Daim ən yüksək zirvələrdə...

Bakı:

15 °C

77 %

3 m/s

Əlaqə

AZ RU EN

Ana səhifə / YAP xəbərləri / Daim ən yüksək zirvələrdə...

Daim ən yüksək zirvələrdə...

28.09.2022 [11:22]

Bərdə Şəhidlər Xiyabanında 27 Sentyabr-Anım Gününə həsr olunmuş tədbir keçirilib.

Anım tədbirində Bərdə Rayon İcra Hakimiyyətinin başçısı Vidadi İsayev, Milli Məclisin deputatı Fatma Yıldırım, YAP Bərdə rayon təşkilatının sədri Fəqət Şadlinskaya, hüquq-mühafizə orqanlarının, idarə, müəssisə, təşkilat rəhbərləri, şəhid ailələrinin üzvləri, qazilər, müharibə iştirakçıları, rayon ictimaiyyətinin nümayəndələri iştirak etmişlər.

Tədbirdən öncə Vətən müharibəsi dövründə Ermənistan ordusu tərəfindən Bərdə rayonuna atılan bombalar nəticəsində həlak olmuş mülki şəhidlərin xatirə lövhəsinin önünə tər güllər düzüldü, xatirəsi yad olundu, ruhlarına dualar oxundu.

Sonra mərasim içtirakçıları Şəhidlər xiyabanında uyuyan şəhidlərin məzarlarını ziyarət edib, üzərinə tər güllər düzüb, əziz xatirələrini anıblar. Bərdə Rayon İcra Hakimiyyətinin başçısı Vidadi İsayev çıxış edərək bildirib ki, Azərbaycan Respublikasının Prezidenti İlham Əliyevin 2020-ci il 2 dekabr tarixli Sərəncamına əsasən Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq sentyabrın 27-si Azərbaycanda Anım Günü elan olunub: “Bu gün ölkəmizin bütün şəhər və rayonlarında, o cümlədən mənfur düşmənin toplarla və “Smerc” tipli raketlərdən zərbə endirdiyi Bərdə rayonunda da anım mərasimləri keçirilir, şəhidlərimiz Azərbaycandakı bütün dini məbədlərdə - məscidlərdə, kilsələrdə, sinaqoqlarda dərin ehtiramla yad olunur, qəhrəman Vətən övladlarının ruhuna dualar oxunur”. Vidadi İsayev anım tədbirində 44 günlük Vətən müharibəsində Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusunun əsgər və zabitlərinin göstərdiyi qəhrəmanlıqlardan danışmış, bu günün Azərbaycan tarixinə Vətən müharibəsinin başlanması kimi həkk olunduğunu, ermənilərin 30 ilə yaxın işğal altında saxladıqları torpaqlarımız şəhidlərimizin qanı bahasına azad edildiyini bildirdi.

Mərasimdə Milli Məclisin deputatı Fatma Yıldırım çıxış edərək bildirdi ki, Ermənistanın 2020-ci il sentyabrın 27-də ölkəmizə qarşı növbəti hərbi təcavüzünə cavab olaraq Azərbaycan Respublikası Silahlı Qüvvələrinin Müzəffər Ali Baş Komandanı İlham Əliyevin rəhbərliyi altında torpaqlarımızın işğaldan azad edilməsi məqsədilə başladığı Vətən müharibəsi Şanlı Qələbə ilə başa çatdı: “Otuz ilə yaxın işğal altında olan torpaqlarımız şəhidlərimizin - əsgər və zabitlərimizin, qazilərimizin qanı və canı bahasına işğaldan azad edildi. Vətən müharibəsində qəhrəmancasına döyüşmüş, ölkəmizin ərazi bütövlüyü uğrunda canlarını fəda etmiş şəhidlərimizə dərin ehtiram əlaməti olaraq sentyabrın 27-si ölkəmizdə Anım Günü kimi qeyd olunur. Ermənilərin son günlərdə Azərbaycanın səhəddindəki təxribatın qarşısının alınması zamanı Azərbaycan Ordusunun cavab zərbəsi bir daha göstərdi ki, xalqımız, Azərbaycan ordusu ölkə başçısı, Ali Baş Komandan İlham Əliyevin ətrafında sıx birləşmiş, qələbə bayrağını daima yüksəkdə saxlayacaqdır. Şəhidlərimizə Allahdan rəhmət, qazilərimizə can sağlığı arzulayırıq.”

Tədbir rayonun Zümürxan kəndində tikilmiş şəhidlərin xatirə kompleksinin açılışı ilə davam etdirildi.

Paylaş:

Baxılıb: 502 dəfə