Heydər Əliyev
yeni azerbaycan logo

Ana səhifə / YAP xəbərləri / YAP Nərimanov rayon təşkilatının nümayəndələri şəhidin ailəsini ziyarət edib

YAP Nərimanov rayon təşkilatının nümayəndələri şəhidin ailəsini ziyarət edib

22.10.2021 [13:06]

44 günlük Vətən müharibəsində qəhrəmancasına şəhid olmuş Bəkirli Azad Rasim oğlunun anım günü qeyd olunub. YAP Nərimanov rayon təşkilatının sədri Samir Vəliyev və təşkilatın əməkdaşları şəhid Azad Bəkirlinin ildönümü ilə əlaqədar onun evində ailə üzvlərini ziyarət edərək əziz xatirəsini ehtiramla anıb, ruhuna dualar oxuyublar.

Təşkilat sədri Samir Vəliyev müzəffər Ali Baş Komandan, Prezident  İlham Əliyevin rəhbərliyi ilə Silahlı Qüvvələrimizin 44 günlük Vətən müharibəsində əldə etdiyi tarixi Zəfərdən bəhs edib. O, ölkəmizin ərazi bütövlüyünün təmin olunması uğrunda hərbi əməliyyatlarda Bəkir kimi igid əsgər və zabitlərimizin müharibə dövründə fədakarlıq göstərərək qələbəmizin əldə olunmasına öz layiqli töhfələrini verdiyini və bunun hər birimizdə sonsuz qürur hissi doğurduğunu qeyd edib. S. Vəliyev Vətən müharibəsində qazanılan  möhtəşəm Zəfərin Azərbaycan tarixinin ən şanlı səhifələrindən olduğunu söyləyib.

Ailənin qayğıları ilə maraqlanan S.Vəliyev şəhid ailələri və qazilərə dövlət səviyyəsində göstərilən diqqət və qayğıdan bəhs edib, Prezident İlham Əliyevin və Birinci vitse-prezident Mehriban xanım Əliyevanın hər zaman şəhid və qazilərimizin yanında olduqlarını bildirib.

Şəhidin ailə üzvləri onlara göstərilən diqqət və qayğıya görə Ali Baş Komandan, Prezident  İlham Əliyevə, Birinci vitse-prezident Mehriban xanım Əliyevaya minnətdarlıqlarını bildiriblər.

Qeyd edək ki, Bəkirli Azad Rasim oğlu 27 sentyabr 2020-ci il tarixindən başlayan Vətən müharibəsində orduya qoşulmuş, Cəbrayıl və Füzuli rayonları uğrunda gedən döyüşlərdə şücaət göstərib. Azərbaycan Prezidenti İlham Əliyevin  Sərəncamına əsasən Azad Bəkirli ölümündən sonra "Vətən uğrunda" medalı ilə təltif edilib.

Paylaş
Baxılıb: 128 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30