Sabirabadda Ümumrespublika “Xəmsə” Festivalının II regional turu keçirilib

Bakı:

29 °C

53 %

1 m/s

Əlaqə

AZ RU EN

Ana səhifə / YAP xəbərləri / Sabirabadda Ümumrespublika “Xəmsə” Festivalının II regional turu keçirilib

Sabirabadda Ümumrespublika “Xəmsə” Festivalının II regional turu keçirilib

11.09.2021 [10:12]

Yeni Azərbaycan Partiyası (YAP) Gənclər Birliyinin təşkilatçılığı ilə “Nizami Gəncəvi İli”nə həsr olunmuş Ümumrespublika “Xəmsə” Festivalının II regional turu keçirilib. Sabirabadda təşkil edilən turun final iştirakçıları müəyyən olunub.
Əvvəlcə tədbir iştirakçıları Ulu Öndər Heydər Əliyevin abidəsini ziyarət edərək, önünə gül dəstələri düzüblər. Sonra Heydər Əliyev adına parkda keçirilən regional turda yarışın açılış mərasimi olub.
YAP Sabirabad rayon təşkilatının sədri Məleykə Ağayeva çıxış edərək, dövlətimizin başçısı İlham Əliyevin 2021-ci il 5 yanvar tarixli Sərəncamı ilə 2021-ci ilin ölkəmizdə “Nizami Gəncəvi İli” elan edildiyini diqqətə çatdırıb. Bildirib ki, paytaxt və bölgələrdə bununla bağlı silsilə tədbirlər keçirilir, gənclərin Nizami yaradıcılığı barədə daha dolğun məlumatlar əldə etmələri üçün geniş imkanlar yaradılır.
Diqqətə çatdırılıb ki, Nizami dühası hər zaman dünya şərqşünaslığının diqqət mərkəzində olub, Nizami yaradıcılığının öyrənilməsi və tanıdılması sahəsində xeyli iş görülüb. Nizaminin ədəbiyyatda və incəsənətdə yaddaqalan obrazı yaradılıb. Mütəfəkkir şairin doğma şəhəri Gəncədə məqbərəsi ucaldılıb. Azərbaycan Milli Elmlər Akademiyasının Ədəbiyyat İnstitutu və Milli Azərbaycan Ədəbiyyatı Muzeyi Nizami Gəncəvinin adını daşıyır. Nizami Gəncəvinin yubileyləri ölkəmizdə hər zaman təntənə ilə qeyd edilir. Prezident İlham Əliyevin dahi şair və mütəfəkkir Nizami Gəncəvinin anadan olmasının 880 illiyini nəzərə alaraq, 2021-ci ili “Nizami Gəncəvi İli” elan etməsi də bunun bariz nümunəsidir.
YAP Gənclər Birliyinin sədri Bəxtiyar İslamov intellektual festivalın məqsədinin Azərbaycan gəncliyinin dünyagörüşünə, fərdi inkişafına töhfə vermək, onlar arasında mövcud əlaqələri inkişaf etdirmək və milli-mənəvi dəyərlərimizə, tariximizə bağlı vətəndaş kimi formalaşmalarına dəstək vermək olduğunu bildirib. Qeyd edib ki, Azərbaycanın bütün regionlarını əhatə edəcək festivalda, ümumilikdə, 420 gənc iştirak edəcək. Yeni Azərbaycan Partiyasına üzv və bitərəf gənclərdən formalaşdırılmış 84 komanda festival çərçivəsində 9 regional turda mübarizə aparacaq.
Bəxtiyar İslamov vurğulayıb ki, bu turda Sabirabad, eləcə də ətraf şəhər və rayonlardan ümumilikdə, 10 komanda iştirak edir. Sabirabad, Saatlı, Hacıqabul, İmişli, Beyləqan, Neftçala, Salyan, Şirvan, o cümlədən Xocavənd və Füzulini təmsil edən bitərəf və YAP üzvü olan gənclərdən formalaşmış komandaların iştirakı ilə keçirilən II regional turun nəticəsində 2 komanda növbəti mərhələyə vəsiqə qazanacaq.
YAP Gənclər Birliyinin sədri, eyni zamanda, bu cür tədbirlərin Azərbaycan gəncliyinin tariximiz, ədəbiyyatımız, milli-mənəvi dəyərlərimiz barədə zəngin biliklər əldə etmələri üçün əhəmiyyətindən danışıb.
Sonra dahi Azərbaycan şairinin bəşəriyyətə bəxş etdiyi “Xəmsə” əsasında intellektual yarışmalara start verilib. Yarışmanın sonunda qaliblər müəyyənləşib, İmişli və Hacıqabul rayonlarını təmsil edən komandalar final mərhələsində iştirak etmək şansı qazanıblar.
Qeyd edək ki, sentyabr ayı ərzində davam edəcək layihənin finalının Gəncə şəhərində keçirilməsi nəzərdə tutulub.

Paylaş:

Baxılıb: 647 dəfə