Xəzər rayonunda “Azərişıq” ASC-nin yaranmasının 10 illiyi münasibətilə tədbir keçirilib

Bakı:

21 °C

56 %

2 m/s

Əlaqə

AZ RU EN

Ana səhifə / Xəbər lenti / Xəzər rayonunda “Azərişıq” ASC-nin yaranmasının 10 illiyi münasibətilə tədbir keçirilib

Xəzər rayonunda “Azərişıq” ASC-nin yaranmasının 10 illiyi münasibətilə tədbir keçirilib

21.02.2025 [19:31]

Xəzər rayonunda “Azərişıq” Açıq Səhmdar Cəmiyyətinin yaranmasının 10-cu il dönümü münasibəti ilə tədbir keçirilib.

Tədbirdə Xəzər Rayon İcra Hakimiyyətinin başçısı Elşən Salahov, RİH başçısının müavinləri, RİH başçısı Aparatının şöbə müdirləri, idarə, müəssisə və təşkilat rəhbərləri, Xəzər rayon və Zirə Enerji Təchizatı və Satışı İdarələrinin əməkdaşları iştirak edib.

Tədbir iştirakşıları əvvəlcə Xəzər Rayon İcra Hakimiyyətinin inzibati binası önündə ucaldılmış Ümummilli Lider Heydər Əliyevin abidəsini ziyarət edib, dahi şəxsiyyətin əziz xatirəsini dərin ehtiramla yad edərək abidə önünə gül dəstələri qoyublar.

Mərdəkan qəsəbəsi “Abşeron” sanatoriyasının konfrans zalında davam edən tədbirdə önçə “Azərişıq” ASC-nin 10 il ərzində gördüyü işlər və əldə etdiyi nailiyyətlərə dair hazırlanmış film nümayiş olunub.

Xəzər Rayon İcra Hakimiyyətinin başçısı Elşən Salahov tədbiri giriş sözü ilə açaraq iştirakçıları salamlayıb, “Azərişıq” ASC-nin yaranmasının 10-cu il dönümü münasibətilə sədr Vüqar Əhmədov başda olmaqla cəmiyyətin bütün əməkdaşlarını, eyni zamanda Xəzər rayon və Zirə Enerji Təchizatı və Satışı İdarələrinin işçilərini təbrik edib. Rayon rəhbəri Ümummilli Lider Heydər Əliyev siyasi kursunun layiqli davamçısı Prezident cənab İlham Əliyevin həyata keçirdiyi uğurlu siyasi fəaliyyəti nəticəsində ölkənin elektrik enerjisi sisteminin daim inkişafını, həmçinin fasiləsiz, keyfiyyətli və dayanıqlılığını təmin etmək məqsədi ilə bir sıra irimiqyaslı layihələrin həyata keçirildiyini vurğulayıb. Həmçinin bildirib ki, artıq bu gün ölkəmiz elektrik enerjisinə olan tələbatını yerli imkanlar hesabına ödənilməsinə nail olub və bununla yanaşı elektrik enerjisi ixrac edən ölkələr sırasındadır.

E. Salahov eyni zamanda cənab İlham Əliyevin rəhbərliyi altında “Azərişıq” ASC tərəfindən işğaldan azad olunmuş torpaqlarımızda da lazımi yenidənqurma və bərpa işlərinin həyata keçirildiyini vurğulayaraq, Qarabağ və Şərqi Zəngəzurun dağıdılmış elektrik şəbəkələrinin tamamilə yenidən qurulduğunu, yeni salınan şəhər və qəsəbələrin işıqlandırılması üçün ən müasir avadanlıqlardan istifadə edilməklə yeni güc mərkəzlərinin yaradıldığını, görülən bütün işlərin isə Baş Plana əsasən aparıldığını qeyd edib.

Tədbirdə çıxış edən Xəzər rayon Enerji Təchizatı və Satışı İdarəsinin rəisi Ramil Məmmədov və Zirə Enerji Təchizatı və Satışı İdarəsinin rəisi Anar Abdullayev “Azərişıq” ASC-nin fəaliyyəti dövründə görülən iri miqyaslı işlər, eyni zamanda qarşıda duran hədəflər barədə danışaraq, Azərbaycan Respublikasının Prezidenti cənab İlham Əliyevə bu sahəyə göstərilən diqqət və qayğıya görə əməkdaşlar adından minnətdarlığını bildiriblər.

Tədbirdə “Azərişıq” Açıq Səhmdar Cəmiyyətinin yaranmasının 10-cu il dönümü münasibətilə və səmərəli fəaliyyətinə görə” Xəzər rayon və Zirə Enerji Təchizatı və Satışı İdarələrinin bir qrup əməkdaşı Xəzər Rayon İcra Hakimiyyəti tərəfindən “Fəxri Fərman” və ”Təşəkkürnamə” ilə təltif olunublar.

Sonda xatirə şəkili çəkilib.

Paylaş:

Baxılıb: 347 dəfə