Heydər Əliyev
yeni azerbaycan logo

Ana səhifə / MEDİA / Artan nüfuz və uğurlu tərəfdaşlıq

Artan nüfuz və uğurlu tərəfdaşlıq

26.07.2022 [10:22]

Nicat

Ölkəmizdə aparılan məqsədyönlü dövlət siyasətinin uğurlu nəticəsi olaraq bu gün Azərbaycan bir çox nüfuzlu beynəlxalq təşkilatlar tərəfindən uğurlu tərəfdaş kimi tanınır. Xüsusilə qeyd edilməlidir ki, Azərbaycan son illər ərzində istər regionda, istərsə də dünya miqyasında ayrı-ayrı dövlətlər və beynəlxalq təşkilatlarla siyasi, sosial-iqtisadi, eyni zamanda hərbi, mədəni və digər bir çox sahələrdə ikitərəfli və çoxtərəfli əlaqələr qurmağa, bununla da beynəlxalq nüfuzunu ildən-ilə artırmağa nail olub. Xalqın maraqlarına, təhlükəsiz və rahat yaşayışının təmin olunmasına xidmət edən, eyni zamanda, sürətlə dəyişməkdə olan qlobal və regional proseslərə uyğunlaşdırılan çevik xarici siyasət strategiyasının təməli ümummilli lider Heydər Əliyev tərəfindən qoyulub. Məhz Ulu Öndərin müxtəlif ölkələrin, habelə, nüfuzlu beynəlxalq təşkilatların rəhbərləri ilə keçirdiyi çoxsaylı görüşlərin, apardığı müzakirələrin və əldə olunan razılaşmaların uğurlu nəticəsi olaraq yenicə müstəqillik qazanan Azərbaycanın beynəlxalq səviyyədə həqiqi müstəqil dövlət və etibarlı strateji tərəfdaş imici formalaşdı.

Ümummilli lider Heydər Əliyev tərəfindən əsası qoyulan bu siyasət bu gün onun layiqli davamçısı, Müzəffər Ali Baş Komandan İlham Əliyev tərəfindən layiqincə davam etdirilir.

Xüsusilə cari ildə xarici siyasət sahəsində olduqca böyük əhəmiyyətə malik olan addımlar atılıb. Beləliklə də Azərbaycanın beynəlxalq nüfuzu daha da artıb. Dövlətimizin başçısı da öz çıxışlarında bu barədə ictimaiyyətə məlumat verib. Ölkə başçısı  bu ilin altı ayının yekunlarına həsr olunan müşavirədəki çıxışında deyib ki, bu il bizim xarici siyasətimiz çox fəal olub və xarici siyasət istiqamətində hesab edirəm ki, yeni önəmli addımlar atılıb və ölkəmizin beynəlxalq nüfuzu daha da artıb. Nəticələr arasında, Qoşulmama Hərəkatındakı uğurlu sədrliyimizi xüsusi vurğulayan dövlətimizin başçısı bildirib: “Bizim sədrliyimiz bildiyiniz kimi, 2023-cü ilə qədər yekdil fikirlə bir il uzadılıb. Bu, onu göstərir ki, ölkəmiz 120 ölkə arasında çox böyük nüfuz qazanmışdır və bizə olan inam bu illər ərzində daha da artmışdır. Biz də məsuliyyətli ölkə olaraq və Qoşulmama Hərəkatının fəal sədri olaraq bu təsisatın institusional inkişafına da böyük töhfə vermişik. Önəmli addımlardan biri bu il Bakıda keçirilmiş Qoşulmama Hərəkatının Parlament Şəbəkəsinin toplantısı idi və Parlament Şəbəkəsinin yaradılması idi. Bakıda keçirilmiş bu önəmli tədbir bir daha göstərdi ki, bu Hərəkatın çox böyük potensialı var, həmrəyliyi dərinləşdirmək, əməkdaşlığı genişləndirmək və qarşılıqlı beynəlxalq dəstək üçün bu, çox önəmli platformadır. Bu, bizim təşəbbüsümüz idi və bu təşəbbüs artıq özünü real həyatda göstərir”.

Azərbaycan Avropa İttifaqı (Aİ) ilə də fəal əməkdaşlıq aparmaqdadır. Bunun nəticəsi kimi yaxın günlərdə Aİ ilə Azərbaycan arasında imzalanacaq önəmli sənədi nümunə gətirmək olar. Dövlətimizin başçısı bu barədə danışarkən deyib: “Bu il Avropa İttifaqı ilə fəal əməkdaşlıq aparılmışdır. Bildiyiniz kimi, biz yeni saziş üzərində işləyirik. Sazişin böyük hissəsi razılaşdırılıb və razılaşdırılmamış məsələlər də müzakirə olunur. Ümid edirəm ki, yaxın gələcəkdə bütün məsələlər razılaşdırılacaq.

Avropa İttifaqı Şurasının Prezidenti ilə bir neçə dəfə görüşdüyünü və telefon danışığını xatırladan Prezident İlham Əliyev bildirib: “Əlbəttə ki, əsas mövzu Azərbaycan-Ermənistan münasibətlərinin normallaşdırılmasıdır. Ancaq, eyni zamanda, Avropa İttifaqı-Azərbaycan əlaqələrinin gələcək inkişafı ilə bağlı geniş müzakirələr aparılır. Yaxın günlərdə Avropa İttifaqı ilə Azərbaycan arasında önəmli sənəd - enerji təhlükəsizliyi ilə bağlı sənəd imzalanacaq və bizim əməkdaşlığımızı daha yüksək səviyyəyə qaldıracaqdır”.

Həyata keçirilən irimiqyaslı layihələr, ikitərəfli və çoxtərəfli münasibətlərin inkişafı istiqamətində atılan real addımlar onu deməyə əsas verir ki, ölkəmizin beynəlxalq aləmdəki nüfuzu bundan sonra da artmağa davam edəcək.

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi” istiqaməti üzrə hazırlanmışdır

Paylaş:
Baxılıb: 95 dəfə
Multi-media

Xəbər lenti

Hamısına bax

Xəbər lenti

Xəbər lenti

Xəbər lenti

İqtisadiyyat

Xəbər lenti

Prezident bu gün

Prezident bu gün

12 Avqust 10:29

İqtisadiyyat

MEDİA

Gender bərabərliyi

12 Avqust 10:21

Yeni texnologiyalar

Xəbər lenti

4 ildən sonra...

12 Avqust 10:16

Siyasət

Siyasət

Gündəm

Xəbər lenti

Xəbər lenti

Xəbər lenti

Xəbər lenti

Xəbər lenti

Dünya

Ədəbiyyat

Ədəbiyyat

Sosial

Siyasət

Xəbər lenti

Karantin qayıdacaq?

11 Avqust 10:19

İqtisadiyyat

Prezident bu gün

Prezident bu gün

11 Avqust 10:09

İqtisadiyyat

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31