YAP Samux rayon təşkilatında 31 mart soyqırımına həsr edilmiş tədbir keçirilib

Bakı:

26 °C

66 %

8 m/s

Əlaqə

AZ RU EN

Ana səhifə / YAP xəbərləri / YAP Samux rayon təşkilatında 31 mart soyqırımına həsr edilmiş tədbir keçirilib

YAP Samux rayon təşkilatında 31 mart soyqırımına həsr edilmiş tədbir keçirilib

31.03.2023 [14:37]

31 mart 2023-cü il tarixdə YAP Samux rayon təşkilatında 31 mart soyqırımına həsr edilmiş “31mart soyqırımı –tarixin qanla yazılmış yaddaşıdır” mövzusunda ərazi partiya təşkilat sədrlərinin və partiya fəallarının iştirakı ilə qarşılıqlı diskussiya şəklində iclas keçirildi. Tədbirə Samux rayon İcra Hakimiyyəti Başçısı aparatının müavini Kəmalə Xəlilova dəvət edilmişdi.

Əvvəlcə 31 mart soyqırımı zamanı qətlə yetirilmiş həmvətənlərimizin, həmçinin Vətənimizin ərazi bütövlüyünün qorunması uğrunda şəhid olmuş qəhrəmanlarımızın ruhu bir dəqiqəlik sükutla yad edildi.

Sonra YAP Samux rayon təşkilatının sədri Gündüz Bayramov çıxış edərək qeyd etdi ki, erməni millətçiləri tərəfindən azərbaycanlılara qarşı məqsədyönlü şəkildə törədilən bütün soyqırımları, o cümlədən 31 mart soyqırımını xalqımız heç vaxt unutmadı, mənfur düşmənə qarşı mübarizə əzmini artırmaqla, bu gün Müzəffər Ali Baş Komandan cənab İlham Əliyevin rəhbərliyi ilə qüdrətli ordumuz parlaq qələbələrə imza atdı, torpaqlarımızı işğaldan azad etməklə, şəhidlərimizin, günahsız insanların, bütün soyqırım qurbanlarının qanını yerdə qoymadı. O qeyd etdi ki, 1918-ci ilin mart-aprel aylarında daşnak- bolşevik silahlı dəstələrinin Azərbaycan xalqına qarşı xüsusi qəddarlıqla törətdiyi soyqırımlar təkcə Azərbaycan tarixində deyil, ümumilikdə bəşər tarixində ən qanlı cinayətlərdən biridir.

Daha sonra iclasda iştirak edən Samux rayon İcra Hakimiyyəti Başçısı aparatının müavini Kəmalə Xəlilova mövzu ətrafında öz fikirlərini bildirərək qeyd etdi ki, Azərbaycanda XIX-XX əsrlərdə baş verən bütün faciələr torpaqlarımızın zəbti ilə müşayiət olunaraq, ermənilərin xalqımıza qarşı düşünülmüş, planlı surətdə həyata keçirdiyi soyqırımı siyasətinin ayrı-ayrı mərhələlərini təşkil edib. 1918-ci il martın 30-u gecə saatlarında Bakıda başlanan, sonra ölkənin digər bölgələrində davam etdirilən, minlərlə günahsız insanın, o cümlədən çoxlu sayda qoca, qadın və uşağın qətli ilə nəticələnən soyqırımı günündən bizi bir əsrlik zaman fasiləsi ayırsa da, tarixdə heç zaman unudulmayacaq.

İclasda iştirak edən natiqlər mövzu ətrafında müzakirələr apardılar, bir sıra tarixi faktlara istinad edərək erməni daşnak partiyasının havadarlığı ilə ötən əsrin əvvəllərindən etibarən əzəli Azərbaycan torpaqlarında törədilmiş qırğınlar və soyqırımı siyasətindən ətraflı bəhs etdilər. Qeyd etdilər ki, hər il martın 31-də Azərbaycan xalqı bu kütləvi və amansız soyqırım qurbanlarının xatirəsini ehtiramla yad edir. Ölkəmizdə və onun hüdudlarından kənarda anma mərasimləri keçirilir, erməni millətçiləri tərəfindən xalqımıza qarşı həyata keçrilmiş soyqırımı və etnik təmizləmə siyasəti barədə əsl həqiqətlərin ictimaiyyətə çatdırılması istiqamətində xeyli işlər görülür.

Paylaş:

Baxılıb: 507 dəfə