Əli Kərimlinin “fransızlığı”...

Bakı:

27 °C

36 %

1 m/s

Əlaqə

AZ RU EN

Ana səhifə / Xəbər lenti / Əli Kərimlinin “fransızlığı”...

Əli Kərimlinin “fransızlığı”...

28.03.2024 [09:45]

Erməni havadarlarına dəstək verən AXCP sədri milli maraqlara qarşı gəlir

Azərbaycanın dövlət siyasətinin başlıca amili milli maraqlara istinad, milli mənafenin qorunmasıdır. Qarşılıqlı əlaqələrin gücləndirilməsi, əməkdaşlıqların genişləndirilməsi, siyasi dialoqun yüksək səviyyəyə çatıdırılması bu amillə birbaşa bağlılıq təşkil edir. Bəli, hər zaman vurğulandığı kimi, Azərbaycanın hər hansı bir dövlət və ya təşkilat qarşısında öhdəliyi yoxdur - Azərbaycan dövləti yalnız Azərbaycan vətəndaşı qarşısında öhdəliyə malikdir. Bu nöqteyi - nəzərdən Azərbaycanın siyasi-iqtisadi əlaqələri birmənalı olaraq milli maraqlar rakursundan dəyərləndirilir. Eyni zamanda, Azərbaycan az-az dövlətlərdəndir ki, hər hansı prosesdə siyasi tərəf kimi iştirak etmir - ölkəmiz bütün siyasi güclərdən eyni məsafədə dayanır və milli maraqları çərçivəsində tərəfdaşlıq əlaqələri qurur. Təbii ki, ölkəmizə qarşı yönələn hər hansı bir təhdid və ya sərt ritorika da qarşılıqsız qalmır. Ölkəmiz dəfələrlə sübut edib ki, bizə qarşı yönələn hər hansı bir təhlükəni zərərəsizləşdirməyə və ya təhdidi aradan qaldırmağa gücümüz çatır.

Təsadüfi deyil ki, bir sıra dövlətlərin ölkəmizdəki ucuz emissarlığını həyata keçirməyə çalışan redikül müxalifət bu situasiyadan çox narahatdır. Xüsusilə, Fransanın əlaltısı kimi “şöhrət tapmış” AXCP sədri Əli Kərimli Azərbaycanın Parisə münasibətdə “müdafiə” olunmamasını, “hücum taktikası” həyata keçirməsini həzm edə bilmir. Erməni havadarı olan Fransanın “maraqları” üçün səfərbər olan Əli Kərimli Parisin ölkəmiz qarşısındakı acı məğlubiyyətlərini də görür - beynəlxalq platformalarda Azərbaycanın açıq üstünlük qazanmasının yaratdığı diskomfortun nəticəsidir ki, Kərimli özünün “nitqlərində” “Avropa-Azərbaycan münasibətlərinə” xüsusi yer ayırmağa çalışır.

Maraqlı məqam odur ki, Kərimli özünün “fransızlığı”nı gizləmək üçün ümumən Avropa adından danışır. Halbuki Azərbaycanın Avropanın mütləq əksər ölkələri ilə münasibətləri yüksək səviyyədədir. İstər enerji sahəsindəki əməkdaşlığımız, istər digər sektorlardakı işbirliyimiz Avropa ilə Azərbaycan arasında işgüzar mühit formalaşdırıb. Kərimlini narahat edən isə təbii ki, Fransanın neokolonialist, işğalçı, separatizmi dəstəkləyən simasını ifşa etməyimizdir. Məhz Azərbaycanın öncüllüyü ilə bu gün dünyada neokolonializmə qarşı aktiv mübarizə aparılır. Bu isə ilk növbədə Fransanın işğalçı planları ilə uyğun gəlmir. Və ya BMT TŞ müstəvisində nail olduğumuz qələbələr Parisin imicini yerlə-yeksan edib. Bunun nəticəsidir ki, Fransa özünün əlaltılarını “səfərbər edərək” ermənipərəst siyasətinə qarşı müqaviməti “Azərbaycan-Avropa münasibətləri” kontekstində izah etdirməyə çalışır.

Beləliklə, Ə.Kərimlinin Azərbaycanın milli maraqlarına qarşı mövqe tutması bir daha özünü göstərməkdədir. Kərimli erməni havadarı Fransanın dəstəkçisi kimi çıxış edir. Bu gün Fransanın maraqlarının “danışan dili”nə çevrilən Ə.Kərimli və yandaşları üçün milli maraq heç bir əhəmiyyət kəsb etmir - ortaya qoyduğu “yanaşma” bir daha Ə.Kərimli və yandaşlarının antimilli mahiyyətindən xəbər verir. Görünən odur ki, 1992-ci ildə Azərbaycanın maraqlarını xarici fondlara satan, sonradan isə öz partiyadaşlarına belə xəyanət edən Əli Kərimli bu gün də ölkəmizin, xalqımızın mənafeyinə qarşı cəbhə almaqda davam edir. Ermənipərəst qurumların çirkin oyunlarının aləti qismində çıxış edən Ə.Kərimli və dəstəsi bir daha öz kimliklərini Azərbaycan cəmiyyətinə nümayiş etdirirlər...

MƏNSUR

Paylaş:

Baxılıb: 573 dəfə