqqətdən və qayğıdan danışıblar.
NARDAR

Paylaş:

Baxılıb: 1026 dəfə