20 illik qalibiyyət, zəfər yolu

Bakı:

27 °C

50 %

0 m/s

Əlaqə

AZ RU EN

Ana səhifə / YAP xəbərləri / 20 illik qalibiyyət, zəfər yolu

20 illik qalibiyyət, zəfər yolu

13.10.2023 [13:57]

Bayram Aslanov,
YAP İdarə Heyətinin üzvü, YAP Gəncə şəhər təşkilatının sədri

2003-cü ilin 15 oktyabrı…Həmin tarixi gündə – prezident seçkilərində Azərbaycan xalqı səsini dahi şəxsiyyət, Ulu Öndər Heydər Əliyev siyasətinin davam etdirilməsinə, ölkədə sabitliyin qorunmasına, inkişafa, tərəqqiyə verdi.
“Üzümü sizə – həmvətənlərimə tutaraq, qarşıdan gələn prezident seçkilərində prezidentliyə namizəd, mənim siyasi varisim, Yeni Azərbaycan Partiyası sədrinin I müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. İnanıram ki, mənim axıra çatdıra bilmədiyim taleyüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”. 2003-cü ilin prezident seçkilərində xalqa müraciətində dahi lider Heydər Əliyevin söylədiyi bu sözlər artıq tam təsdiqini tapıb.
Ulu Öndər Heydər Əliyevin siyasi xəttinin davamçısı Prezident cənab İlham Əliyevin rəhbərliyi ilə Azərbaycan sözün əsl mənasında böyük zirvələrə doğru irəliləyib, qüdrətini günü-gündən daha da artırıb. 2003-cü ildə İlham Əliyev Azərbaycan Prezidenti seçilərkən 42 yaşı vardı. Xalqın və dünyanın gözləri qarşısında ölkə başçımız cənab İlham Əliyev Ümummilli Liderin inkişaf strategiyasını, siyasi xəttini uğurla davam etdirdi. Dahi rəhbər Heydər Əliyevin bir dövlət kimi məhv olmaq təhlükəsindən xilas etdiyi müstəqil Azərbaycan bugünkü yüksəlişə və inkişafa nail oldu. Ulu Öndər Heydər Əliyevin siyasi varisi, layiqli davamçisı İlham Əliyev düşünülmüş islahatları və müdrik qərarları ilə həyatımıza yeni nəfəs gətirdi.
Liderlik keyfiyyətləri, zəkası, siyasi iradəsi və uzaqgörənliyi sayəsində Prezident cənab İlham Əliyevin öndə gedən liderlərdən biri kimi dünyanın siyasət aləmində böyük nüfuz qazandı. Ölkə Başçımız cənab İlham Əliyev isə öz fəaliyyəti ilə Ulu Öndər Heydər Əliyev ideyalarının layiqli davamçısı olduğunu göstərməklə yanaşı ölkənin milli maraqlarını qoruya bilmək qabiliyyəti ilə özünün əsl siyasi lider olduğunu isbatladı. Azərbaycanı yüksələn xətlə inkişaf edərək, bütün sahələrdə böyük uğurlar qazanaraq tək Cənubi Qafqazın deyil, Qərblə Şərqin qovuşuğunda yerləşən böyük bir bölgənin ən nüfuzlu dövlətlərindən birinə çevrildi. Ölkə Prezidenti cənab İlham Əliyevin rəhbərliyi altında Azərbaycanın beynəlxalq siyasi müstəvidə nüfuzu yüksələrək elə bir səviyyəyə çatıb ki, o artıq dünyanın super dövlətləri arasında baş verən münaqişələrin nizamlanmasında öz sözünü deyə bilir.
Azərbaycan tarixində heç zaman Prezident cənab İlham Əliyevin ölkəyə rəhbərlik etdiyi illərdəki kimi qüdrətli, güvənli olmayıb. Ölkəmizdə həyata keçirilən siyasi və iqtisadi islahatlar, sosial-iqtisadi sahədə, eyni zamanda beynəlxalq əməkdaşlıq sahəsində əldə olunan uğurlar, 44 günlük Vətən müharibəsində Şanlı Ordumuzun parlaq qələbəsi nəticəsində torpaqlarımızın işğaldan azad edilməsi deməyə əsas verir ki, Azərbaycanın taleyi etibarlı əllərdədir.
Beynəlxalq birliyin Azərbaycana olan inam və etimadının durmadan artması, ölkəmizin təşəbbüsləri, layihələri ilə Avropanın enerji xəritəsini dəyişməsi, dünya miqyasında ən güclü ordularından birini formalaşdırmaq, əhalinin rifahının yaxşılaşdırılması, xalq-dövlət birliyi müstəqillik tariximizin ən böyük nailiyyətləridir. Bu uğurları şərtləndirən yeganə amil isə Ulu Öndər Heydər Əliyevin layiqli davamçısı Prezident cənab İlham Əliyevin yürütdüyü müstəqil siyasətdir.

Paylaş:

Baxılıb: 423 dəfə