Azərbaycanda gənclərin intellektual, fiziki və mənəvi inkişafı strateji məqsəd kimi müəyyənləşdirilib

Bakı:

15 °C

94 %

1 m/s

AZ RU EN

Ana səhifə / YAP xəbərləri / Azərbaycanda gənclərin intellektual, fiziki və mənəvi inkişafı strateji məqsəd kimi müəyyənləşdirilib

Azərbaycanda gənclərin intellektual, fiziki və mənəvi inkişafı strateji məqsəd kimi müəyyənləşdirilib

03.03.2015 [09:50]

YAP Xaçmaz rayon təşkilatı Gənclər Birliyinin IV konfransı keçirilib
Fevralın 28-də Yeni Azərbaycan Partiyası (YAP) Xaçmaz rayon təşkilatı Gənclər Birliyinin IV konfransı keçirilib. Konfransda məlumat verilib ki, Yeni Azərbaycan Partiyası (YAP) Xaçmaz rayon təşkilatı Gənclər Birliyi fəaliyyətində qarşıya qoyulan məsələlərin həlli, partiya sıralarında gənclərin sayının artırılması istiqamətində səylə çalışır. 2014-cü ildə rayonda partiya sıralarına qəbul edilən 246 nəfərdən 141-i gənclərdir. Ümumilikdə, YAP Xaçmaz rayon təşkilatının tərkibindəki 8 min 478 nəfər partiya üzvünün 3 min 45 nəfəri gənclərdir ki, onların da 1491 nəfərini qadınlar təşkil edir.
YAP Xaçmaz rayon təşkilatı Gənclər Birliyinin hesabatında qeyd olunub ki, yerli özünüidarəetmə orqanlarına - bələdiyyələrə keçirilən seçkilərdə partiyanın gənc üzvləri fəallıq nümayiş etdiriblər. Rayon üzrə 38 bələdiyyəyə YAP-dan 248 nəfər üzv seçilib. Onlardan 105 nəfəri qadın, 87 nəfəri isə 30 yaşadək gənclərdir.
Konfransda YAP Xaçmaz rayon təşkilatının sədri Nazim Ağayev, YAP Mərkəzi Aparatının məsul işçisi Araz Xudadanov, “Yeni Azərbaycan” qəzetinin baş redaktoru Hikmət Babaoğlu çıxış edərək Azərbaycan dövlətinin gənclərə göstərdiyi diqqət və qayğıdan, Ulu öndər Heydər Əliyevin təməlini qoyduğu dövlət gənclər siyasətinin Prezident İlham Əliyev tərəfindən uğurla davam etdirilməsindən, ölkəmizin sosial-iqtisadi, ictimai-mədəni, eləcə də, idman həyatında gənclərin rolundan danışıblar. Qeyd edilib ki, YAP, o cümlədən, partiyanın Gənclər Birliyi gənclərin fəallığına, onların potensialından səmərəli istifadə olunmasına xüsusi diqqət yetirir. Azərbaycan gəncliyinin parlaq gələcəyinin təmin edilməsi, gənclərimizin istedadının, potensial imkanlarının aşkara çıxarılması və genişləndirilməsi, onların şəxsiyyət kimi formalaşmasına lazım olan hər bir şəraitin yaradılması dövlət əhəmiyyəti daşıyan strateji bir məsələdir. Bu baxımdan, Prezident İlham Əliyevin rəhbərliyi ilə gənclərin potensialının gerçəkləşməsi, onların vətənpərvər, savadlı kadr kimi yetişməsi istiqamətində görülən tədbirlər dövlətin uzaqgörən siyasətinin göstəricisi kimi qiymətləndirilməlidir. Mütəmadi surətdə təkmilləşdirilən gənclər siyasəti gənc nəslin ictimai-siyasi həyatdakı rolunun artmasına, ölkənin aparıcı qüvvəsinə çevrilməsinə, bütövlükdə, kreativ gəncliyin formalaşmasına şərait yaradıb. Diqqətə çatdırılıb ki, gənclərin intellektual, fiziki və mənəvi inkişafını, ölkənin sosial-iqtisadi, ictimai-siyasi və mədəni həyatında fəal iştirakını təmin etmək məqsədi ilə Azərbaycan Respublikasının Prezidenti İlham Əliyev tərəfindən “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi haqqında Sərəncamın imzalanması müstəsna əhəmiyyət kəsb edir.
Sonra YAP Xaçmaz rayon təşkilatı Gənclər Birliyi Şurasının və İdarə Heyətinin yeni tərkibi, həmçinin, YAP Gənclər Birliyinin IV konfransına nümayəndələr seçilib. Konfransda YAP-ın sıralarına yeni qəbul olunan gənclərə üzvlük vəsiqəsi təqdim edilib.
NURLAN

Paylaş:

Baxılıb: 1084 dəfə