“Prezident İlham Əliyev və Azərbaycan gəncliyi” mövzusunda tədbir keçirilib

Ana səhifə / YAP xəbərləri / “Prezident İlham Əliyev və Azərbaycan gəncliyi” mövzusunda tədbir keçirilib

“Prezident İlham Əliyev və Azərbaycan gəncliyi” mövzusunda tədbir keçirilib

24.12.2022 [19:57]

24 dekabr 2022-ci il tarixdə YAP Ağdam rayon təşkilatında “ Prezident İlham Əliyev və Azərbaycan gəncliyi” mövzusunda tədbir keçirilmişdir.

Tədbiri giriş sözü ilə açan YAP Ağdam rayon təşkilatının sədri Mansur Quliyev çıxış edərək bildirdi ki, ilk öncə rayon təşkilatının bütün üzvləri adından ölkə Prezidenti, Yeni Azərbaycan Partiyasının sədri, Müzəffər Ali Baş Komandan cənab İlham Əliyevi doğum günü münasibəti ilə tədrik edirik, Ona uzun ömür, cansağlı və Azərbaycanımızın çiçəklənməsi yolunda gələcək fəaliyyətində uğurlar arzulayırıq.

Mansur Quliyev bildirdi ki, Ulu öndər Heydər Əliyevin müəyyənləşdirdiyi gənclər siyasəti Prezident İlham Əliyev tərəfindən uğurla davam etdirilir. Prezident cənab İlham Əliyevin diqqəti, qayğısı sayəsində bu gün Azərbaycan gəncliyi özünün ən qürurverici və çiçəklənən dövrünü yaşayır.

Azərbaycan dövləti sürətli inkişaf dövrünü yaşayır və bu inkişaf təbii ki, gənclər üçün yeni imkanlar açır. Dövlətimizin siyasətində gənclər məsələləri mühüm yer tutur.

Prezident cənab İlham Əliyevin rəhbərliyi ilə ölkəmizdə həyata keçirilən siyasətin başlıca istiqamətlərindən biri gənclərə dövlət dəstəyinin gücləndirilməsindən, onlara hərtərəfli diqqət göstərilməsindən ibarətdir.

Qürur hissi ilə deyə bilərik ki, Müzəffər Ali Baş Komandanın rəhbərliyi ilə Azərbaycan Ordusu tərəfindən 30 ilə yaxın Ermənistanın işğalı altında olan əzəli torpaqlarımız azad edildi. Bu zəfər şanlı tariximizə qızıl hərflərlə yazıldı. Bu möhtəşəm qələbə xalqımızın inamını özünə qaytarmış, uzun illər ərzində doğma yurdlarına qayıtmaq eşqi ilə yaşayan məcburi köçkünlərin həsrətinə son qoymuşdur. Eyni zamanda bu qələbə bütün dünyada Azərbaycan dövlətinin və xalqının qüdrətini və sarsılmaz iradəsini, Ordumuzun gücünü nümayiş etdirmişdir. Bu möhtəşəm qələbədə Azərbaycan gəncliyinin də payı və rolu danılmzadır.

Gəncliyimiz Prezident İlham Əliyevin siyasətini birmənalı şəkildə dəstəkləyir və hər zaman Onun ətrafında sıx birləşmişdir.

Çıxış edən YAP fəallarından Rəşad Quliyev, Tural Bəhrəmov, Cahangir Qəhrəmanov və başqaları çıxış edərək Prezident cənab İlham Əliyevin gənclərimizə göstərdiyi xüsusi diqqət və qayğıdan ətraflı bəhs etdilər və bildirdilər ki, bü gün ki, sağlam düşüncəli Azərbaycan gəncliyi daima Prezident cənab İlham Əliyevi dəstəkləyir və həmrəylik nümayiş etdirir.

Sonda tədbir iştirakçıları ilə birgə xatirə şəkli çəkdirildi.

Paylaş:

Baxılıb: 157 dəfə