Tarixi torpaqlarımıza qovuşacağımız gün uzaqda deyil

Bakı:

26 °C

50 %

4 m/s

Əlaqə

AZ RU EN

Ana səhifə / YAP xəbərləri / Tarixi torpaqlarımıza qovuşacağımız gün uzaqda deyil

Tarixi torpaqlarımıza qovuşacağımız gün uzaqda deyil

30.12.2022 [10:30]

“Prezident İlham Əliyev cari ilin 24 dekabr tarixində Qərbi Azərbaycan İcmasının ziyalıları ilə görüşündə olduqca mühüm və əhəmiyyətli tarixi məqamlara toxunmuşdur. Tarixən Azərbaycan xalqının başına gətirilən müsibətlər, etniktəmizləmə, tarixi torpaqlarımızdan deportasiya, işğal, soyqırımları, həmin ərazilərimizdə tarixi izlərimizin və kimliyimizin silinməsinə edilən cəhdlər tarixi faktlardır. Təəssüflə qeyd etməliyik ki, uzaq və yaxın tarixi keçmişdə xalqımıza qarşı baş verən bu hadisələr davamlı xarakter almış, məqsədyönlü şəkildə torpaqlarımızın saxta olaraq, heç bir tarixi əsası olmadan özününküləşdirilməsi, erməniləşdirilməsi prosesi yerinə yetirilmişdir. Bu faktlar inkar oluna bilməz. Tarix təhrif olunmamalıdır. Tarixi obyektiv olaraq araşdıran, bu faktlara istinad edən hər kəs deyilənlərin həqiqət olduğunu görəcək”.

Bu sözləri açıqlamasında Yeni Azərbaycan Partiyası Binəqədi rayon təşkilatının sədri Vüsar İsmayılov bildirib. Onun sözlərinə görə Ermənistan və onun havadarları bu tarixi faktların silinməsində və gizlədilməsində maraqlıdır. Bütün dünya hansı dövlətə və xalqa qarşı baş verməsindən asılı olmayaraq, tarixi faktların saxtalaşdırılmasına, haqsızlıqlara qarşı mübarizə aparmalı, məsələlərə şəxsi maraqlardan, ikilistandartlardan yanaşmamlıdır. Qərbi Azərbaycanda, tarixi ərazilərimizdə etnik azərbaycanlılara qarşı baş verənlər əsl cinayətdir. Dövlətimizin qətiyyəti sayəsində bu tarixi faktların üzə çıxarılması, beynəlxalq ictimaiyyətin diqqətinə çatdırılması istiqamətində mühüm işlər görülür. İnanırıq ki, bu addımlar öz müsbət nəticəsini verəcək və həmin ərazilərimizdən deportasiya olunan soydaşlarımız öz yurd-yuvalarına qayıdacaq.

Rayon təşkilatının sədrinin fikrincə, tarixi faktlar sübut edir ki, Qərbi Azərbaycandan, indiki Ermənistandandeportasiyası və köçürülməsi hələ XVIII əsrdən başlanıb. Qərbi Azərbaycandan azərbaycanlıların, ümumiyyətlə müsəlmanların deportasiyası üç mərhələdə aparılıb. Birinci mərhələ 1905–1920-ci illər, ikinci mərhələ 1948–1953-ci illər, üçüncü mərhələ 1988–1992-ci illərdə baş verib: “Bu proseslər zamanı ermənilər Qərbi Azərbaycanda yaşayan azərbaycanlıların yüzlərlə yaşayış məntəqəsini yerlə-yeksan edib. 140 min insanı vəhşicəsinə qətlə yetirib, 750 mindən artıq azərbaycanlı Qərbi Azərbaycandan didərgin salınıb. Sonuncu deportasiyada 1988-ci ildə isə 220 mindən artıq azərbaycanlı erməni vəhşiliyinə tab gətirə bilmədiyindən doğma yurd-yuvalarını tərk edib. Bundan sonra ermənilər Qərbi Azərbaycandan azərbaycanlıların izini itirmək məqsədilə buradakı qəbiristanlıqları, tarixi, dini mədəni abidələri, məktəb, xəstəxana və digər binaları darmadağın edib. Qərbi Azərbaycan bizim tarixi torpağımızdır, bunu bir çox tarixi sənədlər sübut edir. Bir sözlə, indi Ermənistan ərazisi bizim tarixi torpaqlarımızdır və soydaşlarımızın hüquqları tam bərpa olunmalı və onlar öz ata-baba yurdlarına geri qayıtmalıdırlar”.

Xalqımız əsrlər boyu öz hüquqlarını qorumaq üçün, öz tarixi torpaqlarında yaşamaq üçün böyük fədakarlıq göstərib. Qürurla bildiririk ki, xalqın tarixi yaddaşı doğma torpaqlarımıza olan sevgini hər zaman qoruyub, saxlayıb. Hüquqi müstəvidə bütün lazımi tədbirləringörülməsi üçün dövlətimiz və xalqımız daha qətiyyətlidir və mübarizə aparmaq əzmindədir. Əminik ki, dövlət başçısı İlham Əliyevin rəhbərliyi ilə tarixi torpaqlarımıza qovuşacağımız gün uzaqda deyil.

Paylaş:

Baxılıb: 438 dəfə