Pirallahı rayonunda təntənəli Novruz tədbiri keçirildi

Bakı:

13 °C

94 %

6 m/s

Əlaqə

AZ RU EN

Ana səhifə / YAP xəbərləri / Pirallahı rayonunda təntənəli Novruz tədbiri keçirildi

Pirallahı rayonunda təntənəli Novruz tədbiri keçirildi

19.03.2024 [18:03]

Azərbaycan Respublikasının hər yerində olduğu kimi rayonumuzda da Novruz bayramı hər zaman yüksək əhval-ruhiyyədə qeyd olunur. Novruz bayramı münasibəti ilə və Azərbaycan Respublikası Prezidentinin 2023-cü il 25 dekabr tarixli Sərəncamı ilə 2024-cü il ölkəmizdə “Yaşıl Dünya Naminə Həmrəylik İli” elan ediləsi ilə bağlı Pirallahı qəsəbəsində yerləşən Zəfər Parkının ərazisində 18 mart 2024-cü il tarixdə ağacəkmə aksiyası keçirilmişdir. Aksiya çərçivəsində ümumilikdə 250 ədəd ağac və gül kolları əkilmişdir.

Həmçinin, Pirallahı rayonunda fəaliyyət göstərən ümumtəhsil müəssisələrində, körpələr evi-uşaq bağçalarında, idarə və təşkilatlarda bayram münasibətilə silsilə tədbirlər keçirilir. Keçirilən tədbirlərin yekunu kimi 19 mart 2024-cü il tarixdə Vaqif Mustafazadə adına Mədəniyyət Mərkəzində bayram tədbiri təşkil olunmuşdur. Tədbirdə Pirallahı Rayon İcra Hakimiyyətinin başçısı Vasif İmanov, Millət vəkili Rauf Əliyev, YAP Pirallahı rayon təşkilatının sədri Emil Abasov, RİH başçısı Aparatının, YAP Pirallahı rayon təşkilatının, Pirallahı rayonu üzrə gənclər və idman sektorunun, hüquq-mühafizə orqanlarının məsul əməkdaşları, rayon ərazisində fəaliyyət göstərən ümumtəhsil və mədəniyyət müəssisələrinin pedaqoji və şagird kollektivi, Qeyri-Hökümət Təşkilatlarının nümayəndələri, şəhid ailələri, Vətən müharibəsi iştirakçıları, rayon ictimaiyyəti iştirak etmişdir.

Tədbirdə çıxış edən natiqlər rayon ictimaiyyətini bayram münasibətilə təbrik edərək bildirmişdilər ki, bu il Novruz bayramı ötən illərin hər birindən daha coşğulu, daha təntənəlidir. Çünki, artıq hər bir qarış Vətən torpağında bu coşğu hiss olunur. Ötən ilin sebtyabr ayında Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun cəmi bir gündə Xocavənd, Xocalı, Xankəndi, Əsgəran və Ağdərə rayonlarını nəzarətimizə qaytarması ilə bütün ölkə ərazisində suverenliyimiz bərpa olunmuşdur. Bu gün Azərbaycan tarixdə heç vaxt olmadığı qədər güclü və qüdrətlidir. Bunun üçün biz Prezident İlham Əliyevə, rəşadətli Azərbaycan Ordusuna və şəhidlərimizə minnətdarıq. Çıxışlar zamanı qeyd olundu ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin apardığı uğurlu siyasət nəticəsində müstəqil Azərbaycanda vətəndaş həmrəyliyi əldə olunub, ölkəmiz dünya dövlətləri sırasında ən layiqli yerlərdən birini tutub.

Çıxışlardan sonra Pirallahı Rayon İcra Hakimiyyətinin başçısı Vasif İmanov, Millət vəkili Rauf Əliyev, YAP Pirallahı rayon təşkilatının sədri Emil Abasov və qonaqlar məktəblilərin hazırladığı sərgiyə baxış keçirdilər. Tədbir bədii hissə ilə davam etdi.

Paylaş:

Baxılıb: 780 dəfə