YAP Qaradağ rayon təşkilatının “Ərzaq məhsullarının tədarükü və təchizatı” ASC üzrə ərazi ilk partiya təşkilatına yeni üzvlər qəbul olunub

Bakı:

11 °C

82 %

12 m/s

AZ RU EN

Ana səhifə / YAP xəbərləri / YAP Qaradağ rayon təşkilatının “Ərzaq məhsullarının tədarükü və təchizatı” ASC üzrə ərazi ilk partiya təşkilatına yeni üzvlər qəbul olunub

YAP Qaradağ rayon təşkilatının “Ərzaq məhsullarının tədarükü və təchizatı” ASC üzrə ərazi ilk partiya təşkilatına yeni üzvlər qəbul olunub

29.08.2017 [10:22]

Yeni Azərbaycan Partiyasının (YAP) Qaradağ rayon təşkilatının “Ərzaq məhsullarının tədarükü və təchizatı” ASC üzrə ərazi ilk partiya təşkilatında partiyaya yeni üzvlərin qəbulu keçirilib. Mərasimdə çıxış edən Səhmdar Cəmiyyətin İdarə Heyətinin sədr müavini Xaliq Məmmədov bir müddət əvvəl ərazi təşkilatının yaradıldığını və təşkilati işlərin sürətlə həyata keçirildiyini bildirib.
YAP Qaradağ rayon təşkilatının sədri, millət vəkili Aydın Hüseynov çıxışında partiyanın keçdiyi zəngin siyasi fəaliyyətdən danışıb və Azərbaycanın çağdaş tarixində oynadığı roldan bəhs edib. Millət vəkili deyib ki, Ümummilli lider Heydər Əliyevin banisi olduğu Yeni Azərbaycan Partiyası əsrə bərabər şərəfli yol keçib, hazırda öz sıralarında 700 min nəfərə yaxın Azərbaycan vətəndaşını birləşdirən nəhəng siyasi qüvvəyə, bu günün və gələcəyin ən böyük partiyasına çevrilib. Aydın Hüseynov qeyd edib ki, Yeni Azərbaycan Partiyası xalqımızın və ölkəmizin həyatını kökündən dəyişdirib, ölkəmizin həyatında yeni mərhələnin əsasını qoyub, yarandığı vaxtdan partiyamız siyasi mübarizələrlə dolu şərəfli bir yol keçib. Onun sözlərinə görə, Yeni Azərbaycan Partiyası Ulu öndər Heydər Əliyevin həyata keçirdiyi siyasətin avanqard qüvvəsi kimi xalqımızın qarşısında dayanan vəzifələrin həll edilməsinə layiqli töhfəsini verir: “Bu, bundan sonra da davam edəcək, partiyamız Ulu öndərimiz, Azərbaycan xalqının Ümummilli lideri Heydər Əliyevin ideyalarını yaşadacaq, Heydər Əliyev siyasi məktəbinin, Onun yolunun və ideyalarının davamçısı olacaq. Bu gün partiyamızın Sədri, ölkə Prezidenti İlham Əliyev Ulu öndərimizin müəyyənləşdirdiyi siyasi kursu uğurla davam etdirir”.
Yığıncaqda çıxış edən “Ərzaq məhsullarının tədarükü və təchizatı” ASC-nin İdarə Heyətinin sədri Əbülfət Qocayev ölkəmizdə həyata keçirilən iqtisadi siyasətin uğurlu nəticələrindən danışıb. O həmçinin Azərbaycanda ərzaq təhlükəsizliyinin təmin olunması istiqamətində görülən tədbirlərin əhəmiyyətini, son bir neçə ildə bu sahədə əldə olunan nailiyyətləri diqqətə çatdırıb.
Daha sonra partiya üzvlərinə vəsiqələr təqdim olunub. Vəsiqələri Səhmdar Cəmiyyətin İdarə Heyətinin sədri Əbülfət Qocayev, millət vəkili Aydın Hüseynov, SC-nin sədr müavinləri Xaliq Məmmədov və Elşən Əsədov təqdim ediblər.

Paylaş:

Baxılıb: 951 dəfə