Milli maraqlarımızın müdafiəsi

Bakı:

27 °C

47 %

2 m/s

Əlaqə

AZ RU EN

Ana səhifə / YAP xəbərləri / Milli maraqlarımızın müdafiəsi

Milli maraqlarımızın müdafiəsi

19.12.2023 [11:16]

Prezident İlham Əliyev “Euronews” televiziyasına müsahibəsində Azərbaycan həqiqətlərini, mövcud reallıqları diqqətə çatdırmış, olduqca mühüm məqamlara toxunmuş, ciddi mesajlar vermişdir. “Euronews” kimi dünyada geniş auditoriyası olan bir telekanalın Prezident İlham Əliyevdən müsahibə götürməsi əlbəttə ki, Dövlət başçımızın yüksək nüfuzunun, ölkəmizə olan marağın göstəricisidir.

Azərbaycan hər zaman qonşuları, eləcə də dünya dövlətləri ilə isti münasibətlər, qarşılıqlı əlaqələr qurmaqda maraqlı olub. Dövlət başçımızın yürütdüyü siyasətin prioritet istiqamətlərindən biri də məhz budur.

Müsahibəsində də “Azərbaycanın qonşularla münasibətləri dostluğa və qarşılıqlı marağa əsaslanır”, - deyən cənab Prezident ölkəmizin Avropa təsisatları ilə də münasibətlərinin öz müsbət dinamikası olduğunu vurğulayıb.

Müxbirin Ermənistan və Azərbaycan arasında sülh sazişinin imzalanması ilə bağlı sulını cavablandırarkən ölkə başçısı Ermənistan tərəfinin süni olaraq prosesi ləngitmək istədiyini belə olan halda ilin axırına qədər sülh sazişinin imzalanması ilə bağlı ümidlərin o qədər də nikbin olmadığını bildirib. Bu məsələdə zaman qrafiki deyil, hər iki ölkənin gündəliyi vacib olmalıdır. Prezident cənab İlham Əliyev eyni zamanda xatırladıb ki, məhz Azərbaycan işğaldan və etnik təmizləmədən əziyyət çəkib. Bir milyon azərbaycanlı Ermənistan hökuməti tərəfindən deportasiya edilib. Təxminən sahəsi 15 min kvadratkilometr olan ərazi dağıdılıb.

SPECA Proqramının önəmindən bəhz edən ölkə başçısı 25 illik yubileyini qeyd ədən bu Proqramın Mərkəzi Asiya və Azərbaycan arasında qarşılıqlı iqtisadi əlaqəyə əsaslandığını və bu gün bu qarşılıqlı əlaqənin yeni dinamikasının şahidi oluduğumuzu bildirib. Cənab Prezident son iki ildə Azərbaycan və bütün Mərkəzi Asiya ölkələri arasında və Mərkəzi Asiya ölkələrinin özləri arasında fəal qarşılıqlı əlaqələrin görünməmiş dərəcədə yüksək olduğunu diqqətə çatdırıb. Dövlət başçısı əlavə edib ki, Azərbaycanın xarici siyasət prioritetlərindən biri Mərkəzi Asiya ölkələri ilə daha fəal əməkdaşlıqdan ibarətdir .

Qarabağda yaşamış ermənilərlə bağlı sualı cavablandırarkən Prezident İlham Əliyev bildirib ki, onlarin hüquqları təmin olunacaqdır. Onlarla bağlı ictimaiyyətə verilən bəyanat və sonradan atılan addımlar göstərdi ki, biz istəyirdik onlar qalsınlar. Dövlət başçısı onu da qeyd edib ki, Antiterror əməliyyatı başa çatdıqdan sonra Azərbaycan xalqına müraciətində onların qala biləcəyini bəyan edib. “Geri qayıtmaq üçün onlar müəyyən qaydalara əməl etməlidirlər və mən antiterror əməliyyatının keçirilməsindən bir neçə ay əvvəl demişdim ki, qalmaq istəyənlər Azərbaycan vətəndaşlığı üçün müraciət etməlidirlər”,-deyə ölkə başçısı vurğulayıb.

Beləliklə Prezident cənab İlham Əliyevin “Euronews” televiziyasına müsahibəsi milli maraqlarımızın, mövcud reallıqların beynəlxalq aləmə çatdırılması və xalqımızın sülhpərvər mövqeyinin nümayiş olunması baxımından əhəmiyyətli hadisə kimi yadda qaldı .

Sahib Şükürov

YAP Göyçay rayon təşkilatının sədri

Paylaş:

Baxılıb: 635 dəfə