Heydər Əliyev
yeni azerbaycan logo

Ana səhifə / Xəbər lenti / Mətbuatımızın “Tərəqqi” dövrü

Mətbuatımızın “Tərəqqi” dövrü

08.06.2022 [10:39]

114 il öncə bu gün “Tərəqqi” qəzetinin ilk nömrəsi çapdan çıxıb

Tarixdə bu gün- 1908-ci il iyunun 8-də Azərbaycan dilində ictimai-siyasi, iqtisadi, ədəbi “Tərəqqi” qəzetinin ilk nömrəsi çapdan çıxıb.

Tarixi qaynaqlara görə, 1905-ci ildən başlayaraq, Bakıda mətbuat sürətlə inkişafa başladı. Şübhəsiz ki, bu işdə çarın 17 oktyabr tarixli manifesti az rol oynamamışdı. Mətbuat sahəsində senzura qismən zəifləmişdi. Bu illərdə Bakıda 63-ə qədər qəzet və jurnal çap olunurdu ki, bundan yalnız bir neçəsi Bakıdan kənarda nəşr olunurdu. Qəzetlərdən çoxunun ömrü qısa olsa da elə qəzetlər vardı ki, istər ölkə daxilində və istərsə də xarici ölkələrdə öz yüksək professionallığı və intellektuallığı ilə özünə çoxlu abunəçilər toplaya bilmişdilər. Bir tərəfdən mətbuat azadlığı, o biri tərəfdən onların nəşri üçün maliyyə-pul vəsaitinin olması Bakıda jurnalistlərin sayını xeyli artırmışdı. Qəzetlərdən çoxu Bakı milyonçularının imtiyazı ilə çıxırdı.  “Tərəqqi” qəzeti milyonçu Murtuza Muxtarovun vəsaiti ilə çap olunurdu.

Birinci  nömrəsi  1908-ci  il  iyun  ayının  3-də  çıxmışdı. Qəzetin adı “Tərəqqi” sözünün altında “Hürriyyət, müsavat, ədalət” sözləri yazılmışdı. Siyasi, ədəbi, ictimai və iqtisadi bir qəzet idi. “Tərəqqi” əvvəllər həftədə 5 dəfə, ilin axırına doğru gündəlik çıxırdı.  Mənası “İrəliləmə, irəliləyiş, inkişaf” deməkdir.

Bakıda nəşr edilən bu qəzetin redaktoru və naşiri Əhməd bəy Ağayev idi. “İrşad”ın davamı olan “Tərəqqi” ideyaca türkçülüyü təbliğ edən milli ruhda bir qəzet idi. “Tərəqqi”nin nəşrində Firudin bəy Köçərli, Ömər bəy Nemanzadə, Üzeyir Hacıbəyov, Məhəmməd Hadi və başqaları iştirak ediblər.

Bir sıra maliyyə çətinliklərinə görə “Tərəqqi” cəmi 434 nömrədən sonra - 1909-cu il oktyabrın 6-da bağlandı.

Bundan sonra Muxtarov “Tərəqqi” mətbəəsini alıb Haşım bəy Vəzirovun sərəncamına verdi.

MÜŞFİQƏ

Paylaş:
Baxılıb: 116 dəfə
Multi-media

Xəbər lenti

Hamısına bax

Ədəbiyyat

Sosial

Avropa imtina edir

02 İyul 12:09

Xarici siyasət

Siyasət

Xəbər lenti

Xəbər lenti

Ədəbiyyat

Xəbər lenti

Müsahibə

Xarici siyasət

İqtisadiyyat

İqtisadiyyat

Prezident bu gün

Prezident bu gün

01 İyul 09:55

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31