Zəkiyyə Musayeva: İşğalçı Ermənistan terrorçu və faşist siyasətindən əl çəkmir

Bakı:

15 °C

94 %

0 m/s

Əlaqə

AZ RU EN

Ana səhifə / YAP xəbərləri / Zəkiyyə Musayeva: İşğalçı Ermənistan terrorçu və faşist siyasətindən əl çəkmir

Zəkiyyə Musayeva: İşğalçı Ermənistan terrorçu və faşist siyasətindən əl çəkmir

07.08.2020 [08:54]

“Azərbaycanın uğurla həyata keçirdiyi hücum diplomatiyası sayəsində Ermənistanın onsuz da yaxşı olmayan beynəlxalq imicinin daha da rəzil vəziyyətə düşməsinə nail olacağıq. Azərbaycan Ermənistanın işğalçı ölkə olduğunu dolğun faktlar, sübutlar əsasında ifşa edir. Bu gün məsələyə diplomatiya, beynəlxalq hüquq kontekstindən yanaşıldıqda, kifayət qədər aydın görünür ki, Ermənistan, sözün əsl mənasında, küncə sıxışdırılmış vəziyyətdədir və bu dövlətin Ermənistan-Azərbaycan, Dağlıq Qarabağ münaqişəsi ilə əlaqədar dünyanı aldatmağa xidmət edən yalançı manevrlərinə artıq yer qalmayıb. İndi dünya birmənalı şəkildə Ermənistanın Azərbaycan ərazilərini işğal etməsi faktını qəbul edir, beynəlxalq hüquq normalarına uyğun olaraq onu işğal altında saxladığı əraziləri azad etməyə çağırır”.
Bu fikirləri Yeni Azərbaycan Partiyası (YAP) Suraxanı rayon təşkilatı Qadınlar Şurasının sədri Zəkiyyə Musayeva deyib.
Z.Musayevanın sözlərinə görə, BMT, Avropa Şurası və digər nüfuzlu beynəlxalq təşkilatlarda, bu yaxınlarda isə ABŞ Konqresində qəbul edilən müvafiq qətnamələrdə Ermənistanın işğalçı dövlət kimi tanınması böyük uğurdur: “Lakin dünya birliyi Ermənistanı işğalçı dövlət qismində qəbul etməsinə baxmayaraq, sözügedən ölkə hələ də Azərbaycan ərazilərindən öz silahlı qüvvələrini çıxarmaq istəmir, burada yaratdığı separatçı rejimə hərtərəfli dəstəyini davam etdirir, hətta onun fəaliyyətinə hüquqi don geyindirməyə çalışır. Cəbhə bölgəsində, eləcə də müxtəlif ölkələrdə təxribatlar törətməsi, hiyləgər siyasət həyata keçirməsi bunun bariz sübutudur”.
“Bu günlərdə ordumuza dəstək, torpaqlarımızın işğalına etiraz məqsədi ilə xaricdəki azərbaycanlıların keçirdiyi aksiyalara ermənilərin münasibəti bir daha dünyaya göstərdi ki, bu ölkə terrorçu və faşist siyasətindən əl çəkmir. Eləcə də, siyasi-coğrafi sərhədlərindən aslı olmayaraq, dünyanın bütün regionlarında yaşayan azərbaycanlıların vahid millət kimi birlik və bərabərlik nümayiş etdirdiyi bir zamanda “sapı özümüzdən olan baltalar”ın mənasız mülahizələri, düşmənə dəstək vermələri hər birimizdə təəssüf doğurur. Bu durumda hər bir vətəndaşımız diqqətli olmalı, heç bir vəchlə daxili və xarici düşmənlərimizə vəziyyətdən sui-istifadə etməsinə imkan verməməliyik. Əminik ki, Azərbaycan Prezidentinin qətiyyəti, xalqımızın birlik və həmrəylik əzmi ilə tezliklə torpaqlarımızı işğaldan azad edəcəyik!”, - deyə Z.Musayeva vurğulayıb.

Paylaş:

Baxılıb: 722 dəfə