Qaradağ rayonunda Yeni Azərbaycan Partiyasının yaradılmasının 25-ci ildönümü münasibətilə silsilə tədbirlər davam edir

Bakı:

27 °C

51 %

1 m/s

AZ RU EN

Ana səhifə / YAP xəbərləri / Qaradağ rayonunda Yeni Azərbaycan Partiyasının yaradılmasının 25-ci ildönümü münasibətilə silsilə tədbirlər davam edir

Qaradağ rayonunda Yeni Azərbaycan Partiyasının yaradılmasının 25-ci ildönümü münasibətilə silsilə tədbirlər davam edir

20.10.2017 [10:16]

Yeni Azərbaycan Partiyasının (YAP) yaradılmasının 25-ci ildönümü münasibətilə Qaradağ rayonunda silsilə tədbirlər davam edir. Dünən bu qəbildən olan növbəti tədbir Qobustan qəsəbəsində YAP Qaradağ rayon təşkilatının Azərbaycan Respublikası Dövlət Neft Şirkətinin (SOCAR) Təlim, Tədris və Sertifikatlaşdırma İdarəsinin Regional Təlim Mərkəzi üzrə ərazi ilk partiya təşkilatında keçirilib. Tədbirdə çıxış edən YAP Qaradağ rayon təşkilatının sədri, partiyanın Siyasi Şurasının üzvü, Milli Məclisin deputatı Aydın Hüseynov Yeni Azərbaycan Partiyasının keçdiyi inkişaf yolundan, Ulu öndər Heydər Əliyev siyasətinin Prezident İlham Əliyev tərəfindən uğurla davam etdirilməsi nəticəsində qazanılan uğurlardan geniş danışıb. O, daha sonra YAP-ın xalqımız və Azərbaycan dövlətçiliyi qarşısında böyük xidmətlərindən bəhs edib. Aydın Hüseynov bildirib ki, YAP yarandığı gündən xalqa, dövlətə xidməti fəaliyyətinin əsas xətti kimi qəbul edib. Millət vəkilinin sözlərinə görə, Yeni Azərbaycan Partiyası Prezident İlham Əliyevin rəhbərliyi ilə ölkəmizin daha da qüdrətlənməsi istiqamətində ciddi səylər göstərir.
Tədbirdə Azərbaycan Respublikası Dövlət Neft Şirkətinin Təlim, Tədris və Sertifikatlaşdırma İdarəsinin Regional Təlim Mərkəzinin direktoru Nəzakət Məmmədova çıxış edərək deyib ki, Yeni Azərbaycan Partiyasının 25 illik fəaliyyəti dövründə ölkədə keçirilən bütün seçkilərdə uğur qazanmasını şərtləndirən əsas amillərdən biri məhz ona olan inam, həyata keçirdiyi siyasətə dəstəkdir.
Daha sonra çıxış edən “Səs” qəzetinin baş redaktoru Bəhruz Quliyev YAP-ın yaranmasını zərurətdən doğan amil kimi dəyərləndirərək xüsusilə qeyd edib ki, partiya bir çox mühüm məsələlərdə üzərinə öhdəliklər götürüb və bu öhdəlikləri şərəflə həyata keçirib. O bildirib ki, YAP ölkəmizin avanqard qüvvəsi kimi xalqımızın qarşısında dayanan vəzifələrin həll edilməsinə layiqli töhfəsini verib. Bəhruz Quliyev vurğulayıb ki, bu gün Ulu öndər Heydər Əliyevin zəngin siyasi və dövlətçilik təcrübəsinə əsaslanan Yeni Azərbaycan Partiyası ölkəmizdə ən güclü, ən mükəmməl siyasi təşkilatdır və ictimai nüfuzuna görə onunla müqayisə edilə biləcək siyasi təşkilat yoxdur.
Çıxış edən Təlim, Tədris və Sertifikatlaşdırma İdarəsinin rəis müavinləri Dünyamalı Pənahov, Natiq Şərbətov, Milli Qəhrəman Yusif Əliyev adına 195 saylı tam orta məktəbin direktoru Laçın Hüseynli, Qobustan qəsəbəsi Ağsaqqallar Şurasının sədri Əliyusif Əliyev və digərləri də YAP-ın 25 illik fəaliyyəti dövründə Azərbaycan xalqı və dövlətçiliyi qarşısında misilsiz xidmətlər göstərdiyini, partiyamızın xalqımızın böyük dəstəyi ilə daim inkişaf etdiyini və gələcəyə doğru inamlı addımlarla irəlilədiyini vurğulayıblar.

Paylaş:

Baxılıb: 880 dəfə