Qusar seçiciləri referendumda aktivlik nümayiş etdirəcəklər

Bakı:

21 °C

83 %

5 m/s

Əlaqə

AZ RU EN

Ana səhifə / Gündəm / Qusar seçiciləri referendumda aktivlik nümayiş etdirəcəklər

Qusar seçiciləri referendumda aktivlik nümayiş etdirəcəklər

11.03.2009 [15:44]

“Yeni Azərbaycan” təşviqat qrupu martın 18-də keçiriləcək referendumla bağlı Qusar rayonunda bir sıra tədbirlər keçirib. Yasab, Hil, Quxur oba, Şirvanovka kəndlərində keçirilən görüşləri giriş sözü ilə açan “Yeni Azərbaycan” təşviqat qrupunun Qusar rayon şöbəsinin sədri David İbramxəlilov Konstitusiyaya təklif olunan əlavə və dəyişikliklərlə bağlı məlumat verib. O, bildirib ki, Konstitusiya islahatları dövlətçiliyimizin möhkəmlənməsinə, iqtisadi inkişafın yüksəlişinə və sosial rifahımızın yaxşılaşmasına xidmət edir: “Ona görə də, Konstitusiya islahatlarının həyata keçirilməsi vacibdir. Bu qanunların təkmilləşdirilməsi məhz onların yaxşı vəziyyəti, layiqli həyat şəraiti üçün nəzərdə tutulub”.
çıxış edən “Yeni Azərbaycan” təşviqat qrupunun səlahiyyətli nümayəndəsi, Milli Məclisin Aqrar siyasət daimi komissiyasının sədri Eldar İbrahimov Konstitusiyanın bütün maddələrinin vətəndaşların hüquq və azadlıqlarının etibarlı təmin edilməsi, onların layiqli sosial həyat səviyyəsinin möhkəmlənməsi, iqtisadiyyatımızın inkişafı nəticəsində sosial proqramların həyata keçirilməsi üçün dərin əsaslar yaratdığını xatırladıb. Dövlətin gələcəyimiz olan uşaqların qayğısına qalmasından danışan təşviqat qrupunun vəkili cəmiyyətimizin özəyi olan uşaqların sosial müdafiəsinin gücləndirilməsinin əhəmiyyətinə də toxunub. Bundan başqa, vətəndaşların ləyaqətini alçaldan məqamlarla bağlı bir sıra məlumatların yayılmasını məhdudlaşdıran 18-ci maddə haqqında məlumat verən natiq ümumilikdə, Konstitusiyanın mütərəqqi dəyişikliklərini təqbir edib.
“Yeni Azərbaycan” təşviqat qrupunun vəkili Kərim Kərimov ölkəmizdə həyata keçirilən siyasi və iqtisadi proqramların uğurlarından danışıb. K.Kərimov Konstitusiya islahatları nəticəsində bu siyasətin məntiqi inkişafının davamlı xarakter alacağını söyləyib: “Azərbaycan yeni inkişaf mərhələsindədir, düşünülmüş siyasət, sosial proqramlar insanların layiqli həyat səviyyəsinin təmin olunmasına söykənir. ölkəmiz sürətlə inkişaf edir, həyata keçirilən layihələr nəticəsində maliyyə imkanlarımız artır, vətəndaşların sosial təminatları güclənir”.
Sonda natiqlər qusarlı seçiciləri 18 martda seçki məntəqələrinə gələrək Referendum Aktına səs verməyə çağırıb. Görüş iştirakçıları isə Azərbaycanın sürətli inkişafının davamlı olması naminə Konstitusiyaya təklif olunan əlavə və dəyişikliklərin lehinə səs verəcəklərini bildiriblər. Tədbirlər davam edir.

Paylaş:

Baxılıb: 1935 dəfə