Heydər Əliyev yeni azerbaycan logo

Ana səhifə / MEDİA / “Redaksiya siyasəti və peşə etikası qaydaları” “Yeni Azərbaycan” qəzetində müzakirə edilib

“Redaksiya siyasəti və peşə etikası qaydaları” “Yeni Azərbaycan” qəzetində müzakirə edilib

22.04.2022 [12:44]

Aprelin 22-də "Yeni Azərbaycan" qəzetinin redaksiyasında Media İnkişafı Agentliyinin (MEDİA) tövsiyələrinə uyğun olaraq “Redaksiya siyasəti və peşə etikası qaydaları” mövzusunda müzakirələr aparılıb. 
“Yeni Azərbaycan” qəzetinin baş redaktoru Alqış Həsənoğlu çıxış edərək, əməkdaşların diqqətinə çatdırıb ki, media subyektləri üçün “Redaksiya siyasəti və peşə etikası qaydaları” nümunəsi (şablonu) hazırlanıb. Nümunənin hazırlanmasında Azərbaycan Respublikasının Medianın inkişafı Agentliyi, Azərbaycan Respublikası Audiovizual Şurası, Bakı Dövlət Universitetinin Jurnalistika fakültəsinin mütəxəssisləri, jurnalist təşkilatları və digər ekspertlər iştirak ediblər.
“Redaksiya siyasəti və peşə etikası qaydaları” nümunəsində ümumi prinsiplər, xəbər və şərh, xəbər mənbələri ilə iş, təkzib və düzəlişin necə verilməsi yer alıb. 
Alqış Həsənoğlu bütün dünyada  nüfuzlu media qurumlarının peşə etikası qaydalarını ehtiva edən kodeks əsasında işlədiyini diqqətə çatdıraraq, Azərbaycanın peşəkar mətbuatının da eyni yolu izlədiyini vurğulayıb. O bildirib ki, yeni tərtib olunmuş “Redaksiya siyasəti və peşə etikası qaydaları” nümunəsində ümumi prinsiplər, xəbər və şərh, xəbər mənbələri ilə iş, təkzib və düzəlişin necə verilməsi yer alıb. 

Müzakirələr zamanı qeyd edilib ki, media ən güclü təbliğat maşını olaraq düzgün istifadə edilmədikdə, özümüzə qarşı çevrilmiş silaha da dönə bilər. Onun kimin əlində olması və nəyi, necə təbliğ etməsi önəmlidir, hətta strateji əhəmiyyət daşıyır. Bu mənada redaksiya siyasətini müəyyənləşdirən bu kodekslər media qurumunun məqsədini, rəhbər tutduğu dəyərləri, yürütdüyü missiyanı həm  öz əməkdaşları, həm də cəmiyyət üçün açıq-aydın təsvir edir. Bu kodekslərin əldə rəhbər tutulması eyni zamanda media sahəsinə təsadüfən gələn və müəyyən məqsədləri olan reket jurnalistlərin də fəaliyyətini məhdudlaşdıracaq.

Sözügedən sənədlə tam tanış olmaq üçün müzakirələrin növbəti günlərdə davam etdirilməsinə qərar verilib.
Alqış Həsənoğlu qeyd edib ki, “Redaksiya siyasəti və peşə etikası qaydaları”nın müzakirəsi üçün “Yeni Azərbaycan” qəzetinin heyəti 26 aprel 2022-ci ildə bir daha toplanacaq. Müzakirələrin nəticəsi barədə qəzetdə informasiya veriləcək.

Paylaş:
Baxılıb: 140 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Ədəbiyyat

Prezident bu gün

Prezident bu gün

24 May 10:33

Analitik

MEDİA

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31