Xəzər rayonunda “20 yanvar həqiqətlərinin dünya ictimaiyyətinə çatdırılmasında Heydər Əliyevin rolu” mövzusunda dəyirmi masa keçirilib

Ana səhifə / YAP xəbərləri / Xəzər rayonunda “20 yanvar həqiqətlərinin dünya ictimaiyyətinə çatdırılmasında Heydər Əliyevin rolu” mövzusunda dəyirmi masa keçirilib

Xəzər rayonunda “20 yanvar həqiqətlərinin dünya ictimaiyyətinə çatdırılmasında Heydər Əliyevin rolu” mövzusunda dəyirmi masa keçirilib

19.01.2023 [11:49]

18 yanvar 2023-cü il tarixində Xəzər rayonunda “Heydər Əliyev İli” çərçivəsində “20 yanvar həqiqətlərinin dünya ictimaiyyətinə çatdırılmasında Ümummilli Lider Heydər Əliyevin rolu” mövzusunda dəyirmi masa keçirilib. Tədbirdə Xəzər Rayon İcra Hakimiyyəti başçısının I müavini Elşən Qurbanov, Milli Məclisin deputatları Rauf Əliyev və Kamilə Əliyeva, Yeni Azərbaycan Partiyası Xəzər rayon təşkilatının sədri Namiq Əhmədov, İctimai Şuranın üzvləri, RİH başçısı Aparatının məsul şəxsləri, təhsil, səhiyyə müəssisələrinin və qeyri-hökumət təşkilatlarının nümayəndələri iştirak ediblər.

Tədbir Azərbaycan xalqının ümummilli lideri Heydər Əliyevin və ölkəmizin ərazi bütövlüyü naminə canından keçən şəhidlərimizin əziz xatirəsi bir dəqiqəlik sükutla yad edilməsi ilə başlayıb.

Tədbiri giriş sözü ilə açan Xəzər rayon İcra Hakimiyyəti başçısının I müavini Elşən Qurbanov 1990-cı ilin qanlı yanvar hadisələrindən danışaraq, 19-dan 20-nə keçən gecə SSRİ-nin siyasi rəhbərliyinin və güc strukturlarının Azərbaycanın müstəqilliyi, suverenliyi naminə şüarlar səsləndirən, öz konstitusiya hüquqları, ərazi bütövlüyü uğrunda mübarizəyə qalxmış həmvətənlərimizin ağır texnikadan və müxtəlif tipli silahlardan atəşə tutaraq kütləvi qətliyamı barədə geniş məlumat verib. Qeyd edib ki, qətliyam nəticəsində Bakıda və ətraf rayonlarında xüsusi amansızlıqla 131 nəfər öldürülüb, 744 nəfər yaralanıb. Həlak olanların arasında qadınlar, uşaqlar və qocalar, həmçinin təcili yardım işçiləri və milis nəfərləri olub.

Rauf Əliyev, Kamilə Əliyeva, Namiq Əhmədov, Təvəkkül Səlimov oz çıxışlarında qanlı 1990-ci ilin yanvar hadisələri barədə danışaraq, 20 Yanvar faciəsindən bir gün sonra ulu öndər Heydər Əliyevin ailə üzvləri ilə birlikdə Moskva şəhərində yerləşən Azərbaycanın daimi nümayəndəliyinə gələrək Azərbaycan xalqına başsağlığı verməsini və bu hadisələrdə əsas günahkar kimi o zamankı respublika və SSRİ rəhbərliyini ilk növbədə Qorbaçovu göstərməsini vurğulayıblar. Bu, 20 Yanvar qırğınına verilmiş birinci siyasi qiymət idi. Qeyd edilib ki, Ulu Öndərin təşəbbüsü ilə 1994-cü il martın 29-da qəbul edilən “1990-cı il yanvarın 20-də Bakıda törədilmiş faciəli hadisələr haqqında” Qərarla 20 Yanvar qırğınına dövlət səviyyəsində tam siyasi-hüquqi qiymət verilib. Ümumxalq Hüzn Günü elan olunması, “20 Yanvar şəhidi” fəxri adının təsis edilməsi, Şəhidlər Xiyabanında “Əbədi məşəl” kompleksinin yaradılması, 20 Yanvar şəhidlərinin ailələrinin və əlillərinin sosial müdafiəsinin gücləndirilməsi də ümummilli liderimiz Heydər Əliyevin adı ilə bağlıdır.

Sonda çıxış edən Xəzər Rayon İcra Hakimiyyəti başçısının I müavini Elşən Qurbanov bildirdi ki, Azərbaycan Respublikasının Prezidenti cənab İlham Əliyevin Sərəncamı ilə “Azərbaycan Respublikasında 2023-cü ilin “Heydər Əliyev ili” elan edilməsi ilə bağlı Tədbirlər Planı”nına uyğun olaraq Xəzər Rayon İcra Hakimiyyəti tərəfindən silsilə tədbirlər keçirilməsi nəzərdə tutulub. “20 yanvar həqiqətlərinin dünya ictimaiyyətinə çatdırılmasında ümummilli lider Heydər Əliyevin rolu” mövzusunda keçirilən tədbirin tarixi və siyasi əhəmiyyətindən söz açan Elşən Qurbanov qeyd etdi ki, Azərbaycan dövləti tərəfindən 20 Yanvar şəhidlərinin adının əbədiləşdirilməsi, onların ailələrinə qayğı göstərilməsi cənab Prezident İlham Əliyev tərəfindən daim diqqət mərkəzindədir. 44 günlük Vətən müharibəsi xalqın qəlbində olan Vətən sevgisinin nə qədər böyük olduğunu bir daha sübut etdi və bu müharibədə canından keçən şəhidlərimizin, Azərbaycan xalqının qan yaddaşı olan 20 Yanvar faciəsinin qurbanlarının əziz xatirəsi qəlbimizdə daim yaşayacaqdır.

Paylaş:

Baxılıb: 80 dəfə