Heydər Əliyev yeni azerbaycan logo

Ana səhifə / Xəbər lenti / Büdcənin artırılan xərclərinin hansı mənbələr əsasında maliyyələşdiriləcəyi açıqlanıb

Büdcənin artırılan xərclərinin hansı mənbələr əsasında maliyyələşdiriləcəyi açıqlanıb

20.06.2022 [12:22]

“Cari il üçün qeyri-neft büdcə kəsiri üzrə yuxarı hədd 27,5 faiz səviyyəsində nəzərdə tutulub”.

APA-nın xəbərinə görə, bunu Milli Məclisin İqtisadi siyasət, sənaye və sahibkarlıq və Əmək və sosial siyasət komitələrinin birgə iclasında “Azərbaycan Respublikasının 2022-ci il dövlət büdcəsi haqqında” Azərbaycan Respublikasının Qanununda dəyişiklik edilməsi barədə” qanunun layihəsinin (birinci oxunuş) müzakirəsi zamanı maliyyə naziri Samir Şərifov bildirib.

Samir Şərifov qeyd edib ki, dövlət və icmal büdcələrə dəyişikliklər zamanı dövlət borcu üzrə hədəf göstəriciləri üzrə də büdcə qaydasına uyğun olaraq müəyyənləşdirilmiş 20 faiz həddinə də tam riayət olunur. Onun sözlərinə görə, dövlət və icmal büdcələr üzrə zəruri xərclərin aşağıdakı qaydada maliyyələşdirilməsi nəzərdə tutulub:

- Əlavə qeyri-neft gəlirləri hesabına – 1 milyard 351 milyon manat;

- Əlavə neft gəlirləri hesabına – 848 milyon manat;

- Dövlət büdcəsində mövcud olan istifadə edilməmiş xərclərə yenidən baxılma yolu ilə xərclər arasında yerdəyişmələrin aparılması hesabına – 561 milyon manat;

- “Avtomobil Yolları” Məqsədli Büdcə Fondunun 2022-ci ilin əvvəlinə qalığı hesabına 181,0 milyon manat və və “Ətraf mühitin mühafizəsi üzrə dövlət fondu”nun qalığı hesabına 2,3 milyon manat;

- Dövlət büdcəsinin genişlənmiş kəsirinin maliyyələşmə mənbəyi kimi daxili borclanma hesabına – 43 milyon manat.

Maliyyə naziri nəzərə çatdırıb ki, yenidən baxılma nəticəsində 2022-ci il üçün dövlət büdcəsinin gəlirləri 29 milyard 198 milyon manat proqnozlaşdırılır ki, bu da təsdiq olunmuş göstəriciyə nisbətən 2 milyard 382 milyon manat və ya 8,9 faiz çoxdur. 2022-ci ilə yenidən baxılmış dövlət büdcəsinin gəlirlərinin 53,2 faizi və ya 15537,5 milyon manatı neft sektorunun, 46,8 faizi və ya 13660,3 milyon manatı qeyri-neft sektorunun payına düşür. 2022-ci ilin təsdiq olunmuş göstəriciləri ilə müqayisədə neft sektoru üzrə gəlirlər 847,5 milyon manat və ya 5,8 faiz, qeyri-neft sektoru üzrə isə 1534,3 milyon manat və ya 12,6 faiz artırılır.

Paylaş:
Baxılıb: 73 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Mədəniyyət

13 il öncə...

25 İyun 10:35

Xəbər lenti

Siyasət

MEDİA

Prezident bu gün

Prezident bu gün

25 İyun 10:11

Xəbər lenti

Siyasət

4-cü səfər...

25 İyun 10:01  

Gündəm

Xəbər lenti

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30