Redaksiyaya məktub

Bakı:

19 °C

94 %

2 m/s

Əlaqə

AZ RU EN

Ana səhifə / Xəbər lenti / Redaksiyaya məktub

Redaksiyaya məktub

17.06.2023 [11:22]

Bu gün Azərbaycanda hakimiyyətin xalqla birliyi göz önündədir. Bunu böyükdən kiçiyə qədər hər kəs bilir və qəbul edir. Həqiqəti isə bilmək və qəbul etmək kifayət deyil. Bəzən onu dilə də gətirmək lazımdır. Yaxşı haldır ki, Azərbaycan xalqı bu həqiqəti dilə gətirməyi də unutmur, hətta bəzi hallarda özünə borc bilir. Bu mənada redaksiyamıza mütəmadi olaraq oxuculardan ölkədə baş verən siyasi proseslər barədə məktublar gəlir. Onlardan birini - Qubadlıdan olan Nüsrət Abuşovun məktubunu olduğu kimi təqdim edirik:

Dahi sərkərdəmiz

Azərbaycan odlar yurdu, qədim diyar, bir çox qanlı-qadalı müharibələrdən qalibiyyətlə çıxmış, öz müstəqilliyini, milli dəyərini qoruyub saxlamağa nail olmuşdur.

Bunun əsas səbəblərindən biri də ölkədə hakimiyyət və xalq arasında güclü bir vəhdətin olmasıdır. Hələ 1969-cu ildən bəri Heydər Əliyev ölkəmizə rəhbərlik etdiyi zamanda ölkədə Azərbaycan dilinin, mədəniyyətinin, elminin inkişafına çox böyük diqqət ayrılmışdır.

Bu dövrdə Azərbaycanda müxtəlif çeşiddə minlərlə kitab, qəzet və jurnallar çap olunmuşdur. Hətta 1980-cı il “Mir Sosializma çifrax i faktax” illik statistik jurnalının verdiyi məlumata görə, Azərbaycan dilində çap olunan qəzet və jurnalların, eləcə də kitabların tirajı bir sıra ölkələrdə çap olunan mətbuat orqanlarından daha çox idi. Məhz buna görə də 1993-cü ilin yayında xalq ayağa qalxdı və təkidlə

Heydər Əliyevin yenidən hakimiyyətə qayıtmasına nail oldu. Bu dövrdən başlayaraq ölkəmiz çox böyük iqtisadi-siyasi və mədəni inkişafa nail oldu. Buna görə də Azərbaycan xalqı Ali Baş Komandan İlham Əliyevin rəhbərliyi ilə işğalçı Ermənistan üzərində qələbə çaldı. 44 gün ərzində işğal olmuş torpaqlarımızı özümüzə qaytardı. Bəziləri elə fikirləşir ki, biz yalnız Ermənistan üzərində qələbə qazanmışıq, əslində isə biz bütün dünyada yaşayan erməni diasporu üzərində qələbə qazanmışıq. Çünki ermənilər dünyanın 112 ölkəsində yaşayırlar, bəzi ölkələrdə ABŞ, Fransa, Kanada və.s hökumətlərin xarici siyasətinə təsir göstərmək imkanına malikdirlər. Üstəlik də Qərb ölkələrində bədnam xristian təəsübkeşliyi, erməni əzabkeşliyi mifologiyası geniş yayılmışdır. Bunun səbəbidir ki, erməni terrorçuları 1973-cü ildən bəri dünyanın bir çox ölkələrində Türkiyə respublikasının səfirlərini, diplomatik nümayəndələrini vəhşicəsinə qətlə yetirmişdilər. Lakin Azərbaycan xalqı Ali Baş Komandan İlham Əliyevin ətrafında yumruq kimi birləşib. Düşmənə bu qələbə göstərdi ki, Azərbaycanda hakimiyyət və xalq arasında möhkəm əbədi vəhdət yaranmışdır. İndi bizim qarşımızda heç bir düşmən tab gətirə bilməz.

Və sonda üzümü bütün xalqıma tutub İlham Əliyev ətrafında sıx birləşməyə çağırıram. Bu birlik bizi hər gün işıqlı sabahlara, xoşbəxt gələcəyə daha da yaxınlaşdırır.

Nüsrət Səfiyar oğlu Abuşov

Bakı 2023

Paylaş:

Baxılıb: 565 dəfə