Azərbaycan qadını dünya qadınlarına bir nümunədir

Bakı:

15 °C

94 %

7 m/s

Əlaqə

AZ RU EN

Ana səhifə / YAP xəbərləri / Azərbaycan qadını dünya qadınlarına bir nümunədir

Azərbaycan qadını dünya qadınlarına bir nümunədir

13.03.2024 [11:44]

Bu gün müstəqil Azərbaycanımızda əsası Ulu Öndərimiz Heydər Əliyev tərəfindən qoyulan “Dövlət Qadın Siyasəti” Möhtərəm Prezidentimiz İlham Əliyevin rəhbərliyi ilə böyük yüksəliş mərhələsinə qədəm qoymuş, qadınlara göstərilən dövlət qayğısı daha da gücləndirilmiş, qadınların Azərbaycan cəmiyyətindəki rolu daha da artmışdır.

Möhtərəm Prezidentimiz İlham Əliyev cənabları 8 Mart – Beynəlxalq Qadınlar Günü münasibətilə Azərbaycan qadınlarına ünvanlanan təbrikində demişdir: “Azərbaycan qadınları dünyanın bir sıra qabaqcıl ölkələrinin qadınlarından əvvəl seçib-seçilmək hüququ qazanmış, incəsənətin və elmin ən müxtəlif istiqamətləri üzrə müsəlman Şərqində qadınlar arasında ilk addımları atmaqla qabaqcıl düşüncəli, yenilikçi və mütərəqqi ruhlu olduqlarını sübuta yetirmişlər. Onlar ölkəmizin, xüsusən təhsil, səhiyyə və mədəniyyət sistemlərinin müasir əsaslar üzərində qurulması üçün böyük əzmlə çalışmış, ötən müddət ərzində mühüm nailiyyətlər əldə etmişlər.”

Bəli, doğrudan da tarix boyu Azərbaycan qadını öz iradəsi və mərdliyi, saflığı və sədaqəti ilə cəmiyyətimizin həyatında, xalqımızın milli-mənəvi dəyərlər sisteminin formalaşmasında müstəsna rol oynamışdır. Keçmişdə məhdud hüquqları olan Azərbaycan qadını bu gün ölkədə mədəni və siyasi quruculuğun fəal iştirakçısıdır. İndi müasir Azərbaycanda elə bir sahə yoxdur ki, orada qadınlar iştirak etməsin. Azərbaycan cəmiyyətində qadının ictimai-siyasi, sosial-iqtisadi və elmi-mədəni sahələrdə rolu ildən-ilə artır. Bütün bunlar ölkədə demokratik dövlət quruculuğunun, Ulu Öndər Heydər Əliyev tərəfindən əsası qoyulan və Möhtərəm Prezidentimiz İlham Əliyev tərəfindən uğurla davam etdirilən siyasətin əməli nəticəsidir.

44 günlük Vətən müharibəsində xalqımıza Şanlı Qələbəni bəxş edən qəhrəman şəhidlərimizin, igid qazilərimizin, rəşadətli əsgər və zabitlərimizin anaları da məhz, fədakar Azərbaycan qadınlarıdır. Azərbaycan qadını - Qəhrəman ana, Qəhrəman bacı, Qəhrəman həyat yoldaşıdır.

Azərbaycan qadınlarının simvolu, Birinci Vitse - Prezident, Yeni Azərbaycan Partiyası sədrinin birinci müavini Mehriban xanım Əliyeva tərəfindən ölkəmizdə qadınlara göstərilən diqqət və qayğı, Azərbaycan cəmiyyətində qadınların rolunun artırılması yönümündə həyata keçirilən məqsədyönlü tədbirlər, icra olunan layihələr dünyanın bütün lider qadınlarına bir örnəkdir. Odur ki, Azərbaycan qadını öz iradəsi və mərdliyi, saflığı və sədaqəti, isməti və gözəlliyi, cəmiyyətdəki fəal rolu ilə dünya qadınlarına bir nümunədir.

Ən gözəldir Azəri qadınları ,

Dünyaya gətirən qəhrəmanları !

Qoy sevinclə keçsin bütün anları ,

Namus , abır , həya qoruyanları ,

Gəlin təbrik edək biz qadınları !

Anar Nəbiyev

YAP Qazax rayon təşkilatının sədri

Paylaş:

Baxılıb: 524 dəfə