Cavanşir Yusubov: Vətən müharibəsində əldə edilən parlaq qələbə Prezident İlham Əliyevin vədinə sadiqliyinin bariz ifadəsidir

Bakı:

15 °C

94 %

0 m/s

AZ RU EN

Ana səhifə / YAP xəbərləri / Cavanşir Yusubov: Vətən müharibəsində əldə edilən parlaq qələbə Prezident İlham Əliyevin vədinə sadiqliyinin bariz ifadəsidir

Cavanşir Yusubov: Vətən müharibəsində əldə edilən parlaq qələbə Prezident İlham Əliyevin vədinə sadiqliyinin bariz ifadəsidir

06.07.2021 [09:30]

“Vətən müharibəsində ordumuzun parlaq qələbəsi ilə tarixi ədalətin- Azərbaycanın ərazi bütövlüyünün bərpa olunması ölkə Prezidenti, Silahlı Qüvvələrin Müzəffər Ali Baş Komandanı İlham Əliyevin dövlət başçısı kimi fəaliyyət göstərdiyi illər ərzində həyata keçirdiyi siyasətin məntiqi nəticəsi idi”.
Bu fikirləri Yeni Azərbaycan Partiyası (YAP) Mingəçevir şəhər təşkilatının sədri Cavanşir Yusubov deyib.
C.Yusubov bildirib ki, ölkə başçısı iyunun 26-da Azərbaycan Ordusunun rəhbər və şəxsi heyətinin bir qrupu ilə görüşündə qələbənin təmin olunması üçün ötən müddətdə beynəlxalq müstəvidə böyük hazırlıq işləri görüldüyünü, real həqiqətlərin dünya ictimaiyyətinə çatdırıldığını, ordu quruculuğu sahəsində önəmli islahatlar aparıldığını, Azərbaycanın səyi ilə aparıcı beynəlxalq təşkilatlar tərəfindən maraqlarımıza cavab verən qərar və qətnamələrin qəbul edildiyini, ən başlıcası isə xalq-iqtidar birliyinin və qarşılıqlı inamın yaradıldığını vurğuladı.
Təşkilat sədrinin sözlərinə görə, Ulu Öndər Heydər Əliyevin ordu quruculuğu ilə bağlı başladığı işlər Prezident İlham Əliyev tərəfindən uğurla davam etdirilib: “Dövlətimizin başçısının 2003-cü ildə andiçmə mərasimindəki nitqi zamanı dediyi “Azərbaycanda güclü ordu yaradılmışdır və bu proses davam edəcəkdir. Bu məsələ daim mənim diqqət mərkəzimdə olacaqdır. O, qarşıda duran bütün məsələləri həll etmək iqtidarında olmalıdır” sözləri Vətən müharibəsində əldə edilən parlaq qələbə ilə Prezident İlham Əliyevin vədinə sadiqliyinin, qarşıya qoyduğu vəzifənin uğurla həyata keçirildiyinin bariz ifadəsidir. Bəli, bu müddətdə ölkəmizin hərbi təhlükəsizliyinin qarantı olan ordu quruculuğu və Silahlı Qüvvələrin yüksək döyüş hazırlığı səviyyəsinə gətirilməsi istiqamətində çox səmərəli və məqsədyönlü işlər aparılıb. Azərbaycanın iqtisadiyyatının güclənməsi, maliyyə imkanlarının artması nəticəsində ordumuzun döyüş qabiliyyəti yüksəlib, bu məqsədlə qabaqcıl dövlətlərlə uğurlu əməkdaşlıq həyata keçirilib. İstər quru qoşunlarının, istər hərbi hava qüvvələrinin, istərsə də hava hücumundan müdafiə sistemlərinin döyüş imkanları ən müasir tələblər səviyyəsinə çatdırılıb. Şübhəsiz ki, bütün bu amillər İkinci Qarabağ müharibəsində şanlı qələbəmizi şərtləndirib”.

Paylaş:

Baxılıb: 785 dəfə