Gəncə gəncləri “Vətənpərvərlik milli-mənəvi dəyərimizdir” mövzusunda videokonfrans keçirib

Bakı:

11 °C

93 %

4 m/s

Əlaqə

AZ RU EN

Ana səhifə / YAP xəbərləri / Gəncə gəncləri “Vətənpərvərlik milli-mənəvi dəyərimizdir” mövzusunda videokonfrans keçirib

Gəncə gəncləri “Vətənpərvərlik milli-mənəvi dəyərimizdir” mövzusunda videokonfrans keçirib

21.08.2020 [09:15]

Yeni Azərbaycan Partiyası (YAP) Gəncə şəhər təşkilatı Gənclər Birliyinin təşkilatçılığı ilə “Vətənpərvərlik milli-mənəvi dəyərimizdir” mövzusunda videokonfrans keçirilib. Onlayn konfransda Yeni Azərbaycan Partiyası Gəncə şəhər təşkilatının sədri, Milli Məclisin deputatı Naqif Həmzəyev, Elm üzrə Prezident mükafatçısı, YAP Gəncə şəhər təşkilatının sədr müavini, tədqiqatçı-alim Elnur Həsənov və 100-ə yaxın fəal gənclər iştirak edib.
Yeni Azərbaycan Partiyası Gəncə şəhər təşkilatının sədri, millət vəkili Naqif Həmzəyev videokonfransda gənc nəslin vətənpərvərlik ruhunda tərbiyə olunmasının aktuallığından danışıb, gənclərə vətənpərvərlik hissinin aşılanmasının hər bir xalqın sabahını təmin edən amillərdən olduğu qeyd edib. Milli Məclisin deputatı xüsusi ilə vurğulayıb ki, ölkəmizdə gənclərin bu istiqamətdə tərbiyə olunmasına Ümummilli Lider Heydər Əliyevin respublikaya rəhbərlik etdiyi ilk dövrlərdən başlanılıb. Ulu Öndər hər zaman gənclərin himayədarı kimi çıxış edərək sağlam düşüncəli yeni nəslin yetişdirilməsi sahəsində misilsiz işlər görüb. Bu gün Ümummilli Liderin layiqli davamçısı ölkə Prezidenti İlham Əliyev tərəfindən gənclər siyasəti uğurla həyata keçirilir. Məhz bu siyasət sayəsində ölkəmizdə Vətənini sevən, hər zaman onun tərəqqisinə çalışan gənclər ordusu formalaşıb.
Naqif Həmzəyev çıxışında həmçinin gənclərimizin dünyanı ağuşuna alan “gözəgörünməz bəla” sayılan COVİD-19-la mübarizədə fəallıq göstərdiklərinə diqqət çəkərək qeyd edib ki, belə bir çətin dönəmdə, pandemiya şəraitində gənclərimiz birlik və həmrəylik nümayiş etdirirlər.
Onun sözlərinə görə, ötən ay işğalçı Ermənistan tərəfindən Azərbaycan-Ermənistan sərhədinin Tovuz rayonu istiqamətində törədilən hərbi təxribatın qarşısının ordumuz tərəfindən alınmasından və düşmənə layiqli cavab verilməsindən sonra baş verənlər isə Azərbaycan gənclərinin milli-mənəvi ruhda yetişdiyini bir daha təsdiqlədi: “Gənc nəsil bir daha sübut etdi ki, onlar cənab Prezident İlham Əliyevin ətrafında sıx birləşib və işğal altında olan torpaqlarımızı mənfur düşməndən azad etməyə hər an hazırdırlar”.
Yeni Azərbaycan Partiyası Gəncə şəhər təşkilatının sədri çıxışının sonunda gəncləri sosial şəbəkələrdə milli-mənəvi dəyərlərimizin, tarixi abidələrimizin təbliği, həmçinin vətənpərvərliklə bağlı paylaşımlarda fəal olmağa səsləyib.
YAP Gəncə şəhər təşkilatının sədr müavini Elnur Həsənov isə çıxışında gənc nəslin Vətəninə, doğma Azərbaycana bağlı olmasından danışıb: “Gənclərimizin nümayiş etdirdikləri vətənpərvərlik tədqirəlayiqdir və bu da Azərbaycan gənclərinin monolitliyinin, Ali Baş Komandanın ətrafında sıx birləşməsinin, mübarizliyinin və vətənpərvərliyinin təsdiqidir”.
Videokonfransda çıxış edən gənclər Ermənistan-Azərbaycan Dağlıq Qarabağ münaqişəsi ilə bağlı həqiqətlərin dünya ictimaiyyətinə çatdırılmasında fəallıq göstərdiklərini, Ulu Öndər Heydər Əliyevin şah əsəri olan müstəqil Azərbaycanın tərəqqisi, müstəqilliyimizin möhkəmləndirilməsi, işğal altında qalan torpaqlarımızın azad olunması üçün Prezident İlham Əliyevin ətrafında sıx birləşərək, Ali Baş Komandanın “İrəli!” əmrinə hər an hazır olduqlarını bildiriblər.
Sonda gəncləri maraqlandıran suallar cavablandırılıb.

Paylaş:

Baxılıb: 566 dəfə