"Heydər Əliyev və Azərbaycanın müasirləşmə strategiyası"

Bakı:

14 °C

94 %

0 m/s

Əlaqə

AZ RU EN

Ana səhifə / YAP xəbərləri / "Heydər Əliyev və Azərbaycanın müasirləşmə strategiyası"

"Heydər Əliyev və Azərbaycanın müasirləşmə strategiyası"

11.05.2012 [00:52]

Mayın 9-da Gəncə şəhər İcra Hakimiyyəti və YAP Gəncə şəhər təşkilatının birgə təşkilatçılığı ilə müasir Azərbaycanın memarı və qurucusu Heydər Əliyevin anadan olmasının 89-cu ildönümü ilə əlaqədar keçirilən silsilə tədbirlərin zirvəsi olaraq, partiyanın qərargahında “Heydər Əliyev və Azərbaycanın müasirləşmə strategiyası” mövzusunda elmi-praktik konfrans keçirilib.
Tədbir iştirakçıları öncə dahi şəxsiyyətin şəhərin baş meydanında ucaldılmış əzəmətli abidəsini ziyarət edib, abidə önünə əklil və tər çiçək dəstələri qoymaqla, Onun xatirəsini etiramla yad ediblər.
Elmi-praktik konfransı giriş sözü ilə Gəncə şəhər İcra Hakimiyyətinin başçısı Elmar Vəliyev açıb. ümummilli liderin əziz xatirəsi bir dəqiqəlik sükutla yad edilib.
Gəncə şəhər İcra Hakimiyyəti başçısı Elmar Vəliyev “Heydər Əliyev və Azərbaycanın müasirləşmə strategiyası” mövzusunda məruzə edərək, böyük məhəbbətlə sevdiyi doğma xalqının gələcəyini təmin edən, onun işıqlı arzularını gercəkləşdirən Ulu öndər Heydər Əliyevin misilsiz xidmətlərindən danışıb. O bildirib ki, Azərbaycanın müstəqilliyinin dönməzliyi və əbədiliyi, milli dövlətçilik ideologiyasının formalaşması, siyasi və iqtisadi sahələrdə inkişafı yalnız böyük şəxsiyyət Heydər Əliyevin adı ilə, yorulmaz fəaliyyəti ilə bağlıdır.
“Ulu öndər Heydər Əliyevin siyasi irsi Azərbaycan dövlətçiliyinin yeni inkişaf mərhələsidir” mövzusunda çıxış edən YAP Gəncə şəhər Təşkilatının sədri İsrafil İsmayılov bildirib ki, Azərbaycan xalqının müstəqillik uğrunda mübarizəsində, Azərbaycanda müstəqil dövlət quruculuğunda ümummilli lider Heydər Əliyevin müstəsna xidmətləri var.
ADAU-nun rektoru, professor Mirdamət Sadıqov məruzəsində “Heydər Əliyev və milli iqtisadi inkişaf modeli”ndən bəhs edlrək bildirib ki, eyni bir iqtisadi sistemə daxil olan ölkələrin iqtisadi inkişaf modelləri fərqlidir.
Gəncə Regional Elm Mərkəzinin direktoru, professor Fuad Əliyev “Heydər Əliyev azərbaycançılıq ideologiyasının banisidir” mövzusunda çıxış edib. Qeyd edib ki, Heydər Əliyevin bütün dünya üçün örnək olan çoxşaxəli fəaliyyətinin ən mühüm və əzəli istiqaməti azərbaycançılıq məfkurəsi olub.
ADAU-nun kafedra müdiri, dosent Məleykə Əlizadə qadınların cəmiyyətdəki rolunun əhəmiyyətli dərəcədə artmasında görkəmli dövlət xadimi Heydər Əliyevin misilsiz xidmətlərini xüsusi olaraq vurğulayıb.
Tədbiri Gəncə şəhər İcra Hakimiyyətinin başçısı Elmar Vəliyev yekunlaşdırıb.
Sonda elmi-praktik konfrans iştirakçıları adından bəyanat qəbul edilib.

Paylaş:

Baxılıb: 1494 dəfə