Heydər Əliyev
yeni azerbaycan logo

Ana səhifə / Xəbər lenti / Azərbaycan COVID-19 pandemiyasına qarşı qlobal səyləri səfərbər edən ilk ölkələrdən biridir

Azərbaycan COVID-19 pandemiyasına qarşı qlobal səyləri səfərbər edən ilk ölkələrdən biridir

30.09.2022 [10:21]

Vətəndaşların sağlamlığının qorunması, göstərilən tibbi xidmətin səviyyəsinin və keyfiyyətinin yüksəldilməsi dövlət siyasətinin prioritet istiqamətlərindən biridir. Azərbaycan Respublikası Prezidenti İlham Əliyevin rəhbərliyi ilə ölkəmizdə səhiyyə sahəsində uğurlu islahatlar aparılır. Ən müasir avadanlıqlarla təchiz olunmuş yeni tibb ocaqları tikilir, səhiyyə xidmətinin yaxşılaşdırılması istiqamətində ardıcıl, təxirəsalınmaz tədbirlər görülür. Elə bunun nəticəsidir ki, ölkəmizdə infeksiyanın yayılma sürəti o qədər də yüksək deyil. Qabaqlayıcı tədbirlər deyəndə sözsüz ki, sosial izolyasiyanın tətbiqi, dezinfeksiya işlərinin aparılması və əhalinin maarifləndirilməsi nəzərdə tutulur. Eləcə də əhali arasında geniş təbliğat işləri aparılıb, yaşayış evlərinin girişlərinə elan lövhələri yapışdırılıb, uzaq qəsəbələrdə yaşayanların tibbi müayinəsi üçün səyyar həkim briqadaları yaradılıb. Bunlar nə qədər vacib və zəruri tədbirlər olsa da, bu sahədə əsas yük tibb işçilərinin üzərinə düşür. Xəstəliklə mübarizədə həkim-infeksionistlərin, epidemioloqların və əhalinin sağlamlığının keşiyində dayanan digər tibb işçilərinin böyük zəhməti danılmazdır. Prezident İlham Əliyevin martın 18-də imzaladığı “Yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin sosial müdafiəsinin gücləndirilməsi haqqında” Sərəncamı bu istiqamətdə çalışan səhiyyə işçilərinin fədakar əməyinə verilən yüksək dəyərin və onlara göstərilən sosial qayğının nümunəsidir. Dövlət başçısı tərəfindən atılan bu addım şübhəsiz ki, əhalinin sağlamlığının keşiyində dayanan tibb işçilərini daha böyük məsuliyyətlə, həvəslə və yorulmadan çalışmağa sövq edir.

Uzun müddətdir dünyanı cənginə alan bu dəhşətli virusla qarşılaşan Azərbaycan ilk vaxtlardan etibarən COVID-19 pandemiyasına qarşı qlobal səyləri səfərbər edən ilk ölkələrdən biri olub. Azərbaycan bu qlobal təhlükəyə qarşı mübarizəyə çox operativ qoşulub. Azərbaycanda pandemiyanın ilk günlərindən COVID-19-un əhaliyə neqativ təsirinin minimallaşması və vəziyyətin nəzarətdə saxlanması üzrə praktiki tədbirlər görüldü. Qısa zamanda 13 modul tipli və 1 daimi xəstəxana tikildi. Ölkədə COVID xəstələrinin müalicəsi üçün ayrılan xəstəxana çarpayılarının ümumi sayı 10 mini ötür.

Bir çox Qərbi Avropa ölkəsindən fərqli olaraq, Azərbaycan əhalisi həm vaksini daha tez qəbul edib, həm də ictimai səhiyyə tədbirlərinə sıx əməl olunmağa başlayıb. Bu da təbii ki, yoluxma sayının az olmasına öz təsirini göstərir.

Bunun nəticəsidir ki, ölkədə epidemioloji vəziyyətin yaxşılaşması ilə əlaqədar martın 5-də Nazirlər Kabineti yanında Operativ Qərargah xüsusi karantin rejimi çərçivəsində yumşalma tədbirlərinin növbəti mərhələsinin tətbiqi ilə bağlı qərar qəbul edib.

Bütün bunlar ölkəmizdə əhalinin sağlamlığının qorunmasının, dünya standartlarına uyğun tibbi yardımla təmin olunmasının həyata keçirilən sosial-iqtisadi siyasətin prioritetlərindən olduğunu bir daha sübut edir. Azərbaycanda infeksiyanın yayılmasının qarşısını almaq məqsədi daşıyan preventiv və profilaktik tədbirlərə əhalinin də dəstək verməsi, sosial həmrəylik nümayiş etdirməsi görülən işlərin daha səmərəli nəticə verməsinə səbəb olacaq.

Rəfail Musayev

AzTU-nun İctimai sağlamlıq və  səhiyyənin təşkili kafedrasının müəllimi

Paylaş:
Baxılıb: 127 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Sosial

Xarici siyasət

Xəbər lenti

Arxiv
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30